اپتونوم رايوندۇق 13- كەزەكتۉۉ ەل ۅكۉلدۅر قۇرۇلتايىنىن 3-جىينالىشى اچىلدى

2020-01-07 13:24

اپتونوم رايوندۇق 13- كەزەكتۉۉ ەل ۅكۉلدۅر قۇرۇلتايىنىن 3-جىينالىشى اچىلدى. چىن چۇانگو، نۇرلان ابىلماجىن، سۇن جئنلوڭ، لئى پىڭشئندەر تۅراعالار ساحناسىنان ورۇن الدى. شۅحرەت زاكىر ۅكۉمۅت قىزماتىنان بايانداما جاسادى. شاۋكەت ئمىن جينالىشتى باشقاردى.




ىستانسىيابىز قابارچىسى دئڭ شئياۋداندىن قابارى: اپتونوم رايوندۇق 13- كەزەكتۉۉ ەل ۅكۉلدۅر قۇرۇلتايىنىن 3- جىينالىشى 1- ايدىن 6- كۉنۉ تۉشتۅن مۇردا شئنجاڭ ەل سارايىندا اچىلدى. 500 گۅ جۇۇق اپتونوم رايوندۇق ەل قۇرۇلتايى ۅكۉلدۅرۉ تئيانشاندىن تۉندۉك تۉشتۉگۉندۅگۉ ار ۇلۇت ەلىنىن وروشون تابىشتووسۇن الىپ جىينالىشقا قاتىشىپ، نەگىزگى زاكون جانا زاكون ىيعارعان ىيىق مىلدەتىن سالتانات مەنەن اتقاردى.  


شئنجاڭ ەل سارايىندا مااناي سالتاناتتۇۇ ارى ايباتتۇۇ بولۇپ، ماملەكەت گەربى تۅراعالار ساحناسى كۅشۅگۅسۉنۉن دال ورتوسۇنا ئلىنىپ، 10 قىزىل تۇۇ ەكى تاراپقا قاتار تىزىلگەن. 


جىينالىش تۅراعالار توبۇنۇن دايىمدۇۇ ىشتەر تۅراعالارى، اتقارۇۇ تۅراعالارىنان چىن چۇانگو، شاۋكەت ئمىن، جۇ حايلۇن، لئى شۅجۉن، ۋاڭ يوڭمئڭ، مۇتەللىپ قاسىم، دوڭ شئنگۇاڭ، باداي، گۉلشات ابدىقادىر، مانەن زەينەل، سويۅلۅر تۅراعالار ساحناسىنىن الدىنقى قاتارىنان ورۇن الدى.  


شۅحرەت زاكىر، نۇرلان ابىلماجىن، سۇن جئنلوڭ، لئى پىڭشئن، لىيۇ ۋانلوڭ، لئى ۋئي، شۉ حايروڭ، ەركىن تۇنئياز، ۋاڭ جۉنجىڭ، تئيان ۋىن، سارقىت اقان، ياڭ شئن، جاڭ چۉنلئن جانا تۅراعالار توبۇنۇن مۉچۅلۅرۉ تۅراعالار ساحناسىنان ورۇن الدى.  


اپتونوم رايوندۇق 13- كەزەكتۉۉ ەل ۅكۉلدۅر قۇرۇلتايىنىن 3-جىينالىشىنا قاتىشۇۇعا تىيىشتۉۉ ۅكۉل 536 كىشى. بۉگۉنكۉ جىينالىشقا 481 كىشى قاتىشتى، قاتىشقاندار سانى زاكوندو بەلگىلەنگەن كىشى سنانىنا ىلايىق كەلەت.  


تۉشتۅن مۇردا ساات 10 دون 30 مئنۇت ۅتكۅندۅ، جىينالىشتىن الىپ بارۇۇچۇسۇ شاۋكەت ئمىن شئنجاڭ ۇيعۇر اپتونوم رايوندۇق 13- كەزەكتۉۉ ەل ۅكۉلدۅر قۇرۇلتايىنىن 3- جىينالىشىنىن اچىلعانىن جارىيالادى. باردىعى وردۇلارىنان تۇرۇپ، ماملەكەت ىرىن بىيىك دووشتو اتقارىشتى.



جىينالىش قارالماسىنا نەگىز، اپتونوم رايوندۇن تۅراعاسى شۅحرەت زاكىر اپتونوم رايوندۇق ەل ۅكۉمۅتۉ اتىنان ۅكۉمۅت قىزماتىنان بايانداما جاسادى. بايانداما ۉچ بۅلۉككۅ بۅلۉنگۅن: بئرىنچى، 2019- جىلدىق قىزماتتارعا قايرىلۇۇ؛ ەكىنچى، 2020- جىلداعى نەگىزگى قىزماتتار؛ ۉچۉنچۉ، ۅكۉمۅتتۉن ۅزۉندۉك قۇرۇلۇشۇن چىنىعى كۉچۅتۉۉ. 


 شۅحرەت زاكىر مىنداي دەدى: ەمى ەلە ۅتۉپ كەتكەن 2019- جىلدا، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن كۉچتۉۉ جەتەكچىلىگىندە، بئز شئى جئنپىڭدىن جاڭى دوور جۇڭگوچو سوتسئيالىزىم ىدەياسىن جەتەكچى قىلۇۇدا بەكەم تۇرۇپ، پارتئيا 19- قۇرۇلتايى جانا پارتئيا 19- كەزەكتۉۉ بوربوردۇق كومىتەتىنىن 2-، 3-، 4- جالپى جىينالىشتارىنىن رۇحۇن جالپى بەتكەي ئزچىل جۉزۅلۅشتۉرۉپ، جاڭى دووردوعۇ پارتئيانىن شئنجاڭدى باشقارۇۇ جالپى ىقىمى ايرىقچا قووم وموقتۇۇلۇعۇ جانا ۇزاققا بەيپىل باشقارۇۇ باش نئشانىن ئزچىل جۉزۅلۅشتۉرۉپ، «6 نى وموقتۇۇ قىلۇۇ» قىزماتىن كۉچۅپ جاقشى ىشتەپ، ەكونومىكانىن ۅنۉگۉۉسۉندۅ وموقتۇۇلۇق ىچىندە ىلگەرىلۅۅ بولدۇ، كەسپ قۇرۇلماسى ۉزگۉلتۉكسۉز قىلداشتىرىلدى، ۉچ چوڭ چابۇۇل زارىل ىلگەرىلۅۅلۅرگۅ جەتىشتى، ىسلاات اچىپ جىبەرۉۉ انسايىن تەرەڭدەپ، تئجارات سوودا چۅيرۅسۉ ۉزگۉلتۉكسۉز جاقشىلانىپ، ەلدىن تۇرمۇشۇ سىزىل جاقشىلانىپ، قوومدۇق جالپى قىرداالدىن وموقتۇۇلۇعۇ جانا ەكونومىكانىن بايسالدۇۇ ارى سوو ۅنۉگۉۉسۉ ساقتالىپ، «13- بەش جىلدىق» جوسپوردوعۇ نەگىزگى كۅرسۅتكۉچتۅر بولجومعو تۅپ بولۇپ، جالپى بەتكەي الدۇۇ قووم قۇرۇۇ دا جاڭى ىلگەرىلۅۅلۅرگۅ جەتىشتىك.  


شۅحرەت زاكىر قوومدۇق جالپى قىرداالدىن سىزىل وموقتۇۇلۇعۇن كۉچۅپ ساقتوو، ەكونومىكانىن بايسالدۇۇ ارى سوو ۅنۉگۉۉسۉن بار كۉچۉبۉز مەنەن تۉرتمۅكتۅۅ، كەمباعالدىقتان تۅپ ارىلتۇۇ چابۇۇلۇن ۇلاندۇۇ جاقشى الىپ بارۇۇ، نەگىزگى جابدۇۇلار قۇرۇلۇشۇن باچىم جىلىشتاتۇۇ، ىسلااتتى ۉزگۉلتۉكسۉز تەرەڭدەتىپ اچىپ جىبەرۉۉنۉ كەڭىرتۉۉ، كۅركۅم شئنجاڭ قۇرۇلۇشۇن باچىم جىلىشتاتۇۇ، مالئيا اقچا مامىلەنىن تىرەكتىك رولۇن چىنىعى كۅرسۅتۉۉ، ەل تۇرمۇشۇن كۉچۅپ قامتاماسىزداندىرۇۇ جانا جاقشىرتۇۇ، ۇلۇتتار ىنتىماقتىعىن جانا دئندىن شايكەشتۉۉلۉگۉن ىلگەرى سۉرۉۉ، بئڭتۇاندىن قىزماتىن قولدوو، شئنجاڭعا نئشاندۇۇ جاردام بەرۉۉ قىزماتىن جاقشى ىشتۅۅ، ماملەكەت قورعونۇۇسۇ جانا شئنجاڭدا تۇرۇشتۇۇ اسكەرى بۅلۉكتۅر قۇرۇلۇشۇن قولدوو سىياقتۇۇ جاقتاردان ۅتكۅن بئر جىلداعى قىزماتتارعا قايرىلدى. 


  شۅحرەت زاكىر مىنداي دەدى، 2020- جىلى ەكونومىكا قووم ۅنۉگۉۉسۉندۅكۉ نەگىزگى كۅزدۅگۅن نئشاانىبىز بولسو: رايون ۅندۉرۉش جالپى نارقىن 5.5 پايىز ايلاناسىندا، بۉت قوومدۇن تۇرۇقتۇۇ مۉلككۅ قارجى سالۇۇسۇن 5 پايىز ايلاناسىنا ارتتىرىپ، ئمپورت-ەكىسپورت سوودا سومماسىن 5پايىز ايلاناسىندا ارتتىرىپ، شاار ايىل تۇرعۇندارىنىن كىشى باشىنا تۇۇرا كەلچۉ چىعاشا الايتۇرعان كىرەشەسىن ايرىم-ايرىم 6 پايىز ايلاناسىندا، 7.5 پايىز ايلاناسىنا اتتىرىپ، شاار-شاارچادا تىزىمگە الدىرعان جۇمۇشسۇزدۇق سالىشتىرماسىن 4.5 پايىز ىچىندە ساقتاپ، تۇرعۇنداردىن كەرەكتۅۅ باا ارتۇۇسۇن 3 پايىز ايلاناسىندا تىزگىندەپ، ازىرقى اتقارىلىپ جاتقان ۅلچۅم بويۇنچا قالعان ايىل قىشتاقتارداعى كەمباعال جان-سانداردىن بارىن كەمباعالدىقتان ارىلتىپ، كەمباعال وودانداردىن كەمباعالدىق اتاعىن تۉگۅلدۅي الىپ سالۇۇ سىياقتۇۇلار. 


 شۅحرەت زاكىر مىنداي دەدى: 2020- جىلى ۅنۉگۉۉ كەلەچەگىنە ەە ورچۇندۇۇ تارىحىي مۅرتتۉ بەكەم قارماپ، جالپى قىرداالعا كۅز چاپتىرىپ، بئر كەلكى جوسپورلوپ تەڭ ماانئى بەرىپ، تۉيۉندۉ كۅرنۉكتۅندۉرۉپ، العىلىقتۇۇسۇن ىيگەرىپ، تۉردۉۉ قىزماتتاردى بەكەم جاقشى ىشتەيبىز. مىندا بئرىنچىدەن، زاكون بويۇنچا باشقارۇۇ تۇۇسۇن بىيىك كۅتۅرۉپ، قووم وموقتۇۇلۇعۇن چەچكىن قورعويبۇز؛ ەكىنچىدەن، ۉچ چوڭ چابۇۇلدۇ چەچكىن جاقشى الىپ بارىپ، بۉت ماملەكەت ەلى مەنەن تەڭ ارىمدا جالپى بەتكەي الدۇۇ قووم قۇرۇۇعا چىنىعى كەپىلدىك قىلابىز؛ ۉچۉنچۉدۅن، ۅزگۅچۅ ابزەلدۉۉ كەسىپتەردى جەتىشتىرىپ زورويتۇپ، شئنجاڭ ۅزگۅچۅلۉگۉنۅ ەە زامانباب ەكونومىكا سىستەماسىن قۇرۇۇنۇ جىلىشتاتابىز؛ تۅرتۉنچۉدۅن، ايىل-قىشتاقتى كۉلدۅنتۉۉ ىستىراتەگىياسىن كۉچۅپ جولعو قويۇپ، ايىل-چاربا ايىل قشىتاقتىن زامانداشۇۇسۇن باچىم جىلىشتابىز؛ بەشىنچىدەن، ساياقات بويۇنچا شئنجاڭدى كۉلدۅنتۉۉ ىستىراتەگىياسىن جالپى بەتكەي جولعو قويۇپ، ساياقاتچىلىقتى قاراپايىم ەلدىن بايۇۇسۇن تۉرتمۅكتۅدۅكۉ قۇرباتى ەڭ كۉچتۉۉ ەڭ كەڭىرى ەلدى بايىتۇۇ كەسىبى قىلىپ قۇرۇپ چىعابىز؛ التىنچىدان، جىبەك جولۇ ەكونومىكالىق القاعى ۅزۅكتۉۉ رايون قۇرۇلۇشۇن باچىمداتىپ، جالپى بەتكەي اچىپ جىبەرىلگەن قىرداالدىن قالىپتاشۇۇسۇن چىمىرقانا جىلىشتابىز؛ جەتىنچىدەن، نەگىزگى جابدۇۇ قۇرۇلۇشۇنۇن ەپكىنىن ارتتىرىپ، ەكونومىكانىن جوعورۇ ساپاتتا ۅنۉگۉۉسۉن ىلگەرى سۉرۅبۉز؛ سەگىزىنچىدەن، تۉيۉندۉۉ سالاالاردىن ىسلااتىن تەرەڭدەتىپ، تئجارات چۅيرۅسۉن بىردەمجىي جاقشىلاپ بازاردىن جاشوو كۉچۉن چىيرالتابىز؛ توعۇزۇنچۇدان، قوومدۇق ىشتەردىن ۅنۉگۉۉسۉن باچىمداتىپ، ەل تۇرمۇشۇ ايرىقچا قىيىنچىلىقتۇۇ قالايىق قالقتىن نەگىزگى تۇرمۇشۇ ۅنۉمدۉۉ قامتاماسىزدانۇۇسۇنا جانا جاقشىلانۇۇسۇنا چىنىعى كەپىلدىك قىلابىز؛ ونۇنچۇدان، پارتئيانىن ۇلۇت دئن ساياساتىندا بەكەم تۇرۇپ، ۇلۇتتاردىن ىنتىماقتۇۇ دئندىن شايكەشتۉۉ بولۇۇسۇن كۉچۉپ ىلگەرى سۉرۅبۉز؛ ون بئرىنچىدەن، بئڭتۇاندىن ىسلااتتى تەرەڭدەتىپ باچىم ۅنۉگۉۉسۉن كۉچۉپ قولدوپ، بئڭتۇاندىن ۅزگۅچۅ رولۇن تولۇق كۅرسۅتۅبۉز.  


 شۅحرەت زاكىر داعى ۅكۉمۅتتۉن ۅزۉندۉك قۇرۇلۇشۇن چىنىعى كۉچۅتۉۉ، شئنجاڭعا نئشاندۇۇ جاردام بەرۉۉ، ماملەكەت قورعونۇۇسۇ جانا قوشۇۇن قۇرۇلۇشۇن قولدوو، «14- بەش جىلدىق» جوسپوردۇ تۉزۉۉ سىياقتۇۇ جاقتاردى باياندادى.


  جىينالىشتىن كۉن تارتئبى بويۇنچا، جىينالىشتا 2019- جىلقى اپتونوم رايوندۇن ەل چارباسى جانا قووم ۅنۉگۉۉ پىلانىن اتقارۇۇ ابالى مەنەن 2020- جىلقى اپتونوم رايوندۇن ەل چارباسى جانا قووم ۅنۉگۉۉ پىلان دولبوورۇنۇن دوكىلاتى، 2019- جىلقى اپتونوم رايوندۇن قامچوت اتقارۇۇ ابالى جانا 2020- جىلقى اپتونوم رايوندۇن قامچوت دولبوورۇ جۅنۉندۅكۉ دوكىلاتى قاراپ چىعىلدى.  


  اپتونوم رايوندۇق ساياسئي كەڭەش 12- كەزەكتۉۉ كومىتەتى 3- جىينالىشىنا قاتىشقان ساياسئي كەڭەش مۉچۅلۅرۉ جىينالىشقا سىرتتان قاتىشتى.


  تۅراعالار ساحناسىنان داعى: اپتونوم رايوندۇق ەل ۅكۉمۅت، ساياسئي كەڭەش، شئنجاڭ اسكەرىي رايون، بئڭتۇاندىن جەتەكچىلەرى، اپتونوم رايوندۇق جوعورۇ داراجالۇۇ ەل سوت مەكەمەسى، اپتونوم رايوندۇق ەل پىروكۇراتۇرا مەكەمەسى، قۇرالدۇۇ ساقچى شئنجاڭ باش اتىرەتىنىن نەگىزگى جووپتۇۇلارى ورۇن الدى. اپتونوم رايوندون پەنسىياعا چىققان ەس الۇۇداقى ورۇن باسار ۅلكۅ داراجالۇۇدان جوعورقۇ قارت جولدوشتور سۇنۇش بويۇنچا جىينالىشتىن اچىلىشىنا قاتىشتى. رايونعو (بوربور)عو تىكە قاراشتۇۇ جانا ار قايسى ايماق وبلاس شاارلاردىن بايلانىشتۇۇ ورۇندارىنىن جووپتۇۇلارى جىينالىشقا سىرتتان قاتىشتى.

〖2020.01.07-13:24〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز