شۅحرەت زاكىر قاشقار ايماقتىق ۅكۉلدۅر توبۇنۇن قاراپ چىعۇۇسۇنا قاتىشتى

2020-01-07 16:05

شۅحرەت زاكىر قاشقار ايماقتىق ۅكۉلدۅر توبۇنۇن قاراپ چىعۇۇسۇنا قاتىشقاندا: كەمباعالدىقتان ارىلتۇۇ چابۇۇلۇندا چەچۉۉچۉ جەڭىشكە جەتىپ، الدۇۇ قوومدۇ ورتوق قۇرۇۇبۇز كەرەك، دەدى.

1- ايدىن 6- كۉنۉ تۉشتۅن كىيىن، اپتونوم رايوندۇق پارتكومدۇن ورۇنباسار شۇجئسى، اپتونوم رايوندۇن تۅراعاسى شۅحرەت زاكىر ۅزۉ تۇرۇشتۇۇ جەردەكى اپتونوم رايوندۇق 13-كەزەكتۉۉ ەل ۅكۉلدۅر قۇرۇلتايى 3-جىينالىشىنىن قاشقار ايماعى ۅكۉلدۅر توبۇنا كەلىپ، ۅكۉمۅت قىزماتى بايانداماسىن قاراپ چىعۇۇعا قاتىشتى.

ۅكۉلدۅردۉن سۅزۉن قۇنت قويۇپ ۇققاندان كىيىن، شۅحرەت زاكىر مىنداي دەدى: ۅتكۅن بئر جىلدا، شئنجاڭدىن قوومدۇق جالپى قىرداالى وموقتۇۇ بولۇپ، ەكونومىكاسى سوو ۅنۉگۉپ، ەل تۇرمۇشۇ سىزىل جاقشىلانىپ، ار ۇلۇت قالايىق قالقىنىن ەە بولۇۇ سەزىمى، باقتىلۇۇلۇق سەزىمى، قووپسۇزدۇق سەزىمى ۉزگۉلتۉكسۉز جوعورۇلادى. بۇل جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن چىنىعى قامقوردۇعۇنان، پارتئيانىن بوربوردوشتۇرۇپ بىرىدىكتۉۉ جەتەكچىلىك قىلۇۇسۇ جانا جۇڭگوچو سوتسئيالىزىم تۉزۉمۉنۉن ارتىقچىلىعىنان بولدۇ، بۉتكۉل رايونۇبۇزداعى ار ۇلۇت كادىر، قالايىق قالقىنىن بئر نەەتتە ىنتىماقتاشىپ، ەل بىرىمدىگىنىن قورعونۇن قالىپتاندىرعانىنان بولدۇ، ايرىقچا «العاچقى مۉدۅۅنۉ ۇنۇتپاي، ىيىق مىلدەتتى ەستە بەكەم ساقتوو» نەگىزگى تەما تاربئياسىن تەرەڭدەي قۇلاچ جايدىرۇۇ ارقىلۇۇ، جاڭى دوور پارتئيانىن شئنجاڭدى باشقارۇۇ جالپى ىقىمىن ىزچىلدەشتىرۉۉگۅ بولعون اياباي زور ىنتاانى جانا قىيمىلداتقىچ كۉچتۉ داعىدا قوزعودۇق. 

شۅحرەت زاكىر مىنداي دەدى: بىيىل بەلگى مۉنۅزدۉۉ بئر جىل بولوت، بئز كەمباعالدىقتان ارىلتۇۇ چابۇۇلۇندا چۉچۉۉچۉ جەڭىشكە جەتىپ، جالپى بەتكەي الدۇۇ قووم قۇرۇۇنۇن چەچۉۉچۉ جەڭىشىن قولعو كەلتىرەبىز. چوڭ جۇمۇشتاردى باشقا الىپ چىعا تۇرعان وروشون تارىحى وڭۇتتۇ قولدون بەربەي، باردىعىبىز بئر نەەت بئر بئر ماقساتتا قايراتتانىپ ىشتەپ، قانچا قىيىنچىلىق جانا وپۇرتالدار بولعون سايىن وشونچو العالاپ، جالپى بەتكەي الدۇۇ قووم قۇرۇۇ جانا «13-بەش جىلدىق» جوسپوردۇ تولۇق جەڭىشتۉۉ بۉتۉرۉۉگۅ چىنىعى كەپىلدىك قىلۇۇبۇز كەرەك. قاشقار ايماعى كەمباعالدىقتان ارىلتۇۇ چابۇۇلۇ، تەرروردۇققا قارشى تۇرۇپ، وموقتۇۇلۇقتۇۇ قورعوونۇن نەگىزگى كۉرۅش مايدانى قاتارى، مىلدەتى مۉشكۉل، جووپكەرچىلىگى زور. وموقتۇۇلۇق قىزماتىنان تۇرعان ۇشۇل ەڭ چوڭ الدىنقى شارتتى بەكەم قارماپ، باشتان بويعو باش نئشانعا ۉيرۉلۉپ، ەسكەرتۉۉ سەگنالىن تۉبۅلۉككۅ جاڭىرتىپ، ار دايىم قىرااقىلىقتى ساقتاپ، ۇنىۋەرسال ساياسات قولدونۇپ، «قۇراما مۇش» تۇ ۇرۇپ، دايىمداشقان قوومدۇق باشقارۇۇ مەحانىزىمىن كەمەلدەندىرىپ جانا جاقشىرتىپ، قوومدۇ باشقارۇۇ قۇرباتىن داعى بئر دەمجىي جوعورۇ كۅتۅرۉۉسۉ كەرەك؛

«ۉچ چوڭ چابۇۇل» دان تۇرعان ۇشۇل ەڭ زور مىلدەتتى بەكەم قارماپ، شاارعا چابۇۇلداپ بەكىنىشتەردى قويبوي الۇۇ، تولۇق جەڭىشكە جەتمەيىنچە قايتپاي تۇرعان قايرات مەنەن، وور كەمباعالدىقتى «جويۇۇ كۉرۅشۉ»ن چەچكىن الىپ بارۇۇسۇ كەرەك؛ قالايىق قالىق قىزماتىنان تۇرعان ۇشۇل ەڭ زور ساياسىنى بەكەم جاقشى قارماپ، قالايىق قالىق اراسىنا تەرەڭ چۅگۉپ، قالايىق قالىق اراسىنا بارىپ، قالايىق قالق مەنەن بايلانىش قىلىپ، قالايىق قالقتى ىنتىماقتاشتىرىپ، قالايىق قالققا تەيلۅۅ جۉرگۉزۉپ، قالايىق قالقتىن كۅڭۉل بۅلگۅندۅرۉ جانا كۉتكۅن ۉمۉتۉنۅ ىشتىكتۉۉ جووپ قايتارۇۇسۇ كەرەك؛ جۇمۇشتاندىرۇۇدان تۇرعان ۇشۇل بئر ەڭ چوڭ ەل تۇرمۇشۇن بەكەم قارماپ، ەلدى بوربور قىلۇۇدا بەكەم تۇرۇپ، توقۇماچىلىق كىيىم كەچەك، ايىل چاربا قوشۇمچا تۉشۉمدۅرۉنۅ تەرەڭدەي ئش قوشۇۇ، ەمگەك كۉچتۅرۉن چوردوندۇۇ تاالاپ قىلۇۇچۇ كەسپتەردى كۉچ سالا ۅنۉكتۉرۉپ جۇمۇشتاندىرۇۇنۇ الىپ جۉرۉۉسۉ كەرەك؛ ۅنۉگۉۉدۅن تۇرعان ۇشۇل ەڭ زور نەگىزدى بەكەم قارماپ، جاڭى ۅنۉگۉۉ تۉشۉنۉگۉندۅ بەكەم تۇرۇپ، ەكونومىكانىن جاشىل تۉستۉۉ ۅنۉگۉۉسۉن، سىزىل ۅنۉگۉۉسۉن، جوعورۇ ساپاتتا ۅنۉگۉۉسۉن تۉرتمۅكتۅپ، «بئر القاق، بئر جول» قۇرۇلۇشۇنۇن وڭۇتۇن قولدون بەربەي، ۅنۉككۅن رايوندوردۇن ەركىن سوودا رايونۇ ىسلااتىنداعى جاڭىلىق جاراتۇۇ تاجىرىيبالارىنان ۅرنۅك الىپ، تئجارات سوودا چۅيرۅسۉن اسىلداشتىرىپ، نەگىزگى جابدۇۇلاردى جاقشىرتىپ، قاتتوو تۉيۉندۅرۉن قالىپتاندىرىپ، قاشقار ەكونومىكالىق ۅنۉكتۉرۉۉ رايونۇ قۇرۇلۇشۇن مىقتى جىلىشتاتىپ، جولدوش شئ جئنپىڭدى ۅزۅك قىلعان پارتئيا بوربوردۇق كومىتەتىنىن ساياسات بەلگىلۅۅ ورۇنداشتىرۇۇلارىنىن ۅز جەرىندە جۉزۅلۅشتۉرۉپ تامىر تارتقىزۇۇنۇ قىشايۇۇسۇز تۉردۅ تۉرتمۅكتۅپ، جالپى بەتكەي الدۇۇ قووم قۇرۇۇنۇن چەچۉۉچۉ جەڭىشىن قولعو كەلتىرۉۉ كەرەك.

〖2020.01.07-16:05〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز