زاتتىق ەمەس مادانئي مۇراستار تۉرۉ بويۇنچا كونسەرت قويۇلدۇ

2019-11-08 18:31

شئنجاڭ سوودا ۉيۉرمۅسۉ 2- كەزەكتۉۉ ئمپورت توۋارلار كۅرگۅزمۅسۉندۅ زاتتىق ەمەس مادانئي مۇراستار تۉرۉ بويۇنچا كونسەرت قويدۇ.  

11- ايدىن 5- كۉنۉنۅن 7-كۉنۉنۅچەيىن، 2- كەزەكتۉۉ جۇڭگو ەل ارالىق ئمپورت كۅرگۅزمۅسۉندۅ شئنجاڭ سوودا توبۇنۇن كۅركۅم ۅنۅر اترەتى ماملەكەتتىك كۅرگۅزمۅ بوربورۇ(شاڭحاي)نۇن بوربوردۇق ايانتىندا زاتتىق ەمەس مادانئي مۇراستار تۉرۉ بويۇنچا 3 مايدان كونسەرت قويدۇ. ەمى ىستانسىيابىز قابارچىسى دوڭ جىيوڭدۇن قابارى:   

(ناق مايدان ۉنۉ) شئنجاڭ سوودا توبۇ كۅركۅم ۅنۅر ويۇن قويۇۇ اتىرەتىنىن ارتىستەرى تاجىكتەردىن بۉركۉت بئيىن بىيلەي باشتادى. ارتئس ىكاياتشا ماتفۇشا مىنداي دەيت: بۉركۉت بئيى تاجكتەردىن جۅرۅلگۅلۉۉ بئيى، ماملەكەتتىن زاتتىق ەمەس مادانئي مۇراسى، ۇشۇل ساحنا ارقىلۇۇ، بۉت دۉينۅگۅ بئزدىن بئيىبىزدى، شئنجاڭدى تاانىشتىرسام دەيم. 

تارتىمدۇۇ ىر- بىيلەر ناق مايدانداعى سووداگەر قىردارلاردىن جاقشى بااسىنا تاتىقتۇۇ بولدۇ. گانسۇلۇق سووداگەر جاڭ لاندئى مىنداي دەيت: ناق مايداندان كۅرگۅندۅ چىنىندا تولقۇندانتات ەكەن. وشول جەردىن ىر- بىيلەرىن، داعى باشقا جاقتارىن بارىپ كۅرگۉم كەلدى. 

 ۇعۇشۇۇعا قاراعاندا، بۇل جولقۇ ئمپورت كۅرگۅزمۅسۉندۅ قويۇلا تۇرعان كونسەرت نومۇرلارى اپتونم رايونۇبۇزدان ماملەكەت داراجالۇۇ زاتتىق ەمەس مۇراستار تىزمەسىنە كىرگىزىلگەن جۅرۅلگۅلۉۉ مۇزىكا، بىيلەردى نەگىز قىلعان، انىن ىچىندە ۇيعۇرلاردىن مۇقام كۅركۅم ۅنۅرۉ، تاجىكتەردىن بۉركۉت بئيى، قازاقتاردىن ەلدىك ىرلارى بار. شئنجاڭ سوودا توبۇنۇن كۅركۅم ۅنۅر اترەتىنىن جەتەكچىسى ۋاڭ گۇيلئڭ مىنداي دەيت: بۇل جولقۇ كونسەرت دۉينۅگۅ شئنجاڭدىن ىر- بىيلەرىن كۅرسۅتۉپ ەلە قالباي، داعى كۅپتۅگۅن بووردوش ۅلكۅ شاارلاردىن سۇنۇشتاپ چاقىرۇۇسۇن تاپشىرىپ الدىق. مىندان ارى بئز شئنجاڭدان داعى دا كۅپ چىعىپ كونسەرت قويۇپ، مادانئيات الماشتىرۇۇ جانا ۇچۇراشۇۇلاردى الىپ بارابىز. 

〖2019.11.08-18:31〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز