بئر ووز ۇبادا اتا- بالا سۉيۉۉسۉن ورنوتتۇ

2019-11-07 18:47

 گۇان شئياۋۋىي، ۉرۉمچۉ شاارى تىيانشان رايونۇ نانۋان كۅچۅسۉ تىلكە رايونۇن باشقارۇۇ كومىتەتى چاڭلىيۇان قوومدۇق قونۇشۇنۇن پارتئيا ياچەيكا شۇجئسى، بئر ووز ۇبادا بەرگەندىكتەن، بەش جىلدان بەرى، گۇان شئياۋۋىي قاراشتۇۇ رايوندوقۇ تۇرعۇن بۇزۇحرەگۉل قۇربانعا مىلدەتتۉۉ قارجىلىق جاردام بەرىپ، اتاسىنداي سۉيۉۉ بەرىپ باعار-قاعارى جوق بۇل قىزعا ەر جەتۉۉ، ىشمەر بولۇۇ جولۇن اچىپ بەردى، بۇل جۅنۉندۅ ىستانسىيابىز قابارچىسى ياڭجۇنۇن قابارى نازارىڭىزداردا: 

 الدىنقى اپتا اقىرىندا، 20 جاشتاعى بۇزۇحرەگۉل قۇربان بوش ۇباقىتىنان پايدالانىپ، قوومدۇق قونۇشتاعى مىلدەتتۉۉ جاردام بەرۉۉ جۇمۇشۇنا كەلدى. 2014-جىلى تولۇق ورتو مەكتەپ وقۇپ جاتقاندا مەكتەپتەن وقۇۇ راسقۇت تولۇقتاماسىن ۅتۉنۉۉ ۉچۉن قوومدۇق قونۇشتان كەمباعالدىق تۉشۉندۉرۉۉ قاتىن جازدىرۇۇعا كەلىپ گۇان شئياۋۋىي مەنەن تاانىشقانداقى كۅرۉنۉش بۇزۇحرەگۉل قۇرباندىن دالە ەسىندە. ال مىنداي دەدى: اتام ئشقاناسىندا تۉشۉندۉرۉۉ قاتىن كۅرگۅندۅن كىيىن، 200 يۇان چىعارىپ ماعا قارماتتى، مەن تاانىشپاساق ەمنە ۉچۉن بەرىپ جاتات دەپ ويلودۇم، مەن الۇۇدان باش تارتتىم، انان ال اقچانى چۅنتۅگۉمۅ سالىپ، سەن قادىرجام وقۇشۇڭدۇ ۇلانتقىن، مەن بارمىن، سەنى داشۅگۅ چەيىن وقۇتامىن- دەدى، وشوندو تااسىرلەنگەنىمدەن ىيلاپ جىبەردىم. 

  بۇزۇحرەگۉل قۇربان كىچىك كەزىندە اتا- ەنەسى اجىراشىپ، ال ەنەسى مەنەن بىرگە جاشاپ كەلگەن. 5 جىلدىن الدىندا، ەنەسى مەنەن چوڭ اتا، چوڭ ەنەسى ارت-ارتىنان دۉينۅدۅن ۅتكۅندۅن كىيىن، اتاسى قايرادان توي جاساپ اعا قاراي الباي قالات، قارووسۇز قالعان ال قاشقاردان ۉرۉمچۉدۅكۉ بۅلۅ ەجەسىنىن جانىنا كەلەت. گۇان شئياۋۋىي مەنەن قاپىسىنان تاانىشىپ، بۇزۇحرەگۉل قۇربان داعى بئر جولۇ اتا سۉيۉۉسۉن سەزىندى. وشوندون كىيىن گۇان شىياۋۋىي تۇرمۇشتا بولسون جە كۉندۅلۉكتۉۉ چىعاشادا بولسۇن شئياۋۋىي ماالىندا جاردام بەرىپ، اتا-ەنەلەر جىيىنىنان بئر جولۇ دا قالبادى. 

 ىلگەرى بۇزۇحرەگۉل قۇرباندىن مۉنۅزۉ تۇيۇق، كىشىلەر مەنەن سۉيلۅشكۅندۉ جاقتىربايت ەلە، گۇان شئياۋۋىي دايىما انى الىپ قوومدۇق قونۇشتۇن بىرلەشمە دوستۇق قىيمىلدارىنا قاتىشتىردى، وشوندوي ەلە قوومدۇق قونۇشتاعى ايال كادىرلاردان جاردام سۇراپ انىن كۅڭۉل چىيەسىن چەچۉۉگۅ اراكەت قىلدى. 2017- جىلى، بۇزۇحرەگۉل قۇربان شئنجاڭ ايىل چاربا داشۅسۉ جانىبارلار ئلىمى شۅيۇانىنا قابىلداندى. ال مىنداي دەدى: ال مەنىن اتام بولدۇ، ماعا ۅز اتامداي اتا سۉيۉۉسۉن بەردى، ۅز جاقىندارىمدان دا جاقىن كۅرۅمۉن. وقۇپ بئلىم الۇۇ ابدان زارىل، بئروق ادام بولۇۇ ەڭ ماانىلۉۉ. اتامدى ەەرچىپ جۉرۉپ اتاداي ۅزۉمسۉز سالىم قوشۇۇنۇ، جووپ كۉتپۅۅنۉ ۉيرۅندۉم، وقۇۇنۇ بۉتۉرگۅندۅن كىيىن قوومعو سالىم قوشۇۇچۇ ادامداردان بولۇپ، جاردامعا مۇقتاج بااردىق ادامدارعا جاردام بەرەمىن. 

 «مەن سەنى داشۅگۅ وقۇتامىن» دەگەن بئر ووز ۇبادا، گۇان شئياۋۋىي مەنەن بۇزۇحرەگۉلدۉ اتا-بالالىق سۉيۉۉگۅ ەە قىلدىردى. گۇان شئياۋۋىي مىنداي دەدى: ەڭ تااسىرلەندىرگەنى بىيىل جىل باشىندا بولدۇ، ال ەشىكتەن كىرىپ اتا دەپ چاقىردى، وشوندو بالامدىن چوڭويعونۇن سەزىپ، ابدان سۉيۉندۉم. مەنىن جووپكەرچىلىگىم بار، مىندان كىيىن مەيلى ال قانچا جاشقا چىقسىن، تەك ەر جەتىپ قوومعو جارامدۇۇ ادام بولسو، مەن ۇلاندۇۇ اعا اتا بولۇپ، اعا تۉبۅلۉك شەرىك بولومۇن.

〖2019.11.07-18:47〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز