ماملەكەت باشقارۇۇ سىستەماسى جانا باشقارۇۇ جۅندۅم زامانداشۇۇسۇ

2019-11-04 19:31

ارتىقچىلىقتى ىيگەرىپ، بوشوشپوي چىمىرقانىپ، ماملەكەتتى باشقارۇۇ سىستەماسى جانا باشقارۇۇ جۅندۅمۉنۉن زامانداشۇۇسۇن چىمىرقانا جىلىشتاتۇۇ. 

«ج ك پ 19- كەزەكتۉۉ بوربوردۇق كومىتەتى 4- جالپى جىينالىشىنىن جالپى بىلدىرۉۉسۉ» جارىيالانعاندان كىيىن، اپتونوم رايونۇبۇزدا كۉچتۉۉ تااسئر قوزعودۇ. ار ۇلۇت كادىر، قالايىق- قالق: «ماملەكەتىبىزدىن ماملەكەت تۉزۉمۉ جانا ماملەكەتتى باشقارۇۇ سىستەماسىنىن تااسئن ارتىقچىلىعىن بەكەم ىيگەرىپ، ماملەكەتتى باشقارۇۇ سىستەماسى جانا باشقارۇۇ جۅندۅمۉنۉن زامانداشۇۇسۇن ۉزگۉلتۉكسۉز جىلىشتاتىپ، جۇڭحۇا ۇلۇتۇنۇن ۇلۇۇ گۉلدۅنۉۉ جۇڭگو اڭسووسۇن ىشكە اشىرۇۇ ۉچۉن الپ كۉچ ۇيۇتۇۇبۇز كەرەك» دەپ بئلدىرىشتى. ەمى ىستانسىيابىزدىن بۇل جۅنۉندۅگۉ قابارى:

 جىينالىشتا «ج ك پ بوربوردۇق كومىتەتىنىن جۇڭگوچو سوتسئيالىزىم تۉزۉمۉندۅ بەكەم تۇرۇپ جانا انى جاقشىرتىپ، ماملەكەتتى باشقارۇۇ سىستەماسى جانا باشقارۇۇ قۇرباتىن زامانداشتىرۇۇنۇ جىلىشتاتۇۇداعى بئر قانچا ورچۇندۇۇ ماسەلە جۅنۉندۅگۉ چەچىمى» قاراپ چىعىپ قابىل الىندى، ماملەكەتىبىزدىن ماملەكەت باشقارۇۇ تۉزۉمۉ جانا باشقارۇۇ سىستەماسىن جاقشىرتۇۇ جانا ۅنۉكتۉرۉۉدۅگۉ پىروگىرامما مۉنۅزدۉۉ ۉجۅت. شئنجاڭ داشۅ ماركىسىزىم شۅيۇانىنىن وقۇتۇۇچۇسۇ چىن شۉ: 19- كەزەكتۉۉ بوربوردۇق كومىتەت 4- جالپى جىينالىشى بەلگى مۉنۅزگۅ ەە ەكەنىن ايتىپ مىنداي دەدى: جۇڭگوچو سوتسئيالىزىم تۉزۉمۉندۅ بەكەم تۇرۇپ جانا انى جاقشىرتىپ، ماملەكەت باشقارۇۇ سىستەماسى جانا باشقارۇۇ جۅندۅمۉن زامانداشتىرۇۇنۇ جىلىشتاتۇۇ ــ بۉتكۉل پارتئيانىن بئر تۉردۉۉ وروشون ىسىتىراتەگىيالىق مىلدەتى. سوتسىيالىستىك دەموكىراتىك ساياسئي تۉزۉمدۉ ۅنۉكتۉرۉۉ ــ ەلدىن مۉدۅسۉن ايگىنەلەپ، ەلدىن ۇقۇق تالامىن قامسىزداپ، ەلدىن جاراتقىچتىق تۇۇشتۇۇلۇعۇن قوزعوتۇۇ، تۉزۉم سىستەماسى ارقىلۇۇ ەلدىن قوجويۇندۇعۇنا كەپىلدىك قىلۇۇدان تۇرات. 

 اپتونوم رايوندۇق تۇراق جاي جانا شاار- ايىل قۇرۇلۇش نازاراتى قۇرۇلۇش باشقارماسىنىن باشچىسى مۇتاللئپ ەلى مىنداي دەدى: بئز 19-كەزەكتۉۉ بوربوردۇق كومىتەت 4- جالپى جىينالىشىنىن رۇحۇن ۉيرۅنۉپ، تۉزۉمدۉ نازارىيالىق ىزىلدۅۅ جانا ۉيرۅنۉۉ، ۉگۉتتۅۅ، تاربئيانى كۉچۅتۉۉ كەرەكتىگىن تەرەڭ تۉشۉنۉپ، جۇڭگوچو سوتسئيالىزىم تۉزۉمۉنۉن تۉپكۉ ۅزگۅچۅلۉگۉ جانا ارتىقچىلىعىن تولۇق تاانىپ، «تۅرت تاانىم»دى كۉچۅتۉپ، «تۅرتتۅ ۅزۉنۅ ىشەنۉۉ»نۉ بەكەمدەپ، «ەكىنى قورعوو»نۇ ئش جۉزۉندۅ كۅرسۅتۉۉ ەكەندىگىن تولۇق تاانىپ جەتتىك؛ 4- جالپى جىينالىشتىن روحۇن ۉيرۅنۉپ ىزچىلدەشتىرۉۉ مەنەن قىزمات ئش جۉزۉندۉگۉن تىعىز بىرىكتىرىپ، تۇراق جاي بااسىن تۇراقتاندىرۇۇ، الدىن بولجومدۇ تۇراقتاندىرۇۇ، جۇمۇشتانۇۇنۇ تۇراقتاندىرۇۇ، قارجى سالۇۇنۇ تۇراقتاندىرۇۇ، ەلگە نارپ جەتكىرۉۉ، نەگىزدى بەكەمدۅۅ، كەمتىكتەردى تولۇقتووعو كۉچ سالىپ، كەسپتىن جوعورۇ ساپاتتا ۅنۉگۉۉسۉن بار كۉچۉبۉز مەنەن جىلىشتاتۇۇبۇز كەرەك. 

 جەركەن وودانى جەركەن كۅچۅ باشقارماسىنىن كادىرى ابدۇرۇسۇل سابىق مىنداي دەدى: جالپى جىينالىشتا: ورتوق قۇرۇۇ، ورتوق باشقارۇۇ، ورتوق باارلانۇۇدان تۇرعان قوومدۇق باشقارۇۇ تۉزۉمۉندۅ بەكەم تۇرۇپ جانا جاقشىرتىپ، قووم وموقتۇۇلۇعۇن ساقتاپ، ماملەكەتتىن قووپسۇزدۇعۇن قورعووبۇز كەرەك. نەگىزگى قاتمارداعى پارتئيالىق كادىر قاتارى، قالايىق قالققا تەيلۅۅ جۉرگۉزۉپ، قىيىنچىلىق كەزىندە مايدانعا چىعىپ، ەپكىندۉۉلۉك وبرازىبىزدى تۇرعۇزۇپ، جان- دئلىبىز مەنەن ەل ۉچۉن قىزمات قىلۇۇبۇز كەرەك. كىيىنكى قىزماتاتردا ۉگۉت قىزماتىن جاقشى ىشتەپ، تۇرعۇنداردى «كۉتۉپ تۇرۇۇ، سۉيۅنۉپ الۇۇ، الۇۇعا ەلە تۇرۇۇ» ئدىياسىنان ارىلىپ، ەرتەرەەك كەمباعالدىقتان ارىلىپ، باقتىلۇۇ تۇرمۇشقا كەنەلىپ، ەرتەرەەك الدۇۇ تۇرمۇشقا جەتىشۉۉگۅ جەتەكتەيبىز. 

 شئنجاڭ تئيانياڭ كۇنلۇن مادانئيات ىزىلدۅۅ بوربورۇنۇن مۇدۇرۇ شە پئڭ مىنداي دەدى: نەگىزگى قاتمارداعى قوومدۇق قىزماتكەر قاتارى، قوومدۇق قونۇشتا 6 جارىمداعى ساباققانانى اچىپ، جۇڭحۇانىن وزوت جۅرۅلگۅلۉۉ مادانئياتىن قوومدۇق قونۇشتارعا، نەگىزگى قاتمارلارعا چەيىن كىرگىزۉۉدۅ بەكەم تۇردۇق. الدىداعى قىزماتتاردا، بۇل قىزماتتى داعى دا جاقشى ىشتەپ، پارتئيا 19- كەزەكتۉۉ بوربوردۇق كومىتەتى 4- جالپى جىينالىشىنىن روحۇن داعى دا كۅپتۅگۅن كىشىلەرگە جەتكىرەبىز.

جىينالىشتا مىنا بۇلار ورتوعو قويۇلدۇ: جالپى مەنچىكتىك تۉزۉمۉن نەگىزگى تۇلقۇ قىلىپ، ار تۉردۉۉ مەنچىكتىك تۉزۉمۉندۅگۉ چاربا ورتوق ۅنۉگۉۉ، ەمگەگىنە جاراشا بۅلۉشتۉرۉۉنۉ نەگىزگى تۇلقۇ قىلۇۇ، كۅپ تۉردۉۉ بۅلۉشتۉرۉۉ ىڭعايى تەڭ بار بولۇپ تۇرۇۇ، سوتسىيالىستىك بازار چارباسى تۉزۉلمۅسۉ سىياقتۇۇ سوتسىيالىستىك نەگىزگى ەكونومىكالىق تۉزۉم، ارى سوتسىيالىستىك تۉزۉمدۉن ارتىقچىلىعىن ايگىنەلەپ، ارى ماملەكەتىبىزدىن سوتسئيالىزىمدىن العاچقى باسقىچىنداداعى قوومدۇق ۅندۉرگۉچ كۉچتۅردۉن ۅنۉگۉۉ دەڭگەەلى مەنەن ىلايىقتاشقان، بۇل پارتئيا جانا ەلدىن ۇلۇۇ جاراتقىچتىعى. سانجى شاارى جئيۇشىنحى ۉرۅۅنچۉلۉك جارناق چەكتۉۉ شەرىكتىگى ــ جوعورۇ جاڭى تەحنىكالىق كەرقانا، ار تۉردۉۉ دىيقانچىلىق ەگىندەرى بولۇپ جالپى 60 تۉردۅن اشۇۇن ۉرۅۅن تۉرۉن تەكشەرۉۉدۅن ۅتكۅرۉپ بەكىتىپ، 30 نەچە تۉردۅن اشۇۇن پاتەنتكە سۇنۇش بەرگەن، 10 تۉر بويۇنچا كەسپ ۅلچۅمۉ مەنەن قامداعان. جئيۇشىنحى ۉرۅۅنچۉلۉك جارناق چەكتۉۉ شەرىكتىگى پارتكومۇ ئشقاناسىنىن ورۇنباسار مۇدۇرۇ، اكىمچىلىك بۅلۉمۉنۉن باشچىسى تاڭ حۇايجۉن مىنداي دەدى: جالپى مەنچىككە جاتپاعان كەرقانا قاتارى، ازىرقى ۇلام اسىلداشىپ جاتقان ساياسات چۅيرۅسۉن قاستارلاپ، ئلىم- تەحنىكا سالىنماسىن ارتتىرىپ، ۅندۉرۉش جابدۇۇلارىبىزدى ۇلاندۇۇ جوعورۇلاتىپ جانا جاقشىرتىپ، ەل ارالىق قىزماتتاشتىقتى ۇلاندۇۇ تەرەڭدەتىپ، ساتۇۇ تورۇبۇزدۇ بەكەمدەپ، جالپى بەتكەي جاڭىلىق جاراتىپ، كەرقانانىن ىچكى جاڭىلىق جاراتۇۇ جانا جاراتۇۇچۇلۇق قۇرباتىن قوزعوتۇپ، ەكونومىكالىق قۇرۇلۇش، جوعورۇ ساپاتتاعى ەكونومىكالىق ۅنۉگۉۉ ۉچۉن تىيىشتۉۉ سالى قوشۇۇبۇز كەرەك. 

〖2019.11.04-19:31〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز