قورعوستۇن 8-كەزەكتۉۉ لاۋاندا ەل ارالىق ساياقات مايرامى 6-ايدىن 10-كۉنۉ ۅتۅت

2019-04-25 12:02

  2019-جىلدىق ىلە ـ ەل ارالىق ساياقات جىلعاسى قورعوس 8-كەزەكتۉۉ لاۋاندا ەل ارالىق ساياقات مايرامى 6-ايدىن 10-كۉنۉ قورعوس وودانىنىن لۇساۋگوۋ شاارچاسى جىىيەيوۋ قانىشا لاۋاندا دىيقانچىلىق مايدانىندا ۅتۅت. ىستانسابىز قابارچىسى جاڭ يئڭدىن قابارى.

   بۇل جولقۇ ساياقات مايرامى 6-ايدىن 10-كۉنۉنۅن 6-ايدىن 28-كۉنۉنۅ چەيىن جالعاشىپ، «جۇڭگو اتىر مەكەنى، رومانتىك قورعوس ال سۇروو كونسەرتى»، « جارىم ساپارلۇۇ مارافون سۇنۇش جارىشى»، « كۉرۅ بايىرقى شاارىندا بايىرقى سالت-سانا ساياقاتى»قاتارلۇۇ 22 تۉردۉۉ مول مازمۇندۇۇ ادابئيات دەنە تاربئيا ساياقات نەگىزگى تەمالۇۇ قىيمىلدار ۅتۉپ، قورعوستۇن اتىر مادانئياتى، بايىرقى شاار مادانئياتى، اش-تاماق مادانئياتى جانا ۇلۇتتۇق سالت مادانئياتىن قامتىعان. ساياقاتچىلاردى ەلىكتىرۉۉ ۉچۉن، قورعوس وودانى داعى كۅپ اسىل ساياقات لەنىيالارىن چىعاردى. قورعوس وودانى كۉرۅ بايىرقى شاارى كۅرك رايونۇنۇن جووپتۇۇسۇ ياڭ مو مىنداي دەدى: ۉرۉمچۉگۅ 4 كۉندۉي ساياقاتتى چىعاردىق، نەگىزىنەن ۉرۉمچۉ ساياقات كوپەراتىپتەرىنىن ساياقات اپتوبۇز توبۇنا قاراتىلعان. اتتانعاندان كىيىن سايرام كۅلۉ، ەڭ قووز فۇشوۋشان تووسۇ، تۇقاي چۅلۉ، كۉرۅ بايىرقى شاارى دەگەندەي تۉرلۅر قىيلا كۅپ.

   اقىرقى جىلداردان بەرى قورعوس وودانى «جۇڭگو لاۋاندا جۇرتۇ» ابزەلدىگىن تولۇق كۅرسۅتۉپ، لاۋاندا مادانئياتىن زور كۉچ مەنەن ۅنۉكتۉرۉپ، اتىر جىت ساياقات تاانىمال ماركاسىن دىلگىر تۉپتۅپ، الدى ارتى بولۇپ جىيەيوۋ قانىشا دىيقانچىلىق مايدانى، لاۋاندا مادانئيات اجايىپقاناسى، ايدو لاۋاندا باقچاسى قاتارلۇۇ 4 لاۋاندا نەگىزگى تەمالۇۇ ساياقات كۅرۉك رايونۇن قۇردۇ، ارى الدى ارتى بولۇپ 7 كەزەك لاۋاندا ەل ارالىق ساياقات مايرامىن جەڭىشتۉۉ ۅتكۅزۉپ، «لاۋاندا ساياقاتى» قورعوس وودانىنىن ساياقات نام كارتاسىنا ايلاندى. قورعوس وودانىن ورۇنباسار اكىمى لئى ياچئن مىنداي دەدى: وقشوبوعون توپقو قاراتا، دەنە-تاربئيانى جاقتىرا تۇرعاندار، ادابئيات-كۅركۅم ۅنۅرگۅ شىعى بارلار بار، جان-جاقتىلۇۇ ويلوشتۇق. بئز كەەبىر دەنە-تاربئيا جارىشتارىن ساياقات القاعىبىزعا جۇۇرۇلۇشتۇرۇپ، ابدان كۅپ كىشىلەرگە ۅزگۅچۅ ساياقات مايرامىن سەزىندىرەبىز.


〖2019.04.25-12:02〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز