التاي ايماعى ىستەرولۇق قاتتوو تورۇن باچىم قۇرۇپ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ

2021-01-14 11:06

التاي ايماعى ىستەرولۇق قاتتوو تورۇن باچىم قۇرۇپ، ەكونومىكانىن جوعورۇ ساپاتتا ۅنۉگۉۉسۉن تۉرتمۅكتۅدۉ. ىستانسىيابىز قابارچىلارى شىن روڭپئڭ، لئى حۇالاردىن قابارى نازارىڭىزداردا:

جاقىندا، التاي ايماعىندا تالاانىن تەمپىراتۇراسى نۅلدۅن تۅمۅن 20 گىرادۇس سۇۇق بولدۇ، ماملەكەت جولۇ 331- لئنىياسى التاي بۅلۉگۉنۉن قۇرۇلۇش ناق مايدانىندا، جۇمۇشچۇلار جانا ەلە جاردىرۇۇ جۇمۇشۇن ىشتەپ، كەرەكسىز ماتەرىيالداردى تاشىدى.

ماملەكەت جولۇ 331- لئنىياسى التاي بۅلۉگۉ تۉرۉنۉن جالپى ۇزۇندۇعۇ 98 كلومەتىر، تۉرگۅ جالپى 608 مئلليون يۇان قارجى سالىنعان. تۉر 2020- جىلى 7- ايدىن 15- كۉنۉ قۇرۇلۇش باشتاعاندان بەرى، قۇرۇلۇش مەزگىلىن تالاشا قارموو ۉچۉن، قۇرۇلۇش قىلچۇ جاق-- شئنجاڭ جئنجىڭ قۇرۇۇ- قارجى سالۇۇ قۇرۇلۇش توبۇ چەكتۉۉ شەرىكتىگى قىشقى قۇرۇلۇشتۇ جولعو قويدۇ، شەرىكتىك تۉر جووپتۇسۇ ۋۇ يانجۉن مىنداي دەدى: «ۇچۇردا، بئز قىشقى قۇرۇلۇش الىپ كەلگەن قىيىنچىلىقتاردى جەڭىپ، توپو- تاش جاعىنداعى جاردىرۇۇ جانا تازالوو قىزماتىن الىپ بارۇۇدابىز. ازىرعا چەيىن، بئز 66 كلومەتىرلىك جول نەگىزىنىن تۅبۅسۉن جابۇۇ جانا بئر بۅلۉك كۅپۉرۅ قاندىرعاسىن قويۇۇنۇن جۇمۇش مىلدەتىن بۉتۉرۉپ، جالپى 150 مئلليون يۇان ۅندۉرۉش نارقىن بۉتۉردۉك».

جاقىنقى جىلداردان بەرى، التاي ايماعى تاش جول قاتتوو قۇرۇلۇشۇن توقتووسۇز باچىمداتتى. 2020- جىلى، كۅپتۅگۅن تاش جول تۉرۉ باسقىچ مۉنۅزدۉۉ ىلگەرلۅۅلۅرگۅ قول جەتكىردى. التاي ايماقتىق قاتتوو تاشىمال مەكەمەسى پارتكومۇنۇن مۉچۅسۉ ساۋ يوڭجۉن مىنداي دەدى: «بئزدىن قىزماتىبىز نەگىزىنەن ماملەكەت جولۇ 331- لئنىيانىن قۇرۇلۇشۇن قۇلاچ جايدىرۇۇ، كىيىنكى جىل ىچىندە بۉتۉرۉۉنۉ پئلاندادىق؛ كۅكتوقوي وودانىنان بەيتۉنگۅ چەيىنكى جوعورۇ ىلدامدىقتاعى تاش جول قۇرۇلۇشۇ بۉتۅيۉن دەپ قالدى؛ بۇرچۇن وودانىنان قاناس ۇچاق جايىنا چەيىنكى جوعورۇ ىلدامدىقتاعى تاش جول قۇرۇلۇشۇ داعى بۉتۉۉگۅ تاياپ قالدى، بۇرۇلتوقوي وودانىنان ۋۇجىياچۉگۅ چەيىنكى چۅل جوعورۇ ىلدامدىقتاعى جول ۇلۇ نەگىزىنەن جالعاشتىرىلدى».

 تاش جول قاتتوو قۇرۇلۇشۇن باچىمداتۇۇ مەنەن بىرگە، التاي ايماعى داعى مەيكىندىك قاتتوو تورۇن ىشتىكتۉۉ كەڭىرتتى. جاقىندا، التاي ــ شئى-ان ــ بەيجىن داشئڭ ۇچاق جايى اباا جولۇ لئنىياسىنىن اچىلۇۇسۇنا ەەرچىي، التاي شئنجاڭ ئچى- سىرتىنداعى 16 اباا جولۇ لئنىياسىن اچتى. شئنجاڭ ۇچاق جاي توبۇ شەرىكتىگى التاي قاناس ۇچاق جايى پارتكومۇنۇن شۇجئسى لو تاۋ مىنداي دەدى: «بئز ازىر تۉشتۉك اباا جولۇ، چىعىش اباا جولۇ، تئيانجىن اباا جولۇ، باقىت اباا جولۇجانا حۇاشئيا اباا جولۇندا قاتتوونۇ قالبىنا كەلتىردىك، ۉرۉمچۉ، حوتەن، كورلا، قاراماي، شئى- ان، جئلىن، چۇڭچئڭ سىياقتۇۇ شئنجاڭ ىچى سىرتىنداعى 16 شاارعا جالعاشتىرىپ، التايدى تۉندۉك شئنجاڭداعى نەگىزگى اباا قاتتووسۇ ساياقات چوعۇلتۇپ- تاراتۇۇ بوربورۇ قىلىپ، رايوندۇن جوعورۇ ساپاتتا ۅنۉگۉۉ جاڭى قىرداالىن اچۇۇعا چىمىرقانابىز».

2020- جىلى 12- ايدىن 6- كۉنۉ، التاي- كۅكتوقوي- چىعىش جۇڭعار تەمىر جولۇ اچىلىپ تئجارات قىلىپ، لانجوۋ- شئنجاڭ تەمىر جولۇ، كۉيتۉن- بەيتۉن تەمىر جولۇ، ۉرۉمچۉدۅن جىياڭجۉنمئياۋعا چەيىنكى تەمىر جول مەنەن، تۉندۉك شئنجاڭ تەمىر جولۇنۇن ايلانما لئنىياسىن قالىپتاشتىردى. 1- ايدىن 6- كۉنۉنۅ چەيىن، التاي- كۅكتوقوي- چىعىش جۇڭعار تەمىر جولۇ اچىلىپ تئجارات باشتاعان بئر ايدان بەرى، جۉك جۅنۅتۉۉ مۅلچۅرۉ 2 مئلليون 341 مئڭ تونناعا جەتىپ، جەەكتىن بايلىقتاردى اچىپ ۅنۉكتۉرۉۉسۉن باشتوو ۅنۉمۉ كۅرنۉكتۉۉ بولعون.

 التاي ايماقتىق ۅنۉكتۉرۉۉ جانا ىسلاات كومىتەتىنىن ورۇنباسار مۇدۇرۇ جاۋ ۋىيمئن ، «14- بەش جىلدىق» جوسپور مەزگىلىندە، التاي ايماعى تاش جول، تەمىر جول، ەلدىك اباا جولۇن ۅكۉل قىلعان ىستەريولۇق قاتتوو تورۇن سىزىل جاقشىرتارىن بئلدىرىپ مىنداي دەدى: «‹14- بەش جىلدىق› جوسپور مەزگىلىندە، بئز بئر جوعورۇ ىلدامدىقتاعى تاش جولدۇن سىرتقا جالعاشقان چوڭ جولۇن جاساپ، اداتتاعى ماملەكەت، ۅلكۅ نەگىزگى لئنىيالارىن ۅز ارا جالعاشتىرۇۇنۇن نەگىزگى تامىرىن جاقشىلايبىز؛ جەمەنەي، كۅكتوقوي، قابا، چىڭگىل ورتوق ىشتەتكەن ۇچاق جايى سالىنات؛ پئلاندا داعى قاراماي- التاي تەمىر جولۇنۇن تەزدىگىن اشىرىپ ەلەكتىرلەشتىرىپ ۅزگۅرتۉۉ مازمۇنۇ بار، وشونۇ مەنەن بىرگە كۅكتوقوي- چىڭگىل- تايكەشكەن چەك ارا ووزۇ تەمىر جولۇن، التاي- بۇرچۇن، جەمەنەي چەك ارا ووزۇ تەمىر جولۇن جاڭىدان جاساپ، جەرگىلىكتىن ەكونومىكا ۅنۉگۉۉسۉن قانااتتاندىرابىز».

〖2021.01.14-11:06〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز