گولمۇد-كورلا تەمىر جولۇندا قاتتوو باشتالعان بئر ايدان بەرى شئنجاڭعا كىرىپ-چىعۇۇچۇ تەمىر جول چوڭ جولۇنۇن بەرەكەتى كۅرۉنۉكتۉۉ بولدۇ

2021-01-13 10:39

 گولمۇد-كورلا تەمىر جولۇندا قاتتوو باشتالعان بئر ايدان بەرى جۉك مۅلچۅرۉ 550 مئڭ توننادان اشىپ، شئنجاڭعا كىرىپ-چىعۇۇچۇ تەمىر جول چوڭ جولۇنۇن بەرەكەتى كۅرۉنۉكتۉۉ بولدۇ. ەمى ىستانسىيابىزدىن بۇل جۅنۉندۅكۉ قابارى نازارىڭىزداردا:

 1- ايدىن 9- كۉنۉ تۉشتۅن مۇرۇن، كۇچار تەمىر جولۇ جۉك مايدانى قاربالاسچىلىققا تولۇپ، 1150 توننالىق كوكۇس كۅمۉردۉ اۋتو ۇنااعا جۉكتۅۅ جۇمۇشۇن چۇقۇل ارى تارتىپتۉۉ ىشتەپ، چئڭحاي ۅلكۅسۉنۉن دىلئڭحا ۋوگىزالىنا قاراي تاشىدى. چئڭحاي يئفىي سوودا چەكتۉۉ شەرىكتىگىنىن باش دىرەكتورۇ حى فىڭلئن، گولمۇد-كورلا تەمىر جولۇندا قاتتوو باشتالعان بئر ايدان بەرى، تاش جول تاشمال كۉچۉ جەتىشبەستىك ماسەلەسىن ۅنۉمدۉۉ چەچىپ، شەرىكتىكتىن جۉك تاشمال ساپارى 800 كىلومەتىرگە جۇۇق قىسقارىپ، تاشمال ۅزدۉك نارقىن ۉنۅمدۅپ قالعانىن ايتىپ مىنداي دەدى: «بىيىل گولمۇد-كورلا تەمىر جولۇندا جۅنۅتۉۉ تاشمالدوو مۅلچۅرۉ 100 مئڭ توننا ايلاناسىندا بولوت دەپ جورومولدوپ تۇرابىز، تەمىر جولدو قاتتوونۇن باشتالۇۇسۇ ۅزدۉك نارقىبىزدى ۉنۅمدۅپ، تاشمال كۉچۉن اشىرىپ، كەرقانابىزعا وڭتويلۇق جاراتتى.»

 گولمۇد-كورلا تەمىر جولۇ شئنجاڭ «تۉشتۉك-تۉندۉك ەكى ايلانما» تەمىر جولۇنداعى تۉشتۉك شئنجاڭ تارىم ويپوتۇن ايلانۇۇ تەمىر جول ايلانما لئنىياسىنىن زارىل قۇرامداش بۅلۉگۉ. 2020- جىلى 12- ايدىن 9- كۉنۉ قاتتوو باشتالعاندان كىيىن، شئنجاڭ لانجوۋ-شئنجاڭ تەمىر جولۇ جانا لانجوۋ-شئنجاڭ گۉلۉك پويۇز لئنىياسىن نەگىزگى جول قىلعان، لئنحى-قومۇل تەمىر جولۇن تۉندۉك جول قىلعان، گولمۇد-كورلا تەمىر جولۇن تۉشتۉك جول قىلعان «بئر نەگىزگى ەكى قانات» قاتتوو قىرداالىن قالىپتاشتىرىپ، تاشمال ۇنۇۋەرسال قۇرباتىن زور داراجادا اشىردى. تاشمال كۉچۉن كەپەلەتتەندىرۉۉ ۉچۉن، شئنجاڭ تەمىر جول تارماقتارى شئنجاڭدان چىعۇۇ تاشمال جاعدايىن توقتووسۇز جاقشىرتىپ، جۉك جەتكىرىپ اۋتو ۇناادان تۉشۉرۉۉ بەرەكەتىن اشىرىپ، گولمۇد-كورلا لئنىياسىنىن جۉك ايلاندىرۇۇ جۉگۉرتۉۉسۉن تەزدەتىپ، ەكى جەردىن جۉك قارىم-قاتتوو اجاتىن قانااتتاندىردى. جۇڭگو تەمىر جولۇ ۉرۉمچۉ مەكەمەسى توبۇ چەكتۉۉ شەرىكتىگى قاشقار جۉك تاشمال بوربورۇ كۇچار تئجارات بۅلۉمۉنۉن دىرەكتورۇ ماۋ شۇن 毛舜مىنداي دەدى: «گولمۇد-كورلا تەمىر جولۇندا قاتتوونۇن باشتالۇۇسۇ جۉكتۅردۉ شئنجاڭدان چىعارۇۇ ۉچۉن جاڭى جول اچىپ بەردى، 2021- جىلعا كىرگەندە كوكۇس كۅمۉر، كۅمۉردۅن تۇرعان ەكى تۉردۉ جاڭىدان كۅبۅيتتۉك، چئڭحايدان كەلۉۉچۉ كالىيلۉۉ سەمىرتكىچ مۅلچۅرۉ داعى سىزىل ارتىپ جاتات، ازىرعا چەيىن جۅنۅتۉۉ جالپى مۅلچۅرۉندۅ سىزىل ارتۇۇ قىرداالى كۅرۉلۉپ جاتات.»

〖2021.01.13-10:39〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز