اپتونوم رايونۇبۇزداعى ۅنۅرجاي كەرقانالار جىلداعى ۅندۉرۉش تئجاراتتى جاقشى باشتاپ، جاقشى قادام الدى

2021-01-10 12:05

 ۇچۇردا اپتونوم رايونۇبۇزداعى ار قايسى ۅنۅرجاي كەرقانالار ۇباقىتتى قولدون بەربەي شاشىلىش ۅندۉرۉپ قىلىپ، كۉچ قايراتىن توپتوپ ئلمىي ىزىلدۅۅ الىپ بارىپ، جاڭى بئر جىلداعى ۅندۉرۉش تئجاراتتى جاقشى باشتاپ، جاقشى قادام الدى. بۇل جۅنۉندۅ ىستانسىيابىز قابارچىسى گاۋ مىڭحۇيدۇن قابارى نازارىڭىزداردا: 

  بۇل ەكى كۉندۅ فۇكاڭ شاارىنداعى شئنجاڭ ۋۇشئن مىسچىلىك چەكتۉۉ جووپتۇۇلۇق شەرىكتىگىندەكى ەلەكتىرولئز زاۋوتۇنۇن سەحىندە، جۇمۇشچۇلار دايىمدۇۇلاشقان ىلدەتتىن الدىن الىپ تىزگىندۅۅ چاارالارىن جاقشى ىشتۅۅ الدىنقى شارتى استىندا، بار كۉچۉن سالىپ كاتود مئس ۅندۉرۉۉدۅ، ۇچۇردا كۉندۅلۉك ۅندۉرۉشۉ 310 تونناعا جەتتى. 

  2020- جىلى، شەرىكتىكتىن جىلىنا 100 مئڭ توننا مئس جانا 5 توننا التىن ۅندۉرۉۉ نئشاان مىلدەتىنىن ازايباستىعىنا كەپىلدىك قىلۇۇ ۉچۉن، ۅكۉمۅت تارماقتارى كەرقانا ۉچۉن شايكەشتىرىپ 380 مئللىيون قارىز اقچانى قولعو كەلتىرىپ، كەرقانانىن قارجى جۉرۉشتۉرۉۉ سىياقتۇۇ ماسەلەلەرىن باساڭداتقان. 2020- جىلى كەرقانا 4 مئللىيارد 498 مئللىيون يۇاندىق ۅندۉرۉش نارقىن اتقارعان. جاڭى بئر جىل كىرىپ كەلىشى مەنەن، شەرىكتىكتەن كۅپتۅگۅن جاقشى قابارلار كەلدى. شئنجاڭ ۋۇشئن مىسچىلىق چەكتۉۉ جووپتۇۇلۇق شەرىكتىگىنىن ورۇن باسار باش ىنجىنەرى گۇڭ شياۋيۇڭ مىنداي دەدى: بازار ابالىنىن جاقشىلانۇۇسۇنان ۇلام، ەكى تۉيۉندۉۉ تۉر قوشۇلدۇ، بئرىسى كىرەمنىي مەتال تۉرۉ، ەكىنچىسى چۅيرۅ قورعوو جابدۇۇسۇنۇن داراجاسىن ۅستۉرۉۉ، 2021- جىلى بئز 130 مئڭ توننا مئس ۅندۉرۅبۉز، 10- ايدىن ەتەگىندە بئزدىن كىرەمنىي مەتال سەحىن ىشكە كىرىشتىرەبىز، بولجول مەنەن 2021- جىلى بئزدىن بۉت جىلدىق ۅندۉرۉش جالپى نارقىبىز 7 مئللىيارد يۇانعا جوعورۇلاپ، ارتۇۇ مۅلچۅرۉ ۅتكۅن جىلداعىعا سالىشتىرعاندا 30 پايىز ايلاناسىندا جوعورۇلايت.

 جاقىندا شئنجاڭ شىڭشىڭ جارناق چەكتۉۉ شەرىكتىگى ۅز بىلگى ىزىلدەپ جاساعان «ۅنۅرجاي بۇيۇمدۇق ىنتەرنەتىن قولدونۇۇ، 5G قابارلاشۇۇ، اقىل جۅندۅمدۉۉ بۇلۇت ۅرۉشۉ، چوڭ ساندۇۇ ماالىماتتىن اقىل ىدىرەكتۉۉ زاۋوت اقىل جۅندۅمدۉۉ جۉرگۉزۉۉ اسىروو تۉرۉ» اپتونوم رايوندۇن ۅنۅرجاي ىنتەرنەت سىناق تۉيۉن ۉلگۉ تۉرۉ بولۇپ بەكىتىلدى، شەرىكتىكتىن ورۇن باسار باش دىرەكتورۇ شئياۋ لئىدوڭ، بۇل تۉردۉ 5G سىياقتۇۇ وزوت تەحنىكانى ۅندۉرۉش جاسوو سىستەماسىندا قولدونۇپ، اقىرىندىق مەنەن كەرقانانىن سىفىرلاشۇۇ، اقىل جۅندۅمدۅشۉۉگۅ قاراي تئپ ۅزگۅرتۉپ داراجا ۅستۉرۉۉسۉن ىشكە اشىرعانىن تاانىشتىرىپ مىنداي دەدى: ۅندۉرۉش سىستەما بارىشىنداعى ەنەرگىيا قورومجۇسۇ، جابدۇۇنۇن ابالىنا قاراتا ماالىندا ىنتەرنەتتە كۉزۅتۉپ تەكشەرۉۉ الىپ بارات، ماسەلە كۅرۉلۅردۉن الدىندا، الدىن ەسكەرتەت، بئزدىن قىزماتكەرلەر داروو قاراتمالۇۇ تۉردۅ جۉرۉشۉن اسىروو قىزماتىن الىپ بارات، ادام كۉچۉ زات كۉچۉ ۉنۅمدۅلۉپ، ۅندۉرۉمدۉۉلۉگۉ جوعورۇلاپ، قورومجۇ ازايدى، وشوندون ۇلام ۅندۉرۉش ۅزدۉك نارقى دا تۅمۅندۅدۉ. 

  2020- جىلى، ىلدەتتىن تااسىرىنە تەڭتايلاش تۇرۇۇ ۉچۉن، شئنجاڭ شىڭشىڭ جارناق چەكتۉۉ شەرىكتىگى سىزىل كۉچ چىعارىپ، بۉر جىلداعى ساتۇۇ سۇمماسىن 100 مئللىيون يۇانعا جەتكىرگەن. بىيىل كەرقانا ۅندۉرۉش ىزىلدەپ اچۇۇ جاعىنا انسايىن چوڭ كۉچ چىعارماقچى. شئياۋ لئدوڭ مىنداي دەدى: 2021- جىلى بئز ىزىلدەپ اچۇۇ تۉرۉنۅ قارجى سالۇۇنۇ ۇلانۇدۇ ارتتىرىپ، كەسىپ-مەكتەپ-ىزىلدۅۅ اپپاراتىن ۅز ارا بىرلەشتىرگەن ىڭعايدا « S13 تىبىندەكى ەنەرگىيا ۉنۅمدۅۅ تىرانسفورماتورۇن ىزىلدەپ اچۇۇ»، «ەلەكتىر ەنەرگىياسى تىرانسفورماتورۇ جانا تەلەگەيلەشكەن جابدۇۇنۇ اقىل جۅندۅمدۅشتۉرۉپ ۅزگۅرتۉپ قۇرۇۇ» سىياقتۇۇ تۉرلۅردۉ ىزىلدەپ اچۇۇ قىزماتىن تۉيۉندۉۉ جىلىشتاتىپ، تۉشۉمدۉن تەحنىكا دەڭگەلىن ۅستۉرۉپ، تۉشۉم بازارىنىن اتاانداشتىق كۉچۉن كۅتۅرۉپ، وشونۇ مەنەن بىرگە كەرقانانىن نارق جەلەسىن ىشتىكتۉۉ ۇزارتىپ، شەرىكتىكتىن ەنەرگىيا جابدۇۇ سالااسىنداعى جاڭى قۇرباتى، جاڭى كەسىبىن ۇزارتىپ، كەرقانانىن كەلەچەكتەگى ۅنۉگۉۉ مەيكىندىگىن كەڭىرتەبىز.  

   ماملەكەتتىن العاچقى تۉركۉمدۅكۉ جاشىل زاۋوت ۉلگۉلۉۉ كەرقاناسىنىن بئرى قاتارى، شئنجاڭ فۇكى ماي تۉشۉمدۅرۉ جارناق چەكتۉۉ شەرىكتىگى ئلمىي ىزىلدۅۅگۅ ات سالۇۇ، اقىل جۅندۅمدۅشتۉرۉپ ۅزگۅرتۉپ قۇرۇۇ ارقىلۇۇ، ۅنۉگۉۉ جاڭى قىيمىلداتقىچ ەنەرگىياسىن تىنباي قويو بەرگەن. بىيىل شەرىكتىك «سىلىقتوو ماي بايلىعىن ايلامپالۇۇ پايدالانۇۇ-جاشىل كەسىپ جەلەسىن ۅنۉكتۉرۉۉ جوسپورۇ»ن ىمەرچىكتەي، تاشتالعان سىلىقتوو مايىن قايرا جاراتىپ قايرا پايدالانۇۇ جاشىل ۅرۉشۉ سىياقتۇۇ ىزىلدەپ اچىپ ۅنۉكتۉرۉۉ ۅرۉشۉنۅ تايانىپ، ئلمىي ىزىلدۅۅ سالىنماسىن ارتتىرىپ، وشونۇ مەنەن قاتار ىنتەرنەت جانا چوڭ ساندۇۇ ماالىماتتان پايدالانىپ، نەگىزگى جابدۇۇ شايماندارىنا قاراتا ۅزگۅرتۉپ قۇرۇپ داراجاسىن ۅستۉرۉۉ الىپ بارىپ، ۅندۉرۉش لئنىياسىن تىنباي قىلداشتىرىپ، ۅندۉرۉش بارىشىنىن اپتوماتتاشۇۇسۇن جوعورۇلاتقان. شەرىتىكتىن باش دىرەكتورۇ تۇ جئڭ مىنداي دەدى: جوعورۇ قوشۇلما نارقتۇۇ تۉشۉمدۅردۉ ىزىلدەپ اچۇۇ ەپكىنىن سىزىل تەرەڭدەتىپ، جوعورۇ داراجاداعى سىلىقتوو مايى تۉشۉمۉن ئمپورت قىلۇۇنۇن وردۇن باسىپ، ايرىم ۇزاققا چەيىن قولدونۇۇچۇ سىلىقتوو مايىن، قولدونۇۇ كىلومەتىر سانى 50-60 مئڭ كىلومەتىر بولعون ۇزۇنعا چىداشتۇۇ ەنەرگىيا ۉنۅمدۅۅچۉ سىلىقتوو مايىن، جانا جوعورۇ داراجاداعى ايىل چاربا ماشئنالارىنا قولدونۇۇچۇ سىلىقتوو مايىن، شاماال ەلەكتىر گەنەراتورۇنۇن سىلىقتوو مايى تۉشۉمۉ سىياقتۇۇ تۉشۉمدۅردۉ كۉچۅپ اچىپ ۅنۉكتۉرۅبۉز.

〖2021.01.10-12:05〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز