اقسۇۇ ايماعى جاڭىلىق جاراتۇۇ جۅندۅم قۇرۇلۇشۇن كۉچۅتۉپ، ساياسات قولدووسۇنۇن رولۇن كۅرسۅتۉپ، ىستىراتەگىيالىق جاڭىدان گۉلدۅنگۅن كەسىپتى ۅنۉكتۉرۉۉنۉن تۇۇشتۇۇلۇعۇن قوزعوتتۇ

2020-12-30 11:22

 اقسۇۇ ايماعى جاڭىلىق جاراتۇۇ جۅندۅم قۇرۇلۇشۇن كۉچۅتۉپ، ساياسات قولدووسۇنۇن رولۇن كۅرسۅتۉپ، ىستىراتەگىيالىق جاڭىدان گۉلدۅنگۅن كەسىپتى ۅنۉكتۉرۉۉنۉن تۇۇشتۇۇلۇعۇن قوزعوتتۇ. ىستانسىيابىز قابارچىلارى دوڭ جىيوڭ، ۋاڭ جئلۇڭدۇن قابارى نازارىڭىزداردا:

 جاقىندا، كۇچار شئنچىياۋ قۇۇرچۇلۇق چەكتۉۉ شەرىكتىگى ماملەكەتتىك 2- تۉركۉم كەسىپتەشتىرۉۉ، قىلداتتاشتىرۇۇ، ۅزگۅچۅلۅشتۉرۉۉ، جاڭىچالاشتىرۇۇداعى «چاقان الىپ» كەرقانا ارداق سىيلىعىنا ەە بولدۇ. شەرىكتىك ئشقانا مۇدۇرۇ ۋاڭ ۋىنجئڭ ، بۇل ارداق اتاققا ەە بولۇۇسۇ بىيىل شەرىكتىكتىن بئر سىيرا جەلەلەش قارجى سالۇۇ جانا جاڭىلىق جاراتۇۇسۇنۇن شاراپاتىنان ەكەنىن بئلدىرىپ مىنداي دەدى: «كەرقانا بىيىل 50 مئلليون يۇاندان اشۇۇن قارجى سالىپ، جاڭىدان ەكى دىيامەتىرى وقشوبوعون بۇراما بولوت قۇۇرۇنۇن ۅندۉرۉش لئنىياسىن كىرگىزىپ، كەسىپ تۉرۉن كەڭىرتتىك؛ بئز داعى جاڭىدان «چۅيرۅنۉ قووپسۇز باشقارۇۇ سىستەماسى» مەنەن «كەسىپتى سوو باشقارۇۇ سىستەماسى»نىن كۉبۅلۉگۉنۅ ەە بولدۇق، بۇل چارالار ارقىلۇۇ بئزدىن بازارداعى مويۇندوو داراجابىزدى جوعورۇلاتىپ، بۇيرۇتما مۅلچۅرۉ داعى بىلتىرقىدان 10 پايىز جوعورۇلادى.»

   بىيىل، اقسۇۇ ايماعى جاڭى ماتەرىيال، جاڭى ەنەرگىيا، ەنەرگىيا ۉنۅمدۅپ چۅيرۅ قورعوو، بىيو مەدىتسىينالىق دارى، جوعورۇ داراجالۇۇ جابدۇۇ جاسوو، ەلەكتىروندۇق ماالىمات جانا «ىنتەرنەت+» سىياقتۇۇ سالاالارعا چوردوندوشۇپ، ىستىراتەگىيالىق جاڭىدان گۉلدۅنگۅن كەسىپتەرگە جاڭىلىق جاراتۇۇعا شىقتاندىرۇۇ، كەڭ پەيىل جانجاقتىلۇۇ بولعون كۅزۅمۅلدۅپ باشقارۇۇ ۉلگۉسۉن قولدونۇپ، كەرقانانىن جاراتقىچتىق كۉچۉن داعى بئر دەمجىي قوزعوتتۇ. كۇچار ەكونومىكا تەحنىكالىق اچىپ ۅنۉكتۉرۉۉ رايونۇ جوعورۇ جاڭى تەحنىكا كەرقانالارىنا بئر ىرەتكى 300 مئڭ يۇاندىق سىيلىق تولۇقتاما قارجى قولدووسۇن بەردى جانا قارجى جۉرۉشتۉرۉۉ ۅرۉشۉن قۇرۇۇسۇن قولدودۇ. كۇچار ەكونومىكا تەحنىكالىق اچىپ ۅنۉكتۉرۉۉ رايونۇ ەكونومىكا ۅنۉكتۉرۉۉ مەكەمەسىنىن ورۇنباسار مەكەمە باشچىسى جاڭ جۇان مىنداي دەدى:« ‹14- بەش جىلدىق› جوسپور مەزگىلىندە، بئز بئر تۉركۉم تاپقىردىق پاتەنتى بار كەرقانالاردىن باقچا رايونۇنا كىرىپ ورۇن الۇۇسۇن ىشتىكتۉۉ ەلىكتىرىپ، الاردى جوعورۇ جاڭى تەحنىكالىق كەرقانا قىلىپ جەتىلدىرىپ، ىستىراتەگىيالىق جاڭىدان گۉلدۅنگۅن كەرقانالار توبۇن اقىرىنداپ ۅنۉكتۉرۉپ، مىندان ارقى ەكونومىكا ۅنۉگۉۉسۉنۅ جاڭى قىيمىلداتقىچ كۉچ قوشوبۇز.» 

   شئنجاڭ ا كاي阿开 ەلەكتىر چەكتۉۉ جووپتۇلۇق شەرىكتىگى اقسۇۇ ايماعىنداعى جوعورۇ جابدۇۇ جاسووچۇ جوعورقۇ اعىن كەرقاناسى، شەرىكتىك ىزىلدەپ ۅنۉكتۉرۉپ، دولبوورلوپ، ۅندۉرگۅن ەلەكتىر جابدۇۇسۇ بۉت شئنجاڭدىن ار قايسى ايماق، وبلاستارىنا جانا شئزاڭ، سانشئى، جىياڭسۇ، شاندوڭ، گۇاڭدوڭ، شاڭحاي سىياقتۇۇ جەرلەرگە ساتىلات، ەلەكتىر تەلەگەيلەشكەن جابدۇۇسۇنۇن جىلدىق تۉشۉم نارقى 320 مئلليون يۇانعا جەتەت. شەرىكتىكتىن باش دىرەكتورۇ جىڭ شئنگۉي قابارچىعا، كەرقانانىن ساپاتىن جوعورۇلاتىپ بەرەكەتىن اشىرۇۇنۇ تۉرتمۅكتۅۅ ۉچۉن، شەرىكتىك بئر تۉركۉم سان مەنەن تىزگىندەلچۉ تىنىمسىز ۅندۉرۉش لئنىياسى مەنەن اپتوماتتاشقان مەحانىكالۇۇ قۇلتەمىردى كىرگىزگەنىن ايتىپ مىنداي دەدى:« بئز كەرقانانىن جاڭىلىق جاراتۇۇ قۇرباتىن جوعورۇلاتۇۇ ۉچۉن، بئر تۉركۉم مۇرداعىدان وزوت بولعون اقىل ىدىرەكتۉۉ مەحانىكا جابدۇۇسۇن ساتىپ الۇۇ ارقىلۇۇ، ۅندۉرۉش بەرەكەتىن جوعورۇلاتتىق. 2021- جىلى، بئزدىن جىلدىق ۅندۉرۉش نارقىبىز داعى 30 پايىزدان 50 پايىزعا چەيىن جوعورۇلووسۇ كۉتۉلۉۉدۅ.»

   ىستاتىسكاعا قاراعاندا، 2020- جىلى 1- ايدان 11- ايعا چەيىن، اقسۇۇ ايماعى ىستىراتەگىيالىق مۉنۅزدۉۉ جاڭىدان گۉلدۅنگۅن كەسىپتەر ىشكە اشىرعان كۅلۅمدۅن جوعورقۇ ۅنۅر جاي اشقان نارقى 650 مئلليون يۇان بولۇپ، 2018- جىلعا سالىشتىرعاندا 270 مئلليون يۇان اشقان. اقسۇۇ ايماقتىق ۅنۅر جاي جانا ماالىماتتاشتىرۇۇ مەكەمەسى ەكونومىكا ايلاندىرۇۇ بۅلۉمۉنۉن باشچىسى شۉ جىيانجوڭ مىنداي دەدى:« ‹14- بەش جىلدىق جوسپور› مەزگىلىندە، بئز الدىنقى جەەك مۉنۅزدۉۉ تەحنىكالىق ىزىلدۅۅ ، تەحنىكا كىرگىزىپ سىڭىرىپ قابىلداپ قايرا جاڭىلىق جاراتۇۇ، جوعورۇ جاڭى تەحنىكالۇۇ كەسىپتەشكەن تۉرلۅردۉ جولعو قويۇۇنۇ ۇيۇمدوو سىياقتۇۇلار ارقىلۇۇ، كەرقانانىن ۅز بىلگى بئلىم مۉلك ۇقۇعۇ مەنەن ۅز بىلگى اتاقتۇۇ ماركەسىن كۉچ سالا جەتىشتىرىپ، كەسىپتىن ۅزۅكتۉۉ اتاانداشۇۇ كۉچۉن جوعورۇلاتابىز. وشونۇ مەنەن بىرگە، ايماق- وودان بىرلەشمە اراكەتىن كۉچۅتۉپ، ساياساتتىن قولدوو رولۇن كۅرسۅتۉپ، كۅپ تۉردۉۉ چارا مەنەن ىستىراتەگىيالىق مۉنۅزدۉۉ جاڭىدان گۉلدۅنگۅن كەسىپتەردىن ۅنۉگۉۉ اراكەتتەندىرگىچ كۉچۉن قوزعوتوبۇز». 

〖2020.12.30-11:22〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز