اپتونوم رايونۇبۇزدۇن اقچا- مامىلە اپپاراتتارى ورتو چاقان مايدا كەرقانالاردىن قارجى جۉرۉشتۉرۉۉ ۅزدۉك نارقىن تىنباي تۅمۅندۅتتۉ

2020-12-27 14:26

 اپتونوم رايونۇبۇزدۇن اقچا- مامىلە اپپاراتتارى ورتو چاقان مايدا كەرقانالاردىن قارجى جۉرۉشتۉرۉۉ ۅزدۉك نارقىن تىنباي تۅمۅندۅتۉپ، اقچا مامىلە تۉشۉمۉ جانا اقچا مامىلە تەيلۅۅسۉ سىياقتۇۇلاردا جاڭىلىق جاراتىپ، چىنىعى تۇلقۇ چارباسىنىن ۅنۉگۉۉسۉنۅ ۅبۅك بولدۇ. ىستانسىيابىز قابارچىسى لو يۇانمئڭدىن قابارى نازارىڭىزداردا:

   (ناق مايدان ۉنۉ) «لئن باش دىرەكتور، قارىز اقچانى بئز وردۇنا تاراتىپ بولدۇق، كىيىن ەگەر قانداي قارجى ايلاندىرۇۇ قىيىنچىلىعىڭار بولسو، بئزدىن بانكەگە قارىز جانا ۅسۉمۉن قايتارۇۇ مۅۅنۅتۉن ۇزارتۇۇ كەسىبى بويۇنچا ۅتۉنۉچ بەرسەڭىزدەر بولوت...»

  12- ايدىن 24- كۉنۉ، فۇكاڭ شاارى شئنتوڭ نەفىت تابئعىي گاز چەكتۉۉ شەرىكتىگى جۇڭگو سوودا ۅنۅر جاي بانكەسى فۇكاڭ بۅلۉمچۅ بانكەسى تاراتقان 3 مئلليون يۇان تۅمۅن ۅسۉمدۉۉ قارىز اقچانى تاپشىرىپ الدى، شەرىكتىكتىن باش دىرەكتورۇ لئن سوڭلوڭ مىنداي دەدى: «بئر اپتا ىچىندە بىزگە قارىز اقچا تاراتتى، ۅسۉمۉ داعى ابدان تۅمۅن، بۇل قارجىلار بئزدىن زات كىرگىزۉۉ جولۇبۇزدۇ كەڭىرتىپ، بئزدىن ۅندۉرۉش تئجاراتىبىزدى داعى دا ىشەنىچكە ەە قىلدى».

  بىيىلتان بەرى، جۇڭگو سوودا ۅنۅر جاي بانكەسى فۇكاڭ بۅلۉمچۅ بانكەسى ورتو چاقان مايدا كەرقانالاردىن قارىز اقچا ۅسۉمۉن سىزىل تۅمۅندۅتتۉ، ارى چوڭ ساندۇۇ ماالىمات انالئز سىستەماسىن قولدونۇپ، ورتو، چاقان، مايدا كەرقانالاردىن قارجى جۉرۉشتۉرۉۉ اجاتىنا قاراتا تۅپ ورۇن بەلگىلەپ، تەز تەكشەرىپ، تەز تاستىقتوو، تەز تاراتۇۇنۇ ۅز ارا بىرىكتىرۉۉ ىڭعايى ارقىلۇۇ، ورتو، چاقان، مايدا كەرقانالاردى ماالىندا، جەڭىلدىك بەرىلگەن اقچا مامىلە قولدووسۇنا الدى. ازىرعا چەيىن، جۇڭگو سوودا ۅنۅر جاي بانكەسى فۇكاڭ بۅلۉمچۅ بانكەسى 32 ورتو چاقان مايدا كەرقاناعا بۉتۉرگۅن جاڭىدان قوشۇلعان قارىز اقچا 76 مئلليون يۇان بولۇپ، 56 جەكە تئجاراتچىعا بۉتۉرگۅن جۇمۇشتۇ قالبىنا كەلتىرۉۉ قارىز اقچاسى 3 مئلليون 500 مئڭ يۇان بولعون.

  «13- بەش جىلدىق جوسپور» مەزگىلىندە، اپتونوم رايونۇبۇزدۇن اقچا- مامىلە اپپاراتتارى ورتو، چاقان، مايدا كەرقانالاردىن اقچا مامىلە تەيلۅۅ جاڭى ۉلگۉسۉن تىنباي ىلىكتەپ، ورتو چاقان مايدا كەرقانالاردىن زور ارى كۉچتۉۉ ىشتۅۅسۉنۅ ۅبۅك بولعون. مىندا، جۇڭگو قۇرۇلۇش بانكەسى شئنجاڭ رايونۇ بۅلۉمچۅ بانكەسى «مايدا، چاقان كەرقانالار تەز بۉتۉرچۉ قارىز اقچاسى»، «بۇلۇت باجى قارىز اقچاسى»، «جەكە تئجاراتچىلار تەز بۉتۉرچۉ قارىز اقچاسى» سىياقتۇۇ ورتو چاقان مايدا كەرقانالار جانا جەكە تئجاراتچى تۉتۉندۅرگۅ بەت العان جالپى بارىش ىنتەرنەتتەگى ىشەنىمدۉۉ قارىز اقچا قارجى جۉرۉشتۉرۉۉ تۉشۉمۉن چىعارىپ، ورتو، چاقان، مايدا كەرقانالاردى كۅپ ۅلچۅمدۅن ىشەنىم ىيعارىمىن جوعورۇلاتۇۇ مۉمكۉندۉگۉنۅ ەە قىلدى؛ «جالپىعا نارپتۇۇ اقچا- مامىلە-جۇچاۋ ئشقاناسى»ن قۇرۇپ، جانا ۇستالىق رۇحۇ مەنەن جالپىعا نارپتۇۇ اقچا مامىلە تەيلۅۅ قۇرباتىن جالپى بەتكەي جوعورۇلاتىپ، ازىرعا چەيىن، ئشقانا الدى- ارتى بولۇپ 1800 دۅن اشۇۇن ورتو چاقان مايدان كەرقانانى اقچا مامىلە تەيلۅۅسۉ مەنەن قامدادى. جۇڭگو قۇرۇلۇش بانكەسى ۉرۉمچۉ بۅلۉمچۅ بانكەسى تئجارات بۅلۉمۉ مايدا كەرقانالار بوربورۇنۇن ورۇنباسار مۇدۇرۇ جۇ چاۋ 朱超مىنداي دەدى:« كىيىنكى قادامدا، كەە بئر كەسىپ ۇيۇمدار، ۅنۅر جاي باقچا رايونۇ سىياقتۇۇ مايدا چاقان كەرقانالار سالىشتىرمالۇۇ تىعىز چوردوندوشقون ۅرۉشتۅرگۅ كىرىپ ورۇن الىپ، كەسىپتەشكەن تەيلۅۅ ارقىلۇۇ، كەرقانالاردى داعى دا تۅپ جوعورۇ ۅنۉمدۉۉ اقچا مامىلە تەيلۅۅسۉ مەنەن قامدايبىز؛ سىزىل تۉردۅ بانكە تۇرعۇسۇنان چىعىپ، كەرقانالاردىن سوو ۅسۉپ جەتىلۉۉسۉنۅ ۅبۅك بولۇپ، داعى دا كۅپ كەرقانالاردى ماملەكەتتىن جالپىعا نارپتۇۇ اقچا- مامىلە ساياسات شاراپاتىنان باارلاندىرابىز. »

   ۇچۇردا، جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى باعىتتۇۇ تۉردۅ ۅلچۅمدۉ تۅمۅندۅتۉۉ، قايرا العان قارىز اقچا ۅسۉمۉنۅ قايرا تولۇقتاما بەرۉۉ سىياقتۇۇ كۅپ تۉردۉۉ اقچا مامىلە ساياسات قۇرالدارىنان ۇنىۋەرىسال پايدالانىپ، بۉت اپتونوم رايوندو اقچا مامىلە تەيلۅۅسۉ بويۇنچا، ورتو چاقان مايدا كەرقانالاردىن قۇرباتىن جوعورۇلاتۇۇ اتايىن تۉر اراكەتىن كەنەن قۇلاچ جايدىردى، ارى قىيمىلدۇۇ ابالدا ىزىنە تۉشۉپ تەيلۅۅ، كەرقانالاردى كۅپ جولدو چىركەشتىرۉۉ سىياقتۇۇ ىڭعايلاردى قولدونۇپ، چىنىعى تۇلقۇ چاربانىن قارجى جۉرۉشتۉرۉۉ اجاتىن داعى بئر دەمجىي قانااتتاندىردى. جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى اقچا ىشەنىمدۉۉ قارىزدى باشقارۇۇ باشقارماسىنىن ورۇنباسار باشچىسى سۉن جئدوڭ 孙吉东مىنداي بئلدىردى:« ‹14- بەش جىلدىق جوسپور› مەزگىلىندە، بئز اقچا مامىلە چۅيرۅسۉن جاراتۇۇ، ايرىمالۇۇ ساياساتتى قولعو كەلتىرۉۉ، بايلىقتاردى قىلداشتىرۇۇنۇ تۉرتمۅكتۅۅ سىياقتۇۇ جاقتاردا اقچا مامىلە تەيلۅۅ تۉزۉلمۅ مەحانىزىمىندە جاڭىلىق جاراتىپ، «قىسقالىقتاردى تولۇقتاپ، نەگىزىن بەكەمدەپ، الىستى پئلاندوو» عو كۉچ جۇمشاپ، اقچا مامىلە ساياسات قۇرالىنىن شىقتاندىرىپ جەتەكتۅۅ رولۇن تولۇق كۅرسۅتۉپ، اقچا مامىلە ساياساتىنىن جۉزۅلۅشۉۉسۉنۉن تۉز جەتۉۉسۉ مەنەن تۅپتۉك داراجاسىن داعى بئر دەمجىي جوعورۇلاتابىز؛ بازار نەگىزگى تۇلقۇنۇن تۅمۅن چەگىن قامسىزدوو مىلدەتىنە جوعورۇ داراجادا ۉيرۉلۉپ، «ۅكۉمۅت- بانكە- كەرقانا» كۅپ جاقتىلۇۇ قارجى جۉرۉشتۉرۉۉ بويۇنچا چىركەشتىرۉۉنۉ كۉچۅتۉپ، قارجى جۉرۉشتۉرۉۉ چۅيرۅسۉن جاقشىلوو، قۇرباتىن جوعورۇلاتۇۇ سىياقتۇۇ جاقتاردا كۉچ چىعارىپ، اقچا مامىلە تەيلۅۅسۉنۉن ساپات ۅنۉمۉن جوعورۇلاتىپ، چىنىعى تۇلقۇ ەكونومىكا ۉچۉن داعى دا كۅپ اقچا مامىلە قولدووسۇن قولعو كەلتىرەبىز.»

〖2020.12.27-14:26〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز