ماركەدە كۉچتۉۉ رايون قۇرۇلۇشۇ اپتونوم رايونۇبۇزدۇن جوعورۇ ساپاتتا ۅنۉگۉۉسۉنۅ كۉچ توپتودۇ

2020-05-20 11:23

 

  اپتونوم رايونۇبۇز ماركەدە كۉچتۉۉ رايون ىستىراتەگىياسىن باچىم جىلىشتاتىپ، ۅنۅرجاي، ايىل چاربا، مادانئيات، ساياقات سىياقتۇۇ ماركە قۇرۇلۇشۇن زارىل تۉيۉن قىلعان تۉردۅ شئنجاڭ تۉشۉمدۅرۉنۉن داڭقىن ۉزگۉلتۉكسۉز جوعورۇ كۅتۅرۉپ، شئنجاڭدىن ماركەلەرىن جاراتىپ، شئنجاڭ ەكونومىكاسىنىن جوعورۇ ساپاتتا ۅنۉگۉۉسۉن سىزىل قىيمىلداتقىچ كۉچ مەنەن قامدادى. ىستانسىيابىز قابارچىلارى لو يۇانمئڭ، لئيۇ چئياڭ، رىن شئنجىيەنىن قابارى:

 

  بۇل بئر قانچا كۉندۅن بەرى، قومۇل جوعورۇ جاڭى تەحنىكا كەسىپتەرىن اچىپ ۅنۉكتۉرۉۉ رايونۇنا جايعاشقان شئنجاڭ تىيانجىفىڭ ەنەرگىيا ۉنۅمدۅۅ تاقتاي ماتەرىيالى چەكتۉۉ شەرىكتىگى بئر تۉركۉم كونتەينىر ۉيلۅرۉ زاكاسىن بۉتۉرۉۉ مەنەن قاربالاس بولدۇ. شەرىكتىكتىن دايىمدۇۇ ىشتەر بويۇنچا ورۇن باسار باش دىرەكتورۇ گاۋ دوڭفىڭ قابارچىعا، شەرىكتىكتىن بۇل بئر قانچا جىلدان بەرى، ساپات، ماركە داڭقىن ۅستۉرۉۉ قۇرۇلۇشۇن كۉچۅپ جولعو قويۇپ، شئنجاڭ، حىنان ەكى جەردەكى جوعورۇ وقۇۇ جايلار مەنەن قىزماتتاشۇۇ ارقىلۇۇ الدى-ارتى بولۇپ، پولئۇرىتان ەنەرگىيا ۉنۅمدۅۅ تاقتايى جانا تاشپاقتا ەنەرگىيا ۉنۅمدۅۅ تاقتايى سىياقتۇۇ جاڭىچا ەنەرگىيا ۉنۅمدۅۅ تاقتاي ماتەرىيال تۉشۉمدۅرۉن ىزىلدەپ چىعىپ، ماملەكەت ئچى-سىرتىنداقى بازارلاردىن مويۇندووسۇنا ەە بولعونۇن ايتىپ مىنداي دەدى: ساپات جانا ماركە قۇرۇلۇشۇنا باشتان-بويعو ماانئى بەرىپ، بئلىم-مۉلۉك ۇقۇعۇن قورعووعو ماانئى بەرىپ كەلدىك. بئز بۇل ەكى جىلدا الدى-ارتى بولۇپ، ون تۉردۉۉ پاتەنتكە سۇنۇش بەرىپ، اسىل ساپاتتۇۇ ورتومچۇنۇ تۇرعۇ قىلعان تۉردۅ تۉشۉمدۉن بازارىن كەڭىرتتىك.

 

  اپتونوم رايونۇبۇز جاقىنقى جىلدان بەرى، ماركە ەكونومىكاسىن كۉچۅپ ۅنۉكتۉرۉپ، ۅنۅرجاي، ايىل چاربا، مادانئيات ساياقات سىياقتۇۇ ماركە قۇرۇلۇشۇن زارىل تۉيۉن قىلىپ، «ۅزگۅچۅ تىرانسىفورماتور»، «جئنفىڭ»،«كورلا المۇرتۇ» سىياقتۇۇ بئر تۉركۉم شئنجاڭدىن ابزەل كەسىپتەرى، رايون ۅزگۅچۅلۉگۉ جانا شاار وبرازىنا ۅكۉلدۉك قىلاتۇرعان توۋار ماركەسىن جەتىشتىرىپ چىعىپ، ەكونومىكانىن تئپ ۅزگۅرتۉپ داراجا جوعورۇلاتۇۇسۇن، سىزىل سوو ۅنۉگۉۉسۉن كۉچتۉۉ تايانچ مەنەن قامدادى. گۇچىڭ وودانى «گۇچىڭ ۇنۇ» ماركەسىن جاراتۇۇدا بەكەم تۇرۇپ، گۇچىڭ بۇۇدايىنىن نارقىن ەسەلەپ اشىردى. شئنجاڭ حۇاماي شئنلئياڭ ۇن چەكتۉۉ شەرىكتىگىنىن باش دىرەكتورۇ جاڭ كاي مىنداي دەدى: ىنتەرنەت جانا ىنتەرنەتسىز ىڭعايدى ۅزارا بىرلەشتىرۉۉ ارقىلۇۇ، وعو بەتەر كۅپ كىشىلەرگە گۇچىڭ ۇنۇن تۉشۉندۉرۉپ-بىلدىرەبىز. ۇچۇردا ساتىلۇۇ چەنەمى 30 پايىزدىق تەزدىك مەنەن باچىم ارتۇۇدا، شەرىكتىكتىن قاراماعىنداقى كۅپتۅگۅن ماركە سىستەماسى «گۇچىڭ ۇنۇ» دەگەن جالپىلىق ماركەنىن تۉرتمۅكتۅۅسۉندۅ اياباي تەز ەلە بۉت ماملەكەت ەلىنە تاانىلدى.

 

  وشونۇ مەنەن بىرگە، اپتونوم رايونۇبۇز داعى «اپتونوم رايوندۇن جۇعۇراپئيالىق بەلگى توۋار ماركەسىن ۅنۉكتۉرۉۉنۉ باچىم جىلىشتاتىپ، كەمباعالدىقتان ارىلتۇۇ چابۇۇلۇنا دەمۅۅر بولۇۇنۇن 3 جىلدىق اراكەت دولبوورۇن (2018 ــ 2020-جىل)« تەرەڭدەي جولعو قويدۇ. ازىرعا چەيىن، بۉت اپتونوم رايوندو جالپى بار جۇعراپئيالىق بەلگى توۋار ماركەسىنەن 89 ۇ، جۇعراپئيالىق بەلگىسى قورعولۇچۇ تۉشۉمدۅن 38ئى بار. بىيىل جىل ەتەگىنە چەيىن، جۇعراپئيالىق بەلگى توۋار ماركەسىنىن سانى 150دەن اشىپ، ار بئر وور كەمباعال ووداندا جاڭىدان كۅبۅيگۅن جۇعراپئيالىق بەلگى 1دەن كۅپ بولۇۇنۇ قولعو كەلتىرەت. جەركەن وودانى ــ ماملەكەت بويۇنچا ەڭ چوڭ بادام ۅندۉرۉۉ بازاسى، جۇعراپئيالىق بەلگى توۋار ماركەسىنە ۅتۉنۉچ بەرۉۉ ارقىلۇۇ بادام جەركەن وودانىنداقى دىيقانداردىن كەمباعالدىقتان ارىلىپ بايۇۇسۇنداقى تايانچ كەسىپكە ايلانعان. جەركەن ووداندىق بازاردى كۅزۅمۅلدۅپ باشقارۇۇ مەكەمەسى پارتگۇرپپاسىنىن مۉچۅسۉ، ورۇن باسار مەكەمە باشچىسى جاۋ شئياۋچئڭ مىنداي دەدى: بۇل جۇعراپئيالىق بەلگى بار بولعوندون كىيىن، بئزدىن جەركەندىن بادامى مۇرداقى بئر كىلوگىرامى 20 قانچا يۇاندان ازىرقى بئر كىلوگىرامى 70 قانچا يۇانعا جوعورۇلاپ، بازار اتاانداشتىق كۉچۉ داعى وعو بەتەر كۉچتۅنۉپ، ماركە بازار جاعىنان وعو بەتەر جاقشى مويۇندالدى. بادام تالقانى، بادام سۉتۉ، بادام شارابى سىياقتۇۇ قانچا ون تۉردۅكۉ تۇۇندۇ تۉشۉمدۅر جاپونئيا، قازاقىستان، پاكىستان، ورۇسىيا سىياقتۇۇ ماملەكەتتەرگە ساتىلدى.

 

  جەركەن بادامىنىن داڭقى جوعورۇلاعاندان كىيىن، اتىن ۇعۇپ كەلەتۇرعان ساياقاتچىلار داعى كۅبۅيدۉ، بئز ار جىلى داعى بادام چەچەگى مايرامى جانا بادام جىيىن-تەرۉۉ مايرامىن قۇلاچ جايدىرىپ، ساياقاتتىن ۅنۉگۉۉسۉن تۉرتمۅكتۅدۉك.

 

  اپتونوم رايوندۇق بازاردى كۅزۅمۅلدۅپ باشقارۇۇ مەكەمەسى بئلىم مۉلۉك ۇقۇعۇن ىلگەرى سۉرۉۉ باشقارماسىنىن ورۇن باسار باشچىسى نىيە حايتاۋ، مىندان كىيىن اپتونوم رايونۇبۇزدۇن ۇلاندۇۇ تۉردۅ، بۉت اپتونوم رايوندوقۇ كەرقانالاردى جۇڭگو پاتەنت سىيلىعىنا ۅتۉنۉچ بەرۉۉگۅ ۇيۇمدوو، جۇعراپئيالىق بەلگى توۋار ماركەسىنە ۅتۉنۉچ بەرۉۉنۉ تەكشەرۉۉ جاشىل جولۇن تۇرعۇزۇۇ سىياقتۇۇ چارالار ارقىلۇۇ ماركەدە كۉچتۉۉ رايون قۇرۇلۇشۇن باچىمداتاتۇرعاندىعىن تاانىشتىرىپ مىنداي دەدى: اپتونوم رايوندۇق ئلىم-تەحنىكا، ۅنۅرجاي جانا ماالىماتتاشتىرۇۇ سىياقتۇۇ تارماقتار مەنەن شايكەشىپ، بئر تۉركۉم شئنجاڭدىن ۅز بىلگى تاانىمال ماركەسىن جەتىشتىرىپ قۇرۇۇعا قولدوو كۅرسۅتۉپ، شئنجاڭ ەكونومىكاسىنىن جوعورۇ ساپاتتا ۅنۉگۉۉسۉن سىزىل قىيمىلداتقىچ كۉچ مەنەن قامدايبىز.

 

〖2020.05.20-11:23〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز