شئنجاڭدىن اقچا-مامىلە كەسىبى كۅپ ئش چارا قولدونۇپ ساياقاتچىلىقتىن جوعورۇ ساپاتتا ۅنۉگۉۉسۉن قولدووعو الدى

2020-05-20 11:11

   باش شۇجئى شئى جئنپىڭ: اقچا-مامىلەنىن قولدوو ىڭعايىندا جاڭىلىق جاراتىپ جاقشىرتىپ، ىلدەتتىن تااسىرىنە قىيلا زور ۇچۇراعان كەسىپتەردى، ەل باشقارۇۇسۇنداعى جانا چاقان مايدا كەرقانالاردى اتايىن تۉر قارىز اقچا سۇمماسى مەنەن قامدوو كەرەك دەپ كۅرسۅتكۅن. جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى ارقايسى اقچا-مامىلە اپپاراتتارىن ساياقاتچىلىقتى قولدوو ەپكىنىن اشىرۇۇعا جەتەكتەپ، كۅپ تۉردۉۉ ئش چارانى قولدونۇۇ ارقىلۇۇ، ساياقاتچىلىقتىن جوعورۇ ساپاتتا ۅنۉگۉۉسۉن قولدووعو الدى.ىستانسابىز قابارچىسى لو يۇانمئڭدىن قابارى.

 

   ىلدەتتىن تااسىرىندە، ۉرۉمچۉ شىيانلاي چاقان شاارچاسىندا كۅچمۅ قارجى تارتىش بولۇۇ ابالى كۅرۉلۉپ، تئجاراتچىلار قارىز اقچا ۅتۉنۉچۉن ورتوعو قويعوندون كىيىن، شئنجاڭ تىيانشان ايىلچاربا سوودا بانكەسى 280 مئليون يۇان قارىز اقچا تاراتىپ، كەرقانانىن قىچاپ تۇرعان قىينچىلىعىن چەچتى. ۉرۉمچۉ شىيانلاي چاقان شاارچاسى مادانئيات ساياقات جۅۅچۅندۅر كۅچۅسۉنۉن باش دىرەكتورۇ شى جۉن مىنداي دەدى: «قارىز اقچا تاراتۇۇ تەمپى دەلە ابدان تەز ەكەن، بئز دەلە ۅسۉمۉ تۅمۅندۅتۉلگۅن جەڭىلدىك ساياساتىنان باارلاندىق. ازىر سەكىن بۇتۇبۇزعا تۇرۇپ جاتابىز، شىيانلاي چاقان شاارچاسى مادانىيات ساياقات جۅۅچۅندۅر كۅچۅسۉن شئنجاڭدىن جەر بەلگى مۉنۅزدۉۉ مادانئيات ساياقات تۉرۉ قىلىپ قۇرۇۇعا ىشەنچىبىز بار.»

 

   جاقىنقى جىلداردان بەرى، جۇڭگو ەل بانكەسىنىن ۉرۉمچۉ بوربوردۇق بۅلۉمچۅ بانكەسى ارقايسى اقچا-مامىلە اپپاراتتارىن ساياقاتچىلىق كەسبىندە قارجى جۉرۉشتۉرۉۉ تەيلۅۅ ۉلگۉسۉندۅ جاڭىلىق جاراتۇۇعا تىنباي جەتەكتەپ، ساياقاتچىلىقتى قولدوو ەپكىنىن ارتتىرىپ، ساياقات كەرقانالارى جانا ساياقات تۉرلۅرۉن تۇتقا قىلىپ، كاپىتالدى تۉيۉن قىلىپ، ىشەنىمدۉۉ قارىز اقچا تاراتۇۇ ەپكىنىن اشىرىپ، ساياقاتچىلىقتىن كۅرك تۉيۉنۉ ساياقاتىنان بۉت چۅلكۅمدۉك ساياقاتقا قاراي بۇرۇلۇۇسۇن تۉرتمۅكتۅدۉ. 3-ايدىن اقىرىنا چەيىن، شئنجاڭ بويۇنچا ساياقات جانا قاتىشتۇۇ كەسىپتەردىن قارىز اقچا قالدىق سۇمماسى 102 مئليارت 710 مئليون يۇانعا جەتىپ، بىلتىرقى وقشوش مەزگىلدەكىدەن %41.5 ارتىپ، وقشوش مەزگىلدەكى شئنجاڭ بويۇنچا تۉردۉۉ قارىز اقچانىن ارتۇۇ تەزدىگىنەن 31.8 پايىز جوعورۇ تۇرعان.

 

   قۇرۇلۇش بانكەسىنىن شئنجاڭ رايوندۇق بۅلۉمچۅ بانكەسى 400 مئليون يۇان قارىز اقچاسىنىن قولدووسۇندا، ۉرۉمچۉ ەكونومىكا تەحنىكا اچىپ ۅنۉكتۉرۉۉ رايونۇ ( توۋتۇنحى رايونۇ)نا جايعاشقان امايلوڭ قىيال شاتتىق باقچاسى باچىم قۇرۇلۇپ جاتات، ۇچۇردا تۉر ويۇنچۇق كۅڭۉل اچۇۇ جابدۇۇلارىن تەسكۅۅ باسقىچىنا كىرگەن. شئنجاڭ جئنماۋ جىبەك جولۇ شاتتىق باقچاسى جارناق چەكتۉۉ شەرىكتىگىنىن باش دىرەكتورۇ شىياۋ چۇنلىي مىنداي دەدى: «بىيىل جايقى كانىكول كەزىندە سىناق ىرەتىندە جۉرگۉزۉۉنۉ پئلاندادىق، بۇل قارجىلىق قولدوو بولعوندون كىيىن، قۇرۇلۇش تۉرۉبۉزدۉن جىلىشتاشىن باچىم تەزدەتتىك.»

 

   قۇرۇلۇش بانكەسى شئنجاڭ رايوندۇق بۅلۉمچۅ بانكەسى شەرىكتىك كەسىپ بۅلۉمۉنۉن قاردارلار دىرەكتورۇ جئياڭ شىحۇي: مىنداي دەدى: «تاماق، جاتاق، ساپارعا چىعۇۇ، ساياقاتتوو، بۇيۇم ساتىپ الۇۇ، كۅڭۉل اچۇۇ سىياقتۇۇ باردىق جاقتان شئنجاڭدىن ساياقات كەرقانالارىنىن ۅنۉگۉۉسۉن قولدويبۇز. ازىرعا چەيىن، بانكەبىز ساياقات جانا بايلانىشتۇۇ كەسىپتى قولدوعون ىشەنىمدۉۉ قارىز اقچا قالدىق سۇمماسى 16 مئللىيارت 300 مئللىيون يۇاندان كۅبۉرۅۅك. قارجى جۉگۉرتۉۉ ىڭعايىندا، جۅرۅلگۅلۉۉ تۇرۇقتۇۇ مۉلك قارىز اقچا ارتىقچىلىعىن ۅرچۉتۉپ، ›چاقان مايدا كەرقانالار تەز قارىز اقچاسى›، ›ەسەپ نومۇرۇ بۇلۇت قارىز اقچاسى› سىياقتۇۇ تۉردۉۉ ىنتەرنەت، ىنتەرنەتسىز جاعدايداعى كەرقانالار قارىز اقچا تۉشۉمۉنۅن پايدالانىپ، چاقان مايدا كەرقانالاردىن كۅرۅۅگۅ قويۇۇ بۇيۇمۇ كەمچىل بولۇۇ قىيىن ماسەلەسىن چەچۉۉگۅ جاردام بەردىك».

 

  بىيىل جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى ساياقات اچىپ ۅنۉكتۉرۉۉ كەرقانالارى، ساياقات كوپىراتىپتەرى، ساياقات مەيمانقانالارى، ساياقات بويۇنچا توۋار ساتىپ الۇۇ، دىيقاندار شاتتىق وردۇ قاتارلۇۇ ساياقات جەلەسىندەكى تۉردۉۉ ورتو چاقان مايدا كەرقانالاردىن ۅزگۅچۅلۉگۉنۅ ايقالىشتىرىپ، اقچا- مامىلە اپپاراتتارىن داعى تۅپتۅشكۅن اقچا-مامىلە تۉشۉمدۅرۉ جانا تەيلۅۅۅسۉ مەنەن قامداعان. جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى اقچا- ىشەنىمدۉۉ قارىز اقچا باشقارماسىنىن ورۇنباسار باشچىسى جاڭ بو مىنداي دەدى: «اقچا-مامىلە اپپاراتتارىنىن ساياقات كەسىبى جەلەسىندە كەرقانالاردى قولدووعو جەتەكتەدىك، بۇل ماسەلە باعىتى بويۇنچا قارجى جۉرۉشتۉرۉۉ قىيىن، قىمبات بولۇۇسۇن چەچتىك. بئز بىيىل ۉچ مايدان ساياقات كۇرسۇن اچىپ، ساياقاتتىن اقچا-مامىلەگە بولعون اقچا اجاتى ايرىقچا اقچا-مامىلەلىك قولدوو ساياساتىنداعى كەەبىر ارعالار ارقىلۇۇ جالپى بەتكەي تاربىيالاپ، شئنجاڭ بويۇنچا 2 مىڭدەن اشۇۇن ساياقات بازارى نەگىزگى تۇلقۇسۇن قاپتاتىپ، ساياقات بازارى نەگىزگى تۇلقۇلارىنىن ۅنۉگۉۉسۉن ابدان جاقشى تۉرتمۅكتۅيبۉز.»

 

 

〖2020.05.20-11:11〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز