جۇڭگو بىرلەشمە قابارلاشۇۇسۇ شئنجاڭ بۅلۉمچۅ شەرىكتىگى تۉز باياندا تاانىشتىرىپ ساتۇۇ قىيىمىلىن ۅتكۅرۉپ، كەمباعالدىقتان ارىلتۇۇ چابۇۇلۇنا دەمۅۅر بولدۇ

2020-05-18 10:55

   5- ايدىن 17- كۉنۉ «دۉينۅلۉك تەلەگىراف جانا ماالىمات قووم كۉنۉ»، جۇڭگو بىرلەشمە قابارلاشۇۇسۇ شئنجاڭ بۅلۉمچۅ شەرىكتىگى 5G قابارلاشۇۇ تەحنىكاسى جانا ۅرۉشۉنۅن پايدالانىپ تۉز باياندا تاانىشتىرىپ ساتۇۇ قىيمىلىن ۅتكۅرۉپ، گۇما وودانىنىن اسىل ساپاتتۇۇ ۅزگۅچۅ ايىل چاربا تۉشۉمدۅرۉن ساتۇۇعا دەمۅۅر بولدۇ. ىستانسىيابىز قابارچىسى لىي مئڭدىن قابارى:

   تۉشتۅن كىيىن ساات 14 تۅن 30 مئنۇت ۅتكۅندۅ، تۉز باياندا تاانىشتىرىپ ساتۇۇ قىيمىلى ىراسمئي باشتالىپ، جۇڭگو بىرلەشمە قابارلاشۇۇسۇ شئنجاڭ بۅلۉمچۅ شەرىكتىگىنىن پارتكوم شۇجئسى، باش دىرەكتورۇ چىن جئچئيۇ ىنتەرنەت جىلدىزى الىپ بارۇۇچۇسۇ مەنەن بىرگە قالىڭ توردوستورعو گۇما وودانىندا ۅندۉرۉلگۅن چىلان، جاڭعاق، قۇرعاتىلعان ۅرۉك قاتارلۇۇ تۉشۉمدۅردۉ تاانىشتىردى. چىن جئچئيۇ مىنداي دەدى: «ىنتەرنەتتە تۉز بايان ارقىلۇۇ تاانىشتىرىپ ساتۇۇنۇ قۇلاچ جايدىرىپ، شئنجاڭدىن كەمباعالدىقتان تۅپ ارىلتۇۇسۇنا دەمۅۅر بولدۇق، بئز شئنجاڭدىن ۅزگۅچۅ، جاشىل، چۅيرۅ قورعوي تۇرعان، زىيانسىز تۉشۉمدۅرۉن بۉت ماملەكەتتەكى قىردارلارعا تاانىشتىرىپ، شئنجاڭدىن كەمباعالدىقتان تۅپ ارىلتۇۇ چابۇۇلۇندا جەڭىشكە جەتۉۉسۉ ۉچۉن سالىم قوشوبۇز.»

بىلۉۉگۅ قاراعاندا، دۉينۅلۉك تەلەگىراف جانا ماالىمات قووم كۉنۉندۅ، گوۋۇيۇان ماملەكەت مەنچىگىندەگى مال- مۉلكتۉ كۅزۅمۅلدۅپ باشقارۇۇ كومىتەتى ۉگۉت مەكەمەسى جۇڭگو بىرلەشمە قابارلاشۇۇسۇ مەنەن بىردىكتە «بىرلەشمە قابارلاشۇۇنۇن كۉچۉ مەەر- ماحاباتتى جەتىلدىرەت» نەگىزگى تەماسىنداعى ماملەكەت مەنچىگىندەگى كەرقانالار اچىپ جىبەرۉۉ كۉنۉن ۅتكۅرۉپ، 31 ۅلكۅ داراجالۇۇ بۅلۉمچۅ شەرىكتىك جووپتۇۇلارى توبۇن باشتاپ تۉز بايان بۅلمۅسۉنۅ كىرىپ، جەر- جەرلەردىن اسىل ساپاتتۇۇ ۅزگۅچۅ تۉشۉمدۅرۉن تاانىشتىرىپ، كەمباعالدىقتان ارىلتۇۇ چابۇۇلۇنا دەمۅۅر بولدۇ. 3 سااتتىق تۉز بايان قىيمىلىندا، جۇڭگو بىرلەشمە قابارلاشۇۇسۇ شئنجاڭ بۅلۉمچۅ شەرىكتىگى بۉت ماملەكەتتەگى جالپى 2 مئللىيون 100 مئڭ قالىڭ توردوستور، قاردارلارعا 10 تۉردۉۉ گۇمانىن اسىل ساپاتتۇۇ ۅزگۅچۅ ايىل چاربا تۉشۉمدۅرۉن تاانىشتىرىپ، قابارچى ماقالا جۅنۅتكۅنگۅ چەيىن، سوودالاشۇۇ سۇمماسى 200 مئڭ يۇاندان اشقان. جۇڭگو بىرلەشمە قابارلاشۇۇسۇ شئنجاڭ بۅلۉمچۅ شەرىكتىگىنىن «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزماتى ئشقاناسىنىن مۇدۇرۇ حى ۋىنپئڭ مىنداي دەدى: «بئز چىعارعان تۉشۉمدۅر - گۇمادا ۅندۉرۉلگۅن ايىل چاربا قوشۇمچا تۉشۉمدۅرۉ، بۉگۉن بئز 5G ۅرۉشۉ ارقىلۇۇ، قاردارلارعا تۅمۅن ۇباقىت كەچىگۉۉ، قاتىپ قالباستىقتى، جوعورۇ انىقتىق بەرەكەتىن سەزىندىردىك، چىنىندا سئزدىن جانىڭىزدا تۇرعانداي سەزىمدە بولوسۇز».

 

〖2020.05.18-10:55〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز