اپتونوم رايونۇبۇز جەر-جەرلەرىندەكى بئر تۉركۉم تۉيۉندۉۉ ماملەكەت، ۅلكۅ نەگىزگى لئنىيا تاش جول قۇرۇلۇش تۉرلۅرۉ جۇمۇشتۇ قالبىنا كەلتىردى

2020-03-21 12:35

   3- ايدىن 20-كۉنۉ تۉشتۅن مۇرۇن، اپتونوم رايونۇبۇز جەر- جەرلەرىندە داعى بئر تۉركۉم تۉيۉندۉۉ ماملەكەت، ۅلكۅ نەگىزگى لئنىيا تاش جول قۇرۇلۇش تۉرۉ جۇمۇشتۇ قالبىنا كەلتىرىپ، «شئنجاڭ ىچىندە ايلانۇۇ، شئنجاڭعا كىرىپ-چىعۇۇدا تەزدەشۉۉ» قۇرۇلۇش نئشاانىن ىشكە اشىرۇۇنۇ باچىمداتتى. ىستانسىيابىز قابارچىسى جئن لىي، قومۇل رادىيو-تەلەۋىزىيا ىستانسىياسىنىن قابارچىسى تىيەن يۉ، جئياڭ حوڭشئيانىن قابارىنا كۅڭۉل بۇرۇڭۇزدار:

  تۉشتۅن مۇرۇن، S21 لئنىياسى التايدان ۉرۉمچۉگۅ چەيىنكى تاش جول بئرىنچى مەزگىلدىك قۇرۇلۇشۇنۇن ۋۇجئياچۉ جۇمۇشتۇ قالبىنا كەلتىرۉۉ ناق مايدانىندا، قوڭعۇروو چالىنۇۇسۇ مەنەن، جەر تۉزدۅۅ ماشئناسى، قازۇۇ ماشئناسى، چوڭ تىپتەكى جۉك ماشئناسى جۇمۇش ىشتەي باشتاپ، تۉردۉن جۇمۇشتۇ قالبىنا كەلتىرۉۉ كۅشۅگۅسۉن اچتى. S21 التاي-ۉرۉمچۉ تۉرۉ جول لئنىياسىنىن بۉت ۇزۇندۇعۇ 342 كىلومەتىر، بئرىنچى مەزگىلدىك قۇرۇلۇشتۇن باشتالۇۇ تۉيۉنۉ التاي ايماعى بۇرۇلتوقوي وودانىنىن حۇاڭحۇاگوۋ دەگەن جەرىنە جايعاشقان، اقىرلاشۇۇ تۉيۉنۉ قۇرۇلۇۇ الدىنداقى ۉرۉمچۉ باتىش شاار ايلانما جوعورۇ تەمپتۉۉۉ تاش جولۇ مەنەن جالعانات. شئنجاڭ قاتتوو قۇرۇلۇشۇنا قارجى سالۇۇ التاي-ۉرۉمچۉ جوعورۇ تەمپتۉۉ تاش جول چەكتۉۉ جووپتۇۇلۇق شەرىكتىگىنىن اتقارۇۇچۇ مۇدۇرىياتى شۉ شىيەنجۉن مىنداي دەدى: «بۇل لئنىيا جولۇ بئزدىن التاي، بۇرۇلتوقوي وودانى، بەيتۉن شاارى، ۋۇجئياچۉنۉ كەسىپ ۅتۉپ، اقىرلاشۇۇ تۉيۉنۉ ۉرۉمچۉگۅ بارات. بۇل لئنىيا مۇرداقى 217 (لئنىيا) چوڭ كۉرۅ جولۇنا سالىشتىرعاندا 258 كىلومەتىر قىسقارىپ، مۇرداقى 216 (لئنىيا) چوڭ كۉرۅ جولۇنا سالىشتىرعاندا 193 كىلومەتىر قىسقارعان، بئرىنچى مەزگىلدىك قۇرۇلۇش 229 كىلومەتىر، قۇرۇلۇش مۅۅنۅتۉ 3 جىل، بولجول مەنەن قۇرۇلۇشتۇ ىشتەتۉۉگۅ تاپشىرۇۇ ۇباقتى 2022-جىلى 8-ايدىن 31-كۉنۉ».  

 S21 لئنىياسى التاي-ۉرۉمچۉ تۉرۉندۅ ەرتەلەپ جۇمۇشتۇ قالبىنا كەلتىرۉۉ ۉچۉن، تۉر قول باشچىلىق ىشتابى جانا ارقايسى تۉر قۇرۇلۇشۇن سالۇۇعا قاتىشقان ورۇندار جۇعۇشتۇۇ وورۇنۇن الدىن الىپ تىزگىندۅۅ چارالارىن قاتاڭ جۉزۅلۅشتۉرۉپ، ماالىماتتاشۇۇ ىقماسىنان پايدالانىپ، جۇعۇشتۇۇ وورۇنۇن الدىن الۇۇ بويۇنچا ۅكۉم چىعارىپ، ار كۉنۉ مايدانعا كىرگەن كىشىلەردىن دەنە تەمپىراتۇراسىن ۅلچۅپ، تاماققانا، جاتاق سىياقتۇۇ رايوندوردۇ تازا تازالاپ، دىزەنفەكسىيالادى. S21 لئنىياسى التايدان ۉرۉمچۉگۅ چەيىنكى تاش جول قۇرۇلۇش تۉر قول باشچىلىق ىشتابىنىن باش قول باشچىسى لو شئياۋگاڭ، ۇچۇردا بۉت لئنىيا بويۇنچا قۇرۇلۇش باشتوو شارتىنا ەە بولعوندۇعۇن ايتىپ مىنداي دەدى: «نەگىزدۉۉ باشقارۇۇچۇلاردىن باارى دەگدەي مايدانعا كىردى، مەحانىكا جابدۇۇلار داعى مايدانعا تارتىپتۉۉ كىرۉۉدۅ. جول ۇلۇ قۇرۇلۇشۇن الدىن باشتوو بۅلۉگۉندۅكۉ 62 جابدۇۇ مايدانعا كىرگەن، بولوچوقتو قۇرۇلۇش الىپ بارۇۇ اتىرەتىنىن مۉچۅلۅرۉ قاتىشتۇۇ تالاپتار بويۇنچا تارتئپ مەنەن تۉركۉمگۅ بۅلۉنۉپ مايدانعا كىرەت». 

 بۇل جولۇ جۇمۇشتۇ قالبىنا كەلتىرۉۉ داعى ماملەكەت 7-نومۇرلۇۇ بەيجىن-شئنجاڭ جوعورۇ تەمپتۉۉ تاش جولۇنۇن ۋۇتوڭ داچۇاندان مورىيگە چەيىنكى جوعورۇ تەمپتۉۉ تاش جول تۉرۉ، ماملەكەت 30-نومۇرلۇۇ بارچاساقالدان ۉرۉمچۉگۅ چەيىنكى بۅلۉكتۅكۉ جوعورۇ تەمپتۉۉ تاش جولدۇ كەڭىرتىپ قۇرۇۇ تۉرۉ، چارقالىقتان نىيەگە چەيىنكى جوعورۇ تەمپتۉۉ تاش جول تۉرۉ، S20 لئنىياسى ۋۇگوڭتاي-قاراماي بئرىنچى داراجالۇۇ جوعورۇ تەمپتۉۉ تاش جولۇنا ۅزگۅرتۉۉ تۉرۉ سىياقتۇۇلاردى قامتيت. مىندا، بەيجىن-شئنجاڭ جوعورۇ تەمپتۉۉ تاش جولۇنۇن ۋۇتوڭ داچۇاندان مورىيگە چەيىنكى جوعورۇ تەمپتۉۉ تاش جول تۉرۉ ـــ ماملەكەتتىن تۉيۉندۉۉ قۇرۇلۇشۇ، بۉت ۇزۇندۇعۇ 515 كىلومەتىر، ماملەكەت 7-نومۇرلۇۇ جوعورۇ تەمپتۉۉ تاش جول بۉت لئنىيا بويۇنچا اچىلۇۇسۇنداقى «ەڭ اقىرقى بئر كىلومەتىر» بولۇپ ەسەپتەلەت. قۇرۇۇچۇ جاق، جۇڭگو تەمىرجول بەيجىن-شئنجاڭ جوعورۇ تەمىپتتۉۉ تاش جولۇن سالۇۇ چەكتۉۉ شەرىكتىگىنىن قۇرۇلۇش باشقارۇۇ بۅلۉمۉنۉن باشچىسى سۉن لئياڭ مىنداي دەدى: «بىيىل جۇمۇشتۇ قالبىنا كەلتىرگەندەن بەرى، تۉر شەرىكتىگى ىشتىكتۉۉ ۇيۇمداپ، تۉردۉۉ ىڭعايلاردا، ازىر زاوۋت باشقارۇۇچۇلاردان مىڭگە جاقىن كىشىنى ۇيۇمدادى. بئز جۇعۇشتۇۇ وورۇنۇن الدىن الىپ تىزگىندۅۅ جانا نئشاان چابۇۇلۇن جاقشى الىپ بارۇۇداي قوش جەڭىشكە قول جەكىرۉۉگۅ ىشەنىچىبىز بار، قايراتىبىز تولۇق».

〖2020.03.21-12:35〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز