قورعوس ەل ارالىق قىزماتتاشتىق بوربورۇ جۇڭگو جاق رايونۇ تئجاراتتى قالىبىنا كەلتىردى

2020-03-20 15:54

قورعوس ەل ارالىق چەك ارا قىزماتتاشتىق بوربورۇ جۇڭگو جاق رايونۇ تئجاراتتى قالىبىنا كەلتىردى. قورعوس رادىيو-تەلەۋىزىيا ىستانسىياسىنىن قابارچىسى شاۋ سىجىيە، لئى مئڭدەردىن قابارى:

3- ايدىن 15- كۉنۉ، جۇڭگو-قازاقىستان چەك اراسىنا جايعاشقان قورعوس ەل ارالىق چەك ارا قىزماتتاشتىق بوربورۇ جۇڭگو جاق رايونۇ تئجاراتتى قالىبىنا كەلتىردى. باجى كەچىرىم قىلىنعان دۉكۅندۉن دۉكۅن باشچىسى شۉ جىشئيان قاق ساار مەنەن ەلە دۉكۅنۉنۅ كەلىپ، قىردارلار مەنەن سووداگەرلەردىن اقىرىن-اقىرىن كۅبۅيۉپ قالعانىن كۅرۉپ، قۇبانعان تۉردۅ مىنداي دەدى: «جۇڭگو-قازاقىستان قىزماتتاشتىق بوربورۇ باجى كەچىرىم قىلىنعان رايون، ماملەكەتتىن ئچى-سىرتىنان كەلە تۇرعان ساياقاتچىلار اياباي كۅپ، ساتىپ الۇۇ مۅلچۅرۉ داعى اياباي كۅپ».

تئجارات قالىبىنا كەلگەن 1- كۉنۉ ەلە، قۇلجا شاارىنان كەلگەن ما لان اشىققان تۉردۅ كۅۅنۉندۅكۉ توۋاردى ساتىپ الدى. ال مىنداي دەدى: «بۇل جەردەن دەڭىز مۇح ساتىپ الدىم، داعى ۅرۉكتۉن دانەگى، شاكالات ساتىپ الدىم، بۇلاردىن باارىن ۉيدۅكۉلۅرگۅ الىپ بارىپ بەرەم».

قورعوس ەل ارالىق چەك ارا قىزماتتاشتىق بوربورۇ تاموجنا تەكشەرۉۉ 2- بۅلۉمۉنۉن باشچىسى چىن اننئڭ قابارچىعا، تئجارات قالىبىنا كەلگەندەن كىيىن، قىزماتتاشتىق بوربورۇ قاتىشتۇۇ قورعونۇۇ چاارالارىن قولدونعونۇن ايتىپ مىنداي دەدى: «جۉرگۉنچۉلۅردۉن تاموجنادان ۅتۉۉ ناق مايدانىندا تۇرۇپ قالۇۇ ۇباقىتىن قىسقارتتىق، وشونۇ مەنەن بىرگە تاموجنادان ۅتۉۉ تارتئبىن باشقارۇۇنۇ كۉچۅتۉپ، جۉرگۉنچۉلۅر 1 جارىم مەتىردەن الىس ارالىقتى ساقتاپ ۅچۉرۅتتۅ تۇرۇپ، چوعۇلۇۇدان ساقتانىپ، تاموجنادان ۅتۉۉ بەرەكەتىن اشىردىق».

قورعوس ەكونومىكا اچىپ ۅنۉكتۉرۉۉ رايوندۇق پارتئيا قىزمات كومىتەتىنىن مۉچۅسۉ، ورۇن باسار مۇدۇرۇ جاڭ يوڭنئڭ، جۇعۇشتۇۇ وورۇنۇن الدىن الىپ تىزگىندۅۅ چاارالارىن قاتاڭ جۉزۅلۅشتۉرۉۉ مەنەن قاتار، قىزماتتاشۇۇ بوربورۇنۇنداعى كەرقانالاردىن جۇمۇشتۇ، ۅندۉرۉشتۉ قالىبىنا كەلتىرۉۉسۉن بار كۉچ مەنەن قامتاماسىزداندىرعانىن ايتىپ مىنداي دەدى: «تاموجنا، چەك ارا تەكشەرۉۉ، بازاردى كۅزۅمۅلدۅپ باشقارۇۇ مەكەمەسى، چۇقۇل ابالعا تەڭ تايلاش تۇرۇۇ مەكەمەسى قاتارلۇۇ قاتىشتۇۇ تارماقتاردى شايكەشتىرىپ، كۅپتۅگۅن الدىنقى مەزگىلدىك دايىندىق قىزماتتارىن ىشتەدىك، جۇعۇشتۇۇ وورۇنۇن الدىن الۇۇنۇ جاقشى ىشتۅۅ مەنەن قاتار، قىزماتتاشتىق بوربورۇبۇزدۇن ەكونومىكاسى تەزدەن ايلانىپ، سووداگەرلەردىن ىشەنچى اشىپ، ەكونومىكانىن چىيرالۇۇ داراجاسى جوعورۇلادى».

〖2020.03.20-15:54〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز