اپتونوم رايونۇبۇز جەكە تىجاراتچىلاردىن چاقان سۇمماداعى ىشەنىم قارىز اقچا ساياساتىن تۉزۉپ چىقتى

2020-03-18 18:16

اپتونوم رايونۇبۇز جەكە تىجاراتچىلاردىن چاقان سۇمماداعى ىشەنىم قارىز اقچا ساياساتىن تۉزۉپ چىقتى، ەڭ جوعورۇ بولعوندو بئر جولۇ ەلە 80 مئڭ يۇاندىق چاقان سۇمماداعى ىشەنىم قارىز اقچاسىن ۅتۉنسۅ بولوت

 جاقىندا، اپتونوم رايونۇبۇز «جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇسۇنۇن تااسىرىنە تەڭتايلاش تۇرۇۇداعى چاقان سۇمماداعى ىشەنىم قارىز اقچا ساياساتىن جولعو قويۇپ جەكە تىجاراتچىلاردىن جۇمۇشتۇ ۅندۉرۉشتۉ قالىبىنا كەلتىرۉۉسۉن قولدوو جۅنۉندۅكۉ پىكىرى»ن تۉزۉپ چىققان. ساياساتقا نەگىز، جەكە سووداگەرلەر ەڭ جوعورۇ بولعوندو بئر جولۇ ەلە 80 مئڭ يۇاندىق چاقان سۇمماداعى ىشەنىم قارىز اقچاسىن ۅتۉنۅ الات ەكەن. بۇل جۅنۉندۅ ىستانسىيابىز قابارچىلارى لئى ۋىي، لئياڭ شۅلەيدىن قابارىن ۇعۇڭۇزدار:

  3- ايدىن 16- كۉنۉ تۉشتۅن مۇردا، ۉرۉمچۉ شاارىنىن شئياۋشئمىندا كىيىم كەچە سووداسىن قىلا تۇرعان جەكە تىجاراتچى جاۋ شئياۋجۉن ۉرۉمچۉ شاارى تىيانشان رايونۇ داشئمىن، شئياۋشئمىن تىلكە رايونۇن باشقارۇۇ كومىتەتى باتىش دەموكىراتىيا جولۇنداعى قوومدۇق قونۇشقا بارىپ ناق مايداندا «جەكە تئجاراتچىلاردىن چاقان سۇمماداعى ىشەنىم قارىز اقچاسىن تەكشەرۉۉ جادىبالىن» تولتۇرۇپ، 80 مئڭ يۇاندىق چاقان سۇمماداعى ىشەنىم قارىز اقچاسىن ۅتۉندۉ. جاۋ شئياۋجۉن قابارچىعا، بۇل 80 مئڭ يۇان قارىز اقچا ۅزۉن قىيىن جاعدايدان چىعارا تۇرعانىن ايتىپ مىنداي دەدى: قارىز اقچا تۉشكۅندۅن كىيىن، نەگىزىنەن چىيكى ماتەرىيال ساتىپ الۇۇعا ىشتەتەمىن، ئجارا اقى جانا جۇمۇشچۇلاردىن ماياناسىن دا تۅلۅپ بەرەمىن.

  ۉرۉمچۉ شاارى تىيانشان رايونۇ داشئمىن، شئياۋشئمىن تىلكە رايونۇن باشقارۇۇ كومىتەتى باتىش دەموكىراتىيا جولۇ قوومدۇق قونۇشۇنۇن مۇدۇرۇ يئن مئن قابارچىعا، اپتونوم رايون جەكە سووداگەرلەردىن چاقان سۇمماداعى ىشەنىم قارىز اقچا ساياساتىن تۉزۉپ چىققاندان كىيىن، قوومدۇق قونۇش تالاپ بويۇنچا جەكە تىجاراتچىلاردىن چاقان سۇمماداعى ىشەنىم قارىز اقچا قىزماتى ئشقاناسىن قۇرۇپ، قاراشتۇۇ رايوندوقۇ جەكە تىجاراتچىلاردىن چاقان سۇمماداعى ىشەنىم قارىز اقچا ۅتۉنۉچۉن قابىلدوو، تەكشەرۉۉ جانا قارىز اقچا بەرۉۉنۉ ۉستۉنۅ العان اقچا مامىلە اپپاراتىنا كۅرسۅتۉۉ سىياقتۇۇ قىزماتتارعا اتايىن جووپتۇۇ بولعونۇن ايتىپ مىنداي دەدى: جۇعۇشتۇۇ وورۇنۇن تااسىرىنە ۇچۇراپ، ۅندۉرۉش تئجاراتى قىيىنچىلىققا جولۇققان جەكە تىجاراتچىلار، قارىز اقچا الۇۇ ويۇ بولسو، ۅندۉرۉش تئجارات شارتى جانا تىيىشتۉۉ قايتارۇۇ قۇرباتى بولسو، تارتىپكە زاكونعو مويۇن سۇنۇپ، ىشەنىمدۉۉ ۇباداسىندا تۇرا السا، باردىعى چاقان سۇمماداعى ىشەنىم قارىز اقچا ساياساتىنان باارلانا الىشات.

  بىلۉۉگۅ قاراعاندا، بۇل جولۇ تۉزۉپ چىعارعان جەكە تىجاراتچىلاردىن چاقان سۇمماداعى ىشەنىم قارىز اقچا ساياساتى، قوومدۇق قونۇش، وودان (شاار، رايون) «ەكى داراجا بىرلەشىپ تەكشەرۉۉ» تۉزۉمۉن جولعو قويعون. چاقان سۇمماداعى ىشەنىم قارىز اقچا اجاتى بار جەكە تىجاراتچىلار ۅندۉرۉش تئجارات قىلا تۇرعان جەرىنە قاراشتۇۇ قوومدۇق قونۇشقا قارىز اقچا ۅتۉنۉچۉن ورتوعو قويسو بولوت. قوومدۇق قونۇشتۇن جەكە تىجاراتچىلاردىن چاقان سۇمماداعى ىشەنىم قارىز اقچا قىزماتى ئشقاناسى بئر قىزمات كۉنۉ ىچىندە تەكشەرۉۉنۉ بۉتۉرۉپ، قارىز اقچا الۇۇ شارتىنا تولعون جەكە تىجاراتچىنى ۅز ماالىندا وودان (شاار رايون)دۇن قايرا تەكشەرۉۉسۉنۅ جولدوپ بەرەت. قوومدۇق قونۇش «ەكى داراجا بىرلەشىپ تەكشەرۉۉ» ارقىلۇۇ «جەكە تىجاراتچىلاردىن چاقان سۇمماداعى ىشەنىم قارىز اقچاسىن تەكشەرۉۉ جادىبالى»ن قارىز اقچا بەرۉۉنۉ ۉستۉنۅ العان اقچا مامىلە اپپاراتىنا تاانىشتىرىپ كۅرسۅتۅت. قارىز اقچا بەرۉۉنۉ ۉستۉنۅ العان اقچا مامىلە اپپاراتى تەكشەرىپ بەكىتۉۉ ناتىيجاسى بويۇنچا قارىز الۇۇچۇ مەنەن كەپىلگە قويبوس، كەپىل بولۇۇسۇ جوق قارىز اقچا الۇۇ توقتومۇنا قول قويۇشات، ەكى قىزمات كۉنۉ ىچىندە قارىز اقچانى تۉشۉرۉپ بەرەت. اپتونوم رايوندۇق جەرگىلىكتۉۉ اقچا مامىلەنى كۅزۅمۅلدۅپ باشقارۇۇ مەكەمەسىنىن پارتگۇرۇپپا مۉچۅسۉ، ورۇن باسار مەكەمە باشچىسى تىيان دئى مىنداي دەدى: جەكە سووداگەرلەر اقچا مامىلە اپپاراتىنا بئر جولدو چاقان سۇمماداعى ىشەنىم قارىز اقچاسىن ۅتۉنسۅ بولوت، قارىز اقچانىن سۇمماسى 80 مئڭ يۇان ىچىندە، قارىز اقچا الۇۇ مۅۅنۅتۉ 6 اي، جولعو قويۇۇ ۇباقىتى 2020- جىلى 3- ايدىن 11- كۉنۉنۅن باشتاپ 2020- جىلى 9- ايدىن 11- كۉنۉنۅ چەيىن بولوت. قارىز اقچانىن ۅسۉمۉ وقشوش مەزگىلدەگى بانكە قارىز اقچا بازارىنداعى ۅسۉم سالىشتىرماسى بويۇنچا اتقارىلات، ۅكۉمۅتتۉك مالئيادان 50 پايىزدىق ۅسۉم تولۇقتاماسى بەرىلەت. قارىز اقچا بەرۉۉنۉ ۉستۉنۅ العان اقچا مامىلە اپپاراتى قىزمات تارتئبىن جۅنۅكۅيلۅشتۉرۉپ، تەكشەرىپ تاستىقتاپ قارىز اقچا تاراتۇۇ جۉرۉشۉن تەزدەتەت، وپۇرتالدى تىزگىندۅۅ الدىنقى شارتى استىندا، قارىز اقچا تاراتۇۇ ەپكىنىن ارتتىرىپ، قارىز اقچا بەرە الۇۇ، بەرۉۉگۅ تىيشتۉۉ بولسو بەرۉۉ، تەز بەرۉۉگۅ كەپىلدىك قىلۇۇ كەرەك.

  مۅلچۅرلۅۅگۅ قاراعاندا، مىنداي ساياسات بۉت رايوندوقۇ 1 مئللىيون 470 مئڭ جەكە تئجاراتچىعا نارىپ جەتكىرىپ، بولجول مەنەن 100 مئللىيارد يۇان قارىز اقچا تاراتىلات ەكەن. اپتونوم رايومدۇق مالئيا نازاراتى 1 مئللىيارد يۇاندىق مالئيا قارجىسىن چىعارىپ ۅسۉم تولۇقتاماسىنا ىشتەتەت ەكەن. تىيان دئى مىنداي دەدى: جەكە تىجاراتچىلار -قووم ايلانىمىنىن قارماپ تۇرۇۇچۇ قىل تامىرلار، بۇل جولۇ چىعارعان ىشەنىم قارىز اقچا ساياساتى جەكە سووداگەرلەر ۉچۉن ۅلچۅپ تۉزۉلگۅن، ساياساتتى جولعو قويۇۇ ارقىلۇۇ، جەكە سووداگەرلەردىن امالدىن بارىچا جۇمۇشتۇ ۅندۉرۉشتۉ قالىبىنا كەلتىرۉۉسۉن قولدوپ، ەكونومىكا سىستەماسىنداعى قان تامىرلاردى تەزىنەن شىدىرلاشتىرىپ، جۇعۇشتۇۇ وورۇ الىپ كەلگەن زىياندى چەچكىن تۉردۅ تولۇقتاتىپ، جۇعۇشتۇۇ وورۇ كەچەندەتكەن ۇباقىتى قايتارىپ كەلتىرەت.

〖2020.03.18-18:16〗    جووپتۇ رەداكتور:ayqurek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز