ۉرۉمچۉ چوعۇلتۇۇ بوربورۇنۇن 3 مئڭىنچى جۇڭگو- ەۋروپا كەزۉۉچۉ پويۇزۇ جۉردۉ

2020-03-14 12:50

  3- ايدىن 12- كۉنۉ) تۉشكۉ ساات 12 جارىمدا، X9091 ىرەتكى كەزۉۉچۉ پويۇز جۇڭگو- ەۋروپا كەزەكچى پويۇزۇ ۉرۉمچۉ چوعۇلتۇۇ بوربورۇنان اقىرىنداپ ايدالىپ چىقتى، بۇل پويۇز قورعوس چەك اراسىنان ۅتۉپ، ۅزبەكىستاندىن بوربورۇ تاشكەنتكە بارات. بۇل داعى ۉرۉمچۉ چوعۇلتۇۇ بوربورۇ تاشىمالىعا كىرىشكەندەن بەركى جۉرگۅن 3 مئڭىنچى جۇڭگو- ەۋروپا كەزەكچى پويۇزۇ سانالات. ىستانسىيابىز قابارچىسى جئن لەيدىن قابارى نازارىڭىزداردا: 

  X9091ىرەتكى كەزۉۉچۉ پويۇز 46 ۋاگوندون قۇرالعان، وشول كۉنۉ پويۇزعا جۉكتۅلۉپ، وشول كۉنۉ چىركەپ تاشىلىپ، كىيىم- كەچە، تۉردۉۉ مالدار، مايدا ۉي- ەلەكتىر شايماندارى سىياقتۇۇ جۉكتۅر تولتۇرا باسىلىپ، بوجومول مەنەن 60 سااتتان اشۇۇن ۇباقىتتا ماراعا جەتىپ بارات. شئنجاڭ دالۇچئياۋ (توبۇ) چەكتۉۉ جووپتۇلۇق شەرىكتىگىنىن ورۇنباسار دىرەكتورۇ نان جۉندۉن تاانىشتىرۇۇسۇنچا: 3- ايدان بەرى، شئنجاڭ تەمىر جولۇ جۇعۇشتۇۇ وورۇنۇن تااسئرىن جەڭىپ، جۇڭگو- ەۋروپا كەزۉۉچۉ پويۇزۇنۇن قالىپتۇۇ جۉرۉۉسۉن بااردىق كۉچۉ مەنەن جىلىشتاتىپ، جۇڭگو جاسووچۇلۇعۇنۇن ماملەكەت ەشىگىنەن چىعۇۇسۇنا دەمۅۅر بولدۇ. ال مىنداي دەدى: «جۇعۇشتۇۇ وورۇنۇن تااسئرى الدىندا، بئز كۉتۉپ تۇرباي، سۅۅنۉپ الباي، قاردارالار مەنەن بولعون پىكىر الماشتىرۇۇ جانا بايلانىشتى دىلگىر كۉچۅتۉپ، كۅپ تۉردۉۉ فورما قولدونۇپ، ۋئدىيو، شىبىر سۅز، ەلەكتىروندۇق قات قۇرجۇنۇ سىياقتۇۇلاردى قولدونۇپ، قاردارلاردىن جۇعۇشتۇۇ وورۇ مەزگىلىندەگى قىيىنچىلىعىن چەچتىك». 

   ۇچۇردا، جۇعۇشتۇۇ وورۇنۇن الدىن الىپ تىزگىندۅۅ قىرداالىنىن سىزىل جاقشىلانۇۇسۇنا ەەرچىي، جۇڭگو- ەۋروپا كەزۉۉچۉ پويۇزۇ ۉرۉمچۉ چوعۇلتۇۇ بوربورۇ كۅزۅمۅلدۅپ باشقارعان قامپادا زاپاس ساقتوو كونتەينەرى 140 بولۇپ، جۉك مۅلچۅررۉ 3780 تونناعا جەتەت. نان جۉن مىنداي دەدى: «بئزدىن جۉك قاينارىبىز اعىپ كەتكەن جوق، كونتەينەرگە سالۇۇ، پويۇزعا جۅكتۅۅ، تاموجناعا ماالىمدوودو، بئز بااردىق كۉچۉبۉز مەنەن اتتانىپ، 24 ساات جۇمۇش ىشتەدىك». 

  جۇڭگو- ەۋروپا كەزۉۉچۉ پويۇزۇ ۉرۉمچۉ چوعۇلتۇۇ بوربورۇ 2016- جىلى 5- ايدا قۇرۇلۇپ جۉرۉشتۉرۉلگۅندۅن بەرى، جۇڭگو- ەۋروپا كەزۉۉچۉ پويۇزۇ تاشىمال ۇيۇمدووسۇن توقتووسۇز قىلداشتىرىپ، جۇڭگو- ەۋروپا كەزۉۉچۉ پويۇزۇنۇن جۉرۉۉ تەزدىگىن سىزىل جوعورۇلاتىپ، جالپى بارىشتاعى وبوروت ۅزدۉك نارقىن دىلگىر تۅمۅندۅتۉپ، شئنجاڭ ئچى- سىرتىنداعى جۉك قاينارىنىن تەزدىك مەنەن چوعۇلۇۇسۇ جانا كۅلۅمدۅشكۅن ۅنۉگۉۉسۉن ىشكە اشىردى. نان جۉن مىنداي دەدى: «2019- جىلى 21 لئنىياعا جەتىپ، 23 ماملەكەت جانا رايوندۇ قاپتادى. 2020- جىلى، بئز سىزىل تۉردۅ لئنىيا اچۇۇ جاعىندا داعى بئر دەمجىي كەڭىرتىپ، ساپات، تەزدىك اچۇۇ جاعىندا داعى بئر دەمجىي جوعورۇلاتىپ، كۅلۅم اچۇۇ جاعىندا، جىل ەتەگىنەن مۇردا 4 مئڭ كەزەكتۉۉ كۅلۅمگۅ جەتۉۉسۉن قولعو كەلتىرەبىز». 

〖2020.03.14-12:50〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز