تارىم لۇنتان 1- نومۇرلۇۇ قۇدۇعۇندا وروشون اچىلىش بولۇپ، كۉندۅلۉك چىيكى نەفىت تۉشۉمۉ 100 توننادان اشتى

2020-02-11 12:13

بىيىل جىل باشىندا، جۇڭگو نەفىت توبۇ تارىم نەفىت تالااسىنان جاقشى قابار كەلدى، توبوكەل دەپ چالعىندالعان قۇدۇق ــ لۇنتان 1- نومۇرلۇۇ قۇدۇعۇندا چوڭ اچىلىش بولدۇ، ۅلچۅۅ ارقىلۇۇ، كۉندۅلۉك نەفىت تۉشۉمۉ 100 توننادان اشىپ، تابىعئي گاز مۅلچۅرۉ 50 مئڭ كۇب مەتىردەن اشىپ، ماملەكەتىبىزدىن اشاان تەرەڭ قۇدۇقتا نەفىت گاز چالعىندوو تەحنىكاسىندا زور وزۇۇنۇن قولعو كەلتىرىلگەندىگىنەن دارەك بەردى. ەمى بۇل جۅنۉندۅگۉ قابارى:

لۇنتان 1- نومۇرلۇۇ قۇدۇعۇ كۇچار شاارى چۅلكۅمۉنۅ جايعاشقان، بۇرعۇلانعان قۇدۇقتۇن تەرەڭدىگى 8882 مەتىرگە جەتىپ، ازىيا قۇرعاقتىعى بويۇنچا 1- تەرەڭ قۇدۇق ەسەپتەلەت. 2018- جىلى 6- ايدىن 28- كۉنۉ بۇرعۇلانا باشتاعاندان بەرى، الدى- ارتى بولۇپ 7 تۉردۅ ازىيا بويۇنچا قۇدۇق بۇرعۇلوونۇن رەكورتۇن جاراتىپ، بولجولدونعون نەفىت گاز بايلىعى 3 مئلىيارت تونناعا جەتكەن. ۅلچۅۅ ارقىلۇۇ، كۉندۅلۉك نەفىت تۉشۉمۉ جۉز توننادان، تابىعئي گاز تۉشۉمۉ 50 مئڭ كۇب مەتىردەن اشقان، ال ماملەكەتتىبىزدىن جەكە قۇدۇق بويۇنچا كۉندۅلۉك ورتوچو تۉشۉم مۅلچۅرۉنۉن 60 نەچە ەسەسىنە تۇۇرا كەلەت. جۇڭگو نەفىت توبۇ تارىم نەفىت تالااسى شەرىكتىگىنىن باش دەرەكتورۇ ياڭ شۅۋىن مىنداي دەيت: «ۅلچۅۅ ارقىلۇۇ كۉندۅلۉك چىيكى نەفىت تۉشۉمۉ 133.5 كۇب مەتىرگە جەتكەن(111.7 تونناعا بارابار كەلەت)، تارىم ويدۇڭۇندا 8200 مەتىردىن استىنداعى تەرەڭ قاتماردان سۇيۇق ابالداعى نەفىت كۅمۉر سۇۇ تەگىن بايقوو، دۉينۅنۉن نەفىت چالعىنداپ اچۇۇ تارىحىندا بئرىنچى جولۇ كۅرۉلۉشۉ ەسەپتەلەت، بۇل قۇدۇقتاعى بايقوو تارىمداعى چالعىندوونۇن جاڭى قىرداالىن اچتى».

جەر شارىنىن تەرەڭ قاتمارىنا قاراي جۉرۉپ، تەرەڭ قاتمارداعى نەفىت- گاز بايلىعىن اچۇۇ، ماملەكەتىبىزدىن ەنەرگىيا قووپسۇزدۇعۇنۇن نەگىزىن بەكەمدۅۅدۅ ۅتۅ زارىل ماڭىزعا ەە. لۇنتان 1- نومۇرلۇۇ قۇدۇعۇنۇن 8200 مەتىر تەرەڭ قاتمارىندا ۅنۅر جاي نەفىت گاز اعىمىن بايقوو، 8000 مەتىر اشاان تەرەڭ قاتماردا نەفىت چالعىندوونۇن «بارسا كەلبەس لئنىياسى»ن بۇزۇپ جىبەردى. جۇڭگو نەفىت توبۇ شەرىكتىگى تارىم نەفىت چالعىندوو ىشتەرى بۅلۉمۉنۉن ورۇنباسار دىرەكتورۇ ۋاڭ چۉنشىڭ مىنداي دەدى: «ازىيا بويۇنچا 1- تەرەڭ قۇدۇقتۇن جەڭىشتۉۉ بۇرعۇلانىشى، تارىمدا اشاان تەرەڭ قۇدۇقتۇ چالعىندوو تەحنىكاسىنىن دۉينۅنۉن الدىنقى دەڭگەەلىنە جەتكەندىگىنەن دارەك بەرەت، قۇدۇق بۇرعۇلوو جابدۇۇ- تەتىكتەرى، چالعىندوو شايماندارى، قۇدۇق بۇرعولوو سۇيۇقتۇعۇ بۉتۉندۅي ماملەكەتىبىزدە ۅندۉرۉلگۅن، بۇل بئزدىن 10 مئڭ مەتىر اشاان تەرەڭ قۇدۇقتۇ بۇرعۇلوو قۇرباتىبىزدىن بار بولعونۇن تۉشۉندۉرۅت».

   لۇنتان 1- نومۇرلۇۇ قۇدۇعۇ تۇرعان تارىم نەفىت تالااسى ــ ماملەكەتىبىز قۇرعاقتىعىنداعى 3- چوڭ نەفىت تالااسى، 8000 مەتىردەن تەرەڭدە 20 دان اشۇۇن چوڭ تىپتەگى نەفىت- گاز قۇرامى بايقالدى، 2019- جىلى نەفىت- گاز ۅنۉم مۅلچۅرۉ 28 مئلىيون توننادان اشتى. ۇچۇردا، تارىم نەفىت تالااسىنىن تابىعئي گاز كۉندۅلۉك تۉشۉمۉ 86 مئلىيون كۇب مەتىردەن اشتى، انىن ىچىندە ار كۉنۉ تۉشتۉك شئنجاڭ رايونۇن 15 مئلىيون كۇب مەتىر گاز مەنەن قامداپ، تارىم ويدۇڭۇنۇن ايلاناسىنداعى 4 مئلىيون ار ۇلۇت قالقىنىن قىشتان جىلۇۇ ۅتۉۉسۉن قامتاماسىزداندىرات. 

〖2020.02.11-12:13〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز