جۇعۇشتۇۇ وورۇدان قورعونۇۇ مەنەن ۅندۉرۉش ەكۅۅنۅ تەڭ تااسئر جەتكىربەي، اپتونوم رايونۇبۇزدۇن كەرقانالارى جۇمۇشتۇ تارتىپتۉۉ قالبىنا كەلتىردى

2020-02-11 12:10

 جۇعۇشتۇۇ وورۇدان قورعونۇۇ مەنەن ۅندۉرۉش ەكۅۅنۅ تەڭ تااسئر جەتكىربەي، اپتونوم رايونۇبۇزدۇن كەرقانالارى جۇمۇشتۇ تارتىپتۉۉ قالبىنا كەلتىردى 

  اپتونوم رايونۇبۇزدۇن تۉردۉۉ ۅندۉرۉش كەرقانالارى الدىن الىپ تىزگىندۅۅ چارالارىن قاتااڭ جۉزۅلۅشتۉرۉۉ الدىنقى شارتىندا، ئش جۉزۉندۉك ابالعا نەگىز، جۇمۇش جانا ۅندۉرۉشتۉ ارت- ارتىنان قالبىنا كەلتىرىپ، ۇباقىت مەنەن جارىشىپ، جۇعۇشتۇۇ وورۇنۇن الدىن الىپ تىزگىندۅۅ، توسۇپ سوققۇ ۇرۇۇ كۉرۅشۉنۉن چەچۉۉچۉ جەڭشىن قولعو كەلتىردى. ەمى ىستانسىيابىزدىن ۇنىۋەرسال قابارى؛ 

   شئنجاڭ لى بىي ار سوودا چەكتۉۉ شەرىكتىگى ۅندۉرۉش سەحىندە، جۇمۇشچۇلار فورمالارىن كىيشىپ، ماسكە تاعىنىپ، بااردىق كۉچۉ مەنەن ماسكە، قورعونۇۇ كىيمىن ۅندۉرۉۉگۅ كىرىشتى. كەسۉۉ، تىگۉۉ، ورومولوو، تەكشەرۉۉدۅن ۅتكۅرۉۉ سىياقتۇۇ ۅندۉرۉش لئنىيالارى بىردىكتە شايكەشىپ، بۉت تەزدىگى مەنەن ۅندۉرۉپ، ار بئر القاقتىن بااردىعى تارتىپتۉۉ بولدۇ. شەرىكتىكتىن باش دىرەكتورۇ جاڭ جىيە قابارچىعا، الاردىن كۅپ تۉردۉۉ چارا قولدونۇپ جۇمۇشچۇلاردىن دەنە سالاماتتىعىن قامتاماسىزداندىرعانىن، ۇچۇردا ار كۉنۉ 50 مىڭدەن ماسكە ۅندۉرۉۉگۅ بولورۇن ايتىپ مىنداي دەدى: «بااردىعىنىن تاماق، جاتاعى ۇشۇل جەردە. ار كۉنۉ ماسكە تاراتىلىپ، باشىنا باش كىيىم كىيىپ، ار بئر كىشىنىن دەن سوولۇق ارحئبى بار. ۇباقىت بەلگىلەپ الارعا ساپات سىستەماسى كۇرسۇ الىپ بارىپ، دارىلوو شايماندارىنىن ۅلچۅمۉ بويۇنچا قالىپقا تۉشۉرۉپ ىشتەيبىز. بئزدىن پئلانىبىز مىندان ارى 100 مئڭدىك ۅندۉرۉش چەنەمىنەن وزۇپ ۅتۉۉنۉ قولعو كەلتىرۉۉ». 

  2- ايدىن 9- كۉنۉ، اقسۇ ەكونومىكا تەحنىكالىق اچىپ ۅنۉكتۉرۉۉ رايونۇندا، اقسۇ شاارى گۇاڭمئڭ سۇلياۋ كەسىبى ئلىم تەحنىكا چەكتۉۉ شەرىكتىگىنىن جۇمۇشچۇلارى ماسكە تاعىنىپ ماشئنا ماشقۇلاتىن الىپ بارىپ، بىيىلقى جازعى ايدوونۇن اجاتىنا كەرەكتۉۉ سۇلئياۋ جارعاقتى ۅندۉردۉ. جۇمۇشچۇلاردىن ۅمۉر قووپسۇزدۇعۇ جانا ۅندۉرۉشتۉن قالىپتۇۇ ايلانۇۇسۇنا كەپەلەتتىك قىلۇۇ ۉچۉن، شەرىكتىك جۇعۇشتۇۇ وورۇنۇن الدىن الىپ تىزگىندۅۅنۉن تۉردۉۉ چارلارىن قاتااڭ جۉزۅلۅشتۉرۉپ، ئش جۉزۉندۉك ابالعا بىرىكتىرىپ، جۇمۇشتاعى كىشىلەردى ىلايىقتۇۇ ورۇنداشتىرىپ، قىزمات ۇباقتى مەنەن قىزمات مۅلچۅرۉن تەسكەدى. شەرىكتىكتىن ورۇنباسار باش دىرەكتورۇ ما ۋىيجۉن مىنداي دەدى: «بئز جۇمۇشچۇلاردىن ەرتە- كەچكى جۇمۇشقا چىعۇۇ جانا جۇمۇشتان قايتۇۇ مەزگىلىندە دەنە تەمپىراتۇراسىن ۅلچۅپ، جۇمۇشچۇلارعا ماسكە تاراتىپ بەردىك، ارى قاتىشتۇۇ ەستەلىك قىزماتتارىن جاقشى ىشتەدىك. جۇمۇشچۇلارعا داعى جۇعۇشتۇۇ وورۇنۇن الدىن الىپ تىزگىندۅۅ بىلىمدەرى كۇرسۇ جانا ۉگۉتۉن الىپ بارىپ، جۇمۇشچۇلاردى ۅنۉمدۉۉ الدىن الىپ تىزگىندۅۅگۅ ەە قىلدىق. بئز ازىر بئر كۉندۅ 30 توننا ايلاناسىندا ۅندۉرۅبۉز، بئز داعى بااردىق كۉچتۉ ىشكە سالىپ، جازعى ايدوو ۅندۉرۉشۉنۉن دىيقانچىلىق سۇلئياۋ جارعاق اجاتىنا كەپەلەتتىك قىلابىز». 

  اراتۉرۉك وودانىنا جايعاشقان شئنجاڭ گۇاڭحۇي جاڭى ەنەرگىيا چەكتۉۉ شەرىكتىگى كەرقانانىن جووپتۇلۇعۇن كۉچۅتۉپ، ار بئر قىزماتچىعا ماسكە، دەزىنفىكسىيا سۇيۇقتۇعۇ سىياقتۇۇ قورعونۇۇ بۇيۇمدارىن ساتىپ الىپ بەردى. شەرىكتىك ار كۉنۉ قىزماتكەرلەردىن قىزمات رايونۇ، تۇرمۇش رايونۇ جانا كەلىپ- كەتكەن اۋتو ۇناالاردى دەزىنفىكسىيالاپ، بۉتكۉل قىزماتكەرلەرگە ماال- ماالى مەنەن دەنە تەمپەراتۇراسىن ۅلچۅتۉپ تۇرات. قىزماتكەرلەردىن تاماقتانۇۇسۇنا قاراتا ورومولوو تۉزۉمۉن جولعو قويۇپ، تۉردۉۉ تاماقتار مەنەن ماالىندا قامداپ، قووپسۇز ۅندۉرۉشتۉ قامتاماسىزداندىردى. شەرىكتىكتىن ورۇنباسار باش دەرەكتورۇ شۅ شئياۋچۉن قابارچىعا شەرىكتىكتىن 1- ايداعى مەتانول جانا سۇيۇلتۇلعان تابىعئي گاز(LNG) ۅندۉرۉۉ مۅلچۅرۉندۅ ارتۇۇ ىشكە اشىرىلعانىن ايتىپ مىنداي دەدى: «كۉچتۉ چوعۇلتۇپ ۅندۉرۉش قووپسۇزدۇعۇنا كەپىلدىك قىلىپ، 1- ايدا نەگىزىنەن 101 مئڭ توننا مەتانول، 46 مئڭ توننا LNG ۅندۉردۉك، جالپى تۉشۉم 183 مئڭ توننا بولدۇ. جۇعۇشتۇۇ وورۇنۇن الدىن الۇۇ قىزماتىندا ار كۉنۉ قىزماتكەرلەردىن دەنە تەمپەراتۇراسىن ۅلچۅپ تۇرابىز، دەزىنفىكسىيالايبىز، قىزماتكەرلەردىن رۇحۇ ماانايىنا تاقاي نازار بۇرۇپ، قووپسۇز ۅندۉرۉشتۉ قامتاماسىزداندىرۇۇ مەنەن قاتار، بئز داعى جۇعۇشتۇۇ وورۇنۇن الدىن الىپ تىزگىندۅۅ قىزماتىن تارتىپتۉۉ قامتاماسىزداندىرۇۇدابىز».

  جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇ ابالى كۅرۉلگۅندۅن بەرى ۉرۉمچۉ ەكونومىكا تەحنىكالىق اچىپ ۅنۉكتۉرۉۉ رايونۇ (توۋتۇنحى رايونۇ) 20 تۉردۉۉ ساياسات، چارا تۉزۉپ، كەرقانالاردى قايعىدان ارىلتىپ قىيىنچىلىعىن چەچىپ بەردى. ۇچۇردا قاراشتۇۇ رايوندوعۇ 16 ازىق- تۉلۉك، كۉندۅلۉك بۇيۇمدار، ەنەرگىيا، زاتتىق ماتىرىيالداردى ۅندۉرۉۉ كەرقانالارى قايرا جۇمۇش باشتادى. ۉرۉمچۉ ەكونومىكا تەحنىكالىق اچىپ ۅنۉكتۉرۉۉ رايون (توۋتۇنحى رايونۇ) دۇق ۅنۉكتۉرۉۉ ىسلاات كومىتەتى پارتگۇرۇپپاسىنىن مۉچۅسۉ، ورۇن باسار مۇدۇرۇ حاۋ جئى مىنداي دەدى: «جۇمۇشچۇلار قىزماتقا چىققاندان كىيىنكى تاماق، جاتاقتى قانداي قىلۇۇ، زاتتىق ماتىرىيالدى قانداي تاشمالدوو سىياقتۇۇلاردىن بارى بئزدىن 20 تۉردۉۉ چارابىزدا بار، كەە بئر ورتو، چاقان كەرقانالارعا قاراتا تەك بئزدىن رايوندون ئجارا الىپ ماملەكەت مەنچىگىندەگى ۅندۉرۉش مەنەن الەكتەنسە بئز بئر ايىلىق ئجارا اقىن كەچىرىم قىلابىز، ەگەردە قووپسۇز قايرا جۇمۇش قايرا ۅندۉرۉشگۅ كىرىشكەن كەرقانالار جۇعۇشتۇۇ وورۇدان قورعوونۇ ۉچۉن ئش جۉزۉندۉك ىشتەردى قىلعان بولسو بئز ەڭ جوعورۇ بولعوندو 30 پايىز، 100 مئڭ يۇاندان اشپاعان تولۇقتاما بەرەبىز، بئز رايونۇبۇزداعى كەرقانالار مەنەن چوعۇۇ قىيىن ۅتكۅلدۅن ۅتۉپ كەتۉۉبۉزگۅ ىشەنەبىز».

〖2020.02.11-12:10〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز