جاشىل اقچا مامىلە شئنجاڭ ەكونومىكاسىنىن جاشىل ۅنۉگۉۉسۉن جىلىشتاتتى

2020-02-09 11:58

   اپتونوم رايونۇبۇز جاشىل اقچا مامىلە ىسلااتىندا جاڭىلىق جاراتۇۇنۇ تۉيۉندۅ سىناق قىلۇۇ رايون قۇرۇلۇشۇن باچىمداتىپ، ار تۉردۉ اقچا مامىلە قۇرالدارىن ۇنىۋەرسال قولدونۇپ جاشىل تۉر قۇرۇلۇشۇن قولدوپ، شئنجاڭ ەكونومىكاسىنىن جاشىل ۅنۉگۉۉسۉن تۉرتمۅكتۅدۉ. بۇل جۅنۉندۅ ىستانسىيابىز قابارچىسى دئڭ شئياۋدان، رىن شئنجەنىن قابارى:

  گوۋۇيۇان بەكىتكەن جاشىل اقچا مامىلە ىسلااتىندا جاڭىلىق جاراتۇۇنۇ تۉيۉندۅ سىناق قىلۇۇ رايونۇ قاتارى- قومۇل شاارى جاقشى چۅيرۅ جاراتىپ، اقچا مامىلە اپپاراتتارىن جاشىل اقچا مامىلە اتايىن تئجارات وردۇن بەكىتۉۉ، جاشىل جول اچۇۇعا شىقتاندىرىپ، ىشەنىمدۉۉ قارىز اقچانى تەكشەرىپ تاستىقتوو تارتىبى مەنەن تەيلۅۅسۉن قىلداشتىرىپ، جاشىل چۅيرۅ قورعووچۇ تۉر قۇرۇلۇشۇن ىشتىكتۉۉ جىلىشتاتقان، جۇڭگو سوودا ۅنۅرجاي بانكەسى قومۇل بۅلۉمچۅ بانكەسىنىن ورۇن باسار باشچىسى ۋاڭ حۇي مىنداي دەدى: «بئز ماملەكەت مەنچىگىندەكى كەرقانالاردى ەل باشقارۇۇسۇنداعى كەرقانالاردىن جاڭى ەنەرگىيا تۉرۉن ساتىپ الۇۇسۇن ىشتىكتۉۉ قولدوپ، قارىز اقچا تۉشۉرۉۉنۉ ۇلاندۇۇ جاشىل ىشەنىمدۉۉ قارىز اقچانىن نەگىزگى لئنىياسى قىلىپ، جوعورۇ تەمپتۉۉ تاش جول، تەمىر جول جانا ۇچاق جايلاردى كەڭىرتىپ قۇرۇۇ تۉرۉن ىشتىكتۉۉ قولدوپ، زامانباب تەيلۅۅ كەسىبى، جاڭىدان جالچىعان كەسىپتەردىن ۅنۉگۉۉسۉنۅ تاقاي كۅڭۉل بۇرۇپ، اعارتۇۇ، دارىلوو، سالاماتتىقتى ساقتوو، جاشانعانداردى كۉتۉۉ سىياقتۇۇ باقىت كەسىپتەر مەنەن زامانباب زات جۉگۉرتۉۉ، مادانئيات ساياقات سىياقتۇۇ سالاالاردىن بۇل قارجى جۉگۉرتۉۉ اجاتىن قولدودۇق».

  جاقىنقى جىلدان بەرى، جۇڭگو سوودا ۅنۅرجاي بانكەسى قومۇل بۅلۉمچۅ بانكەسى الدى- ارتى بولۇپ قايرا پايدا بولۇۇچۇ ەنەرگىيا، تاشتاندىلاردى بئر جاڭسىل قىلۇۇ جانا بۇلعانۇۇنۇن الدىن الىپ جۅنگۅ سالۇۇ سىياقتۇۇ جاشىل تۉردۉن 53نۅ قاتىشىپ، جالپى جىيىندىسى 10 مئللىيارت يۇاندان اشۇۇن قارىز اقچا تۉشۉرگۅن. سوودا ۅنۅرجاي بانكەسىنەن سىرت، قومۇل شاارىنداعى باشقا اقچا مامىلە اپپاراتتارى داعى جاشىل اقچا مامىلە كەسىبىن ىشتىكتۉۉ جولعو قويعون، جۇڭگو ەل بانكەسى قومۇل شااردىق بوربوردۇق بۅلۉمچۅ بانكەسى تەكشەرۉۉ ىستاتىستىكالوو بۅلۉمۉنۉن باشچىسى شۉ ۋىيفىڭ مىنداي دەدى: «ۇچۇردا قۇمۇل شاارىنىن جاشىل ىشەنىمدۉۉ قارىز اقچا قالدىعى 26 مئللىيارت 300 مئللىيون يۇان بولۇپ، ەل اقچاسىنىن ار تۉردۉ قارىز اقچاسىندا ەەلەگەن سالىشتىرماسى 40.89 پايىزعا جەتىپ، ناچار سالىشتىرماسى نۅل، جاشىل ىشەنىماۉۉ قارىز اقچاسىنىن ەەلەگەن سالىشتىرماسى جانا مۉلك ساپاتى بىردەي ماملەكەتتىن ار قايسى سىناق رايوندورۇنۇن الدىندا وموقتۇۇ ورۇندا ساقتاپ، قومۇل شاارىنىن تازا ەنەرگىيا، جاشىل قاتتوو جانا ۅنۅرجايدا ەنەرگىيا ۉنۅمدۅۅ سىياقتۇۇ كەسىپتەردىن ۅنۉگۉۉسۉن ۅنۉمدۉۉ قولدودۇ». 

  جاشىل اقچا مامىلە ـــ چۅيرۅ قورعوو، ەنەرگىيا ۉنۅمدۅۅ، تازا ەنەرگىيا، جاشىل قاتتوو، جاشىل قۇرۇلۇشچۇلۇق سىياقتۇۇ سالاالاردى قامدووچۇ اقچا مامىلە تەيلۅۅسۉ. 2017- جىلى 6- ايدا، گوۋۇيۇان اپتونوم رايونۇبۇزداعى قومۇل شاارى، سانجى وبلاسى، قاراماي شاارىنان تۇرعان ۉچ جەردى جاشىل اقچا مامىلە ىسلااتىندا جاڭىلىق جاراتۇۇنۇ تۉيۉندۅ سىناق قىلۇۇ رايونۇ قىلعان. ەكى جىلدان اشۇۇن ۇباقىتتان بەرى، قومۇل شاارى، سانجى وبلاسى جانا قاراماي شاارى اقچا مامىلە قۇرالىن قولدونۇۇدا جاڭىلىق جاراتىپ، تازا ەنەرگىيا، قاتتوو تاشىمال جانا ۅنۅرجايدا ەنەرگىيا ۉنۅمدۅپ چۅيرۅ قورعوو سىياقتۇۇ سالاالاردىن جاشىل تۉرلۅرۉن كۉچۅپ قولدوعون.

 شئنجاڭ لاڭچئڭ مالچىلىق چەكتۉۉ شەرىكتىگى ـــ ۅلچۅمدۅشتۉرۉلگۅن باقماچىلىق، سۉت تۉشۉمدۅرۉنۅ ئش قوشۇۇ، ايىل-قىشتاق تىنىعۇۇ ساياقاتى، ئلىم-بئلىمدى جالپىلاشتىرۇۇ اعارتۇۇسۇن بئر تۇلقۇلاشتىرعان اپتونوم رايون داراجالۇۇ ايىل چاربانى كەسىپتەشتىرۉۉدۅكۉ تۉيۉندۉۉ باشتااق كەرقانا. شەرىكتىك شئنجاڭ سانجى ايىل-قىشتاق سوودا بانكەسى قامداعان 5 مئللىيون يۇاندىق جاشىل ىشەنىمدۉۉ قارىز قارجىسىنان نارپ الىپ، «كەرەكتۅۅچۉ، دىيقانچىلىق مايدانى، تور جانا ناقتىلۇۇ دۉكۅندۅن تۇرعان بۇيۇم ساتىپ الۇۇ جولۇ جانا تارتئبى» چوڭ بىرىمدىگىن قۇرعان. شەرىكتىكتىن ورۇن باسار باش دىرەكتورۇ جوڭ حايجىياۋ مىنداي دەدى: «كەرقانانىن ۅنۉگۉۉسۉ، قارجى اجاتى جانا ۅسۉمدۉ تۅمۅندۅتۉۉگۅ قاراتا اياباي زور جاردامى تىيدى، كەرقانانىن ۇلاندۇۇ جاشىل ايلانمالۇۇ ۅنۉگۉۉ جولۇندا الىستارعا جەتۉۉسۉن قولدودۇ». 

  2017- جىلدان بەرى، سانجى وبىلاسى جالپى 65 تۉردۉۉ جاشىل اقچا مامىلەگە ىلايىق كەلۉۉچۉ شىقتاندىرۇۇ ساياساتىن چىعارعان. مىنداعى بئر ساياساتتا: 2018- جىلدان باشتاپ ۇلاندۇۇ 5 جىل، ار جىلى 20 مئللىيوندون اتايى تۉر قارجىسىن ورۇنداشتىرىپ، جاشىل اقچا مامىلە تولۇقتاماسى، وپۇرتال تولۇقتاماسى جانا سىيلىققا ىشتەتىپ، اتايى تۉر قارجىسى جىل سايىن چوعۇلۇپ باسات دەپ بەلگىلەنگەن. وشونۇ مەنەن قاتار، سانجى وبىلاسىنداعى اقچا مامىلە اپاراتتاى جاشىل ىشەنىمدۉۉ قارىز اقچا، جاشىل زايوم، جاشىل قور، جاشىل قامسىزداندىرۇۇ قاتارلۇۇ جاقتاردان داعى جەلەلەش جاڭىلىق جاراتقان بۇيۇمدارىن چىعارىپ، كۅپ ۇيۇلداشقان تۉشۉم تەيلۅۅ سىستەماسىن قۇرۇپ چىققان. سانجى وبىلاستىق جاشىل اقچا مامىلە ئشقاناسىنىن ورۇن باسار مۇدۇرۇ جاڭ يئى مىنداي دەدى: «سانجى وبىلاسى جاشىل كەسىپ، ساياساتتىق قولدوو، تۉشۉم، ۇيۇم جانا وپۇرتالدىن الدىن الىپ تىزگىندۅۅدۅن تۇرعان 5 چوڭ سىستەمانى العاچقى ارىمدا قۇرۇپ چىعىپ، جوعورۇ ساپاتتا ۅنۉكتۉرۉۉگۅ بىرلەشتىرىپ، جاشىل ەكونومىكا نەگىزگى تۇلقۇسۇن زور كۉچ مەنەن جەتىشتىردى، 24 جاشىل اتايى تئجارات اپپاراتى اقچا ساياساتى قۇرالىن قولدونۇپ، 840 مئللىيون يۇاندىق جاشىل اقچا مامىلە مەنەن ايىل چاربانى قولدوو قارىزىن بۉتۉرۉپ، تۅمۅن ۅزدۉك نارق قارجىسى مەنەن جاشىل تۉرلۅردۉ ۅنۉكتۉرۉۉنۉ قولدووعو جەتەكتەپ، كەرقانالاردىن ۅسۉمدۉۉ قارىز چىعاشاسىنان 20 مئللىيون يۇاندان اشۇۇندۇ ازايتتىق». 

  2018- جىلى 1- ايدا، اپتونوم رايونۇبۇز بۉت ماملەكەت بويۇنچا تۇنعۇچ جاشىل تۉر قامپاسىن قۇرۇۇداعى تاجرىيبا رايونۇنا ايلانعان. 2019- جىلدىن اقىرىنا چەيىن، بۉت شئنجاڭدىن جاشىل قارىز اقچا قالدىق سۇمماسى 216 مئللىيارت 430 مئللىيون يۇان بولۇپ، بااردىق قارىز اقچا قالدىق سۇمماسىنىن 10.5 پايىزىن ەەلەگەن. جۇڭگو ەل بانكەسى ۉرۉمچۉ بوربوردۇق بۅلۉمچۅ بانكەسى اقچا مامىلە ىزىلدۅۅ باشقارماسىنىن باشچىسى حۇان جىجىيان مىنداي دەدى: «كىيىنكى ارىمدا، شئنجاڭ جاشىل اقچا مامىلە ىسلااتىندا جاڭىلىق جاراتۇۇنۇ تۉيۉندۅ سىناق قىلۇۇ رايون قۇرۇلۇشۇ ‹بئر ۅزۅك›، ‹قوش ماتور›، ‹3 چوڭ ورۇنداشتىرۇۇ› جالپى تۇلقۇلۇۇ وي جولۇ بويۇنچا، جاشىل ەكونومىكانى جەتىشتىرۉۉنۉ باچىمداتىپ، جاشىل تۉر ماالىماتى قارجى جۉگۉرتۉۉ ۅرۉشۉن جاراتىپ، جاشىل ىشەنىمدۉۉ قارىز مەنەن قولدوو ەپكىنىن داعى بئر دەمجىي اشىرىپ، جاشىل زايوم، جاشىل نارقتۇۇ چەككە ايلاندىرۇۇ، جاشىل قامسىزداندىرۇۇ، جاشىل قور، جاشىل جارناق ۇقۇعۇ قارجى جۉگۉرتۉۉ قاتارلۇۇ تۉشۉمدۅردۅ جاڭىلىق جاراتۇۇنۇ ىلىكتەپ قۇلاچ جايدىرىپ، قارجى جۉگۉرتۉۉ ارقىلۇۇ جاشىل ايىل چاربا، جاشىل ەنەرگىيا قاتارلۇۇ سالاالارداعى ىزىلدۅۅنۉ تۉيۉندۉۉ كۉچۅتۉپ، پاقتا، مۅمۅلۉۉ باق كەسىبىن زامانداشتىرىپ ۅنۉكتۉرۉۉ، جاشىل ەنەرگىيا كەرەكتۅۅسۉنۅن پايدالانۇۇ قاتارلۇۇ سالاالاردى اقچا مامىلە مەنەن قولدوو جانا قارجى جۉگۉرتۉۉ ىڭعايىندا جاڭىلىق جاراتۇۇ، ىزىلدۅۅگۅ ۉيرۉلۅبۉز».

〖2020.02.09-11:58〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز