توودون تۉشۉپ، باقتىلۇۇ تۇرمۇشقا قاراي باستى

2020-02-08 11:37

 قىزىلسۇۇ ىستانسىياسىنىن قابارچىسى حۇ ۋەيمئڭ جازعان «توودون چىعىپ، باقتىلۇۇ تۇرمۇشقا قاراي باستى» دەگەن قابارى: 

تاڭ سااردا ەلە، ۇلۇۇچات وودانى جاشووعو جايلۇۇ جەرگە كۅچۉرۉۉ بويۇنچا كەمباعالداردى جۅلۅۅ كۅچۉرۉپ ورۇنداشتىرۇۇ تۉيۉنۉ توپو قوومدۇق قونۇشۇندا، تۇرعۇن بۇرماقان اسقا ۉيۉندۅ كۅكتۅم مايرامىنىن الدىنداعى قاردارلاردىن بۇيرۇتماسىن ۉلگۉرتۉپ جاسوو مەنەن شاشىلىش بولدۇ. 2017- جىلى، ۇلۇۇچات وودانىنىن ۉچ ايىلىنداعى 136 تۉتۉن ارحئپ تۇرعۇزۇپ كارتا بۉتۉرۉلگۅن كەمباعال مالچىلار توولۇ رايوندون تولۇعۇ مەنەن وودان شاارچاسىنداعى توپو قوومدۇق قونۇشۇنا كۅچۉرۉپ كەلىنگەن، بۇرماقان اسقا ۉي- بۉلۅسۉن توو قوينۇنداعى تويۇن ايىلى سۅۅك قىشتاعىنان بۇل جەرگە كۅچۉپ كەلگەن. ۅكۉمۅتتۉن جاردامىندا، ال 81 چارچىمەتىرلىك بەيپىل قونۇشتاندىرۇۇ ۉيۉنۅ ەە بولۇپ ەلە قالباي، داعى تىكمەچىلىك كۇرسۇنا قاتتاتىپ قاتىشتى. بۇرماقان اسقا مىنداي دەيت: «ۉچ ايلىق تىكمەچىلىك كۇرسۇنا قاتىشتىم، كۇرس بۉتكۅندۅن كىيىن، مەن دوستورۇما، ۇرۇق-تۇۇعاندارىما كىيىم تىگىپ بەردىم، الار سەن جاقشى تىگەت ەكەنسىڭ، ەمنەگە دۉكۅن اچبايسىڭ؟ دەدى». 

 كۅچۉپ كەلگەن مالچىلاردىن جۇمۇشقا ورۇنداشۇۇ ماسەلەسىن چەچۉۉ ۉچۉن، ۇلۇۇچات وودانى توپو قوومدۇق قونۇشۇ 136 جۉرۉش دۉكۅن سالدى، ساتۇۇ بااسى 50 مئڭ يۇان، كۅچۉرۉلگۅن تۉتۉندۅر ۅسۉمۉنۅ تولۇقتاما بەرىلگەن قارىز اقچا سۇنۇشتاسا بولوت، ۉچ جىلعا بۅلۉپ قايتارات. 2018- جىلى 2- ايدا، بۇرماقان اسقا دۉكۅن ئجاراعا الىپ تىكمەچىلىك دۉكۅنۉن اچتى. ال مىنداي دەيت: «جاڭى ەلە باشتاعاندا اداتتاعى كىيىمدەردى تىگەت ەلەم، كىيىن دوستورۇمدان بىيىل قانداي نۇسقا، قانداي تۉس سونور ەكەنىن سۇراپ، تىكمەچىلىك كىتەبىن كۅرۉپ، ۋئدىيودون كۅرۉپ، كۅپتۅگۅن نۇسقاناداعى كىيىمدەردى ۉيرۅندۉم، سوودام بارعانسايىن جاقشىلاندى، ازىر بئر جىلدا 20، 30 مئڭ يۇان اقچا ابا الام». 

توپو قوومدۇق قونۇشۇندا داعى بئر بازار بار، كۅچۉپ كەلگەن كۅپتۅگۅن مالچىلار بۇل جەردە سوودا قىلۇۇنۇ تاندادى. مالچى ەسەن اشىم بازاردا توپوز ەتىن ساتات، پايداسى جاقشى. ال قابارچىعا مىنداي دەدى: «توپوزدۇ توودون ساتىپ الىپ كەلەبىز، بئر توپوزدون 400، 500 يۇان اقچا تابابىز، ازىر تۇرمۇشۇم جاقشى ۅتۉۉدۅ». 

توپو قوومدۇق قونۇشۇ تۇرعۇندار كومىتەتىنىن مۇدۇرۇ انۋار ياسىن مىنداي دەدى: «ۅز بىلگى دۉكۅن اچۇۇ، ۅز جەرىندە جۇمۇش ىشتۅۅ، جاقىن جەردە جۇمۇشقا ورۇنداشۇۇ ارقىلۇۇ، ازىر ار بئر تۉتۉندۅ كەم دەگەندە بىردەن كىشىنىن جۇمۇشۇ بار، تۉتۉندۅردۉن ورتوچو ارتقان كىرەشەسى 10 مئڭ يۇاندان جوعورۇ. بىيىل 5- ايدا، سالاماتتىقتى ساقتوو دوقتۇرقاناسى پئلانداپ ىشكە كىرىشتىرىلىپ، باشتالعىچ مەكتەپ داعى قۇرۇلۇش باشتوو دايىندىعىندا تۇرات، بۇل ناقتىلۇۇ چارالار ارقىلۇۇ، كۅچكۅن تۇرعۇندارعا انسايىن جاقشى بولعون قونۇشتانۇۇ چۅيرۅسۉن جاراتابىز». 

〖2020.02.08-11:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز