قوڭۇر كۉزدۅكۉ تووروق كۅرۉنۉشۉ، چار تاراپتان كەلگەن قونوقتوردۇ ەلجىرەتتى

2019-10-28 16:06

 قوڭۇر كۉزدۅگۉ 10- اي، تووروقتون ۉزۉرلۅنۉۉچۉ ەڭ قووز مەزگىل، قاشقار ايماعىنداعى مئللىيون مولۇق تووروق قابات-قابات توقوي بولۇپ، قووزدۇعۇ چار تاراپتان كەلگەن ساياقاتچىلاردى ۅزۉنۅ تارتتى. ەمى ىستانسىيابىز قابارچىسى سۇن ۋىيدىن قابارى نازارىڭىزداردا: 

 مارالباشى وودانى حوڭحاي كۅرك رايونۇنا كىرگەندە، قوڭۇر تۉستۉۉ تووروقتور بۉت ماملەكەتتىن جەر-جەرلەرىنەن كەلگەن ساياقاتچىلاردى جانا فوتو سۉرۅت كۉيارماندارىن ەلىكتىرىپ، كۅپتۅگۅن ساياقاتچىلار اپاراتتارىن الىپ چىعىپ تووروقتۇن البان تۉردۉۉ كەبەتەسىن سۉرۅتكۅ تارتىشتى. گۇاڭجوۋلۇق ساياقاتچى لۇ ۋانحۇا مىنداي دەدى: تووروق اياباي قووز ەكەن، بئز بئر قانچا تووروقتۇقا باردىق، بۇل تووروقتۇق ەڭ قووز ەكەن. ۇشۇل جەردە ەستەلىك قالتىرۇۇنۇ ويلوشتۇق، بۇل ۅمۉرۉبۉزدۅ ۅكۉنبۅيبۉز. 

 پوسكام التىن تووروق ماملەكەتتىك 5A داراجالۇۇ كۅرك رايونۇندا، قوڭۇر كۉزدۅكۉ جالبىراقتار كۅپتۅگۅن شئنجاڭدىن ئچى-سىرتىنان كەلگەن ساياقاتچىلاردى ەلىكتىرىپ، سۇۇ مەكەنى تووروقتۇعۇنۇن كۅركۉن سەزىندىرىشتى. گانسۇۇلۇق ساياقاتچى جاۋ يانشىيان مىنداي دەدى: ۇشۇل كەزدە تووروقتۇ كۅرۅ تۇرعان مەزگىل، جالبىراقتارى سارعارىپتىر، كۅك اسمان، اق بۇلۇت، كۅل سۇۇسۇ مەنەن ايقالىشىپ، اياباي قووز، ىراحات سەزىم بەرەت ەكەن. 

 پوسكام التىن تووروق ماملەكەتتىك 5A داراجالۇۇ كۅرك رايونۇندا تووروق پادىشاسى، ۇزۇن ۅمۉر كۅرۉۉ سالت-ساناا قىشتاعى، جىيدە كارىدورۇ، حۇشئن ارالى، زىيالى جاشتار، كۇنلۇن ۇقمۇش تاش سارايى سىياقتۇۇ كۅرك تۉيۉندۅرۉ بار بولۇپ، مەكەن سۉيۅردۉك تاربئياسى، ساياقاتتوو سىياقتۇۇ كۅپ تۉردۉۉ جۅندۅم بئر تۇلقۇلاشقان ۇنىۋەرسال كۅرك تۉيۉنۉ سانالات. كۅرك رايونۇن باشقارۇۇ بوربورۇنۇن مۇدۇرۇ لئى شىياۋيان مىنداي دەدى: كۅرك رايونۇبۇز ساياقاتچىلاردى داعى دا جاقشى تەيلۅۅ مەنەن قامدايت، تاماق، جاتاق، ساپارعا چىعۇۇ، ساياقاتتوو، بۇيۇم ساتىپ الۇۇ، كۅڭۉل اچۇۇدان تۇرعان 6 ەلەمەنتتى ىمەرچىكتەي، كۅرك رايون تۉشۉمدۅرۉ مەنەن قامدوونۇ داعى بئردەمجىي مولۇقتۇرۇپ، ساياقاتقا جول باشتووچۇلاردىن تۉردۉۉ تىلدە تۉشۉندۉرۉۉسۉن كۅبۅيتۅبۉز. مىندان بۅلۅك رايون ارالىعىندا قاتتوو سانىن كۅبۅيتۉپ، ۇشۇل ارقىلۇۇ ساياقاتچىلاردى داعى دا جاقشى، داعى دا وزوت تەيلۅۅ مەنەن قامدايبىز.


〖2019.10.28-16:06〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز