باش شۇجئى شئى جئنپىڭدىن ماملەكەت مايرامىن قۇتتۇقتوو چوعۇلۇشۇنداعى زارىل سۅزۉ ار ۇلۇت كادىر، قالايىق- قالىق اراسىندا سىزىل قىزۇۇ تااسئر قوزعودۇ

2019-10-03 16:10

باش شۇجئى شئى جئنپىڭدىن ماملەكەت مايرامىن قۇتتۇقتوو چوعۇلۇشۇنداعى زارىل سۅزۉ ار ۇلۇت كادىر، قالايىق- قالىق اراسىندا سىزىل قىزۇۇ تااسئر قوزعودۇ.

 باش شۇجئى شئى جئنپىڭدىن جۇڭحۇا ەل رەسپۇبىلكاسى قۇرۇلعاندىعىنىن 70 جىلدىعىن قۇتتۇقتوو چوعۇلۇشۇندا سۉيلۅگۅن زارىل سۅزۉ اپتونوم رايونۇبۇزداعى ار ۇلۇت كادىر، قالايىق- قالىق اراسىندا سىزىل قىزۇۇ تااسئر قوزعودۇ. كۅپچۉلۉك بىردەي: جاڭى تارىحىي باشتالۇۇ تۉيۉنۉندۅ تۇرۇپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن ايلاناسىنا داعىدا تىعىز ىنتىماقتاشىپ، العاچقى مۉدۅۅنۉ ۇنۇتپاي، ىيىق مىلدەتتى ەستە بەكەم ساقتاپ، جۇڭگوچو سوتسىيالىستىك شئنجاڭ قۇرۇۇ ۉچۉن داعى دا چوڭ سالىم قوشووبۇز- دەشتى. ەمى ىستانسىيابىزدىن بۇل جۅنۉندۅكۉ ۇنىۋەرسال قابارى نازارىڭىزداردا. 

 سۇنۇش مەنەن بەيجىندە ماملەكەت مايرامىنداعى پاراتتان ۅتۉۉنۉ كۅرۉۉ قىيمىلىنا قاتىشقان ۉچتۇرپان وودانى ئماملىرىم شاارچاسى ماملەكەت جالپى قولدونوتۇرعان تئل- جازۇۇ باشتالعىچ مەكتەبىنىن باشچىسى قۇربان نئياز ناق مايداندا باش شۇجئى شئى جئنپىڭدىن زارىل سۅزۉن ۇققاندان كىيىن: «چىمىرقانىپ ماملەكەتتى، شئنجاڭدى سۉيگۅن، باتىل ارقالاپ سالىم قوشوتۇرعان سوتسىيالزىم قۇرۇۇچۇلارىن جانا ئزباسارلارىن تاربئيالاپ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇسۇن ئش جۉزۉنۅ اشىرۇۇعا داعى دا كۅپ سالىم قوشۇۇعا چىمىرقانا تۇرعانىن ايتىپ مىنداي دەدى: مىندان كىيىن مەكەن سۉيۅۅردۉك تاربئياسىن، بەشتى مويوندوو تاربئياسىن، سوتسىيالىستىك ۅزۅكتۉۉ نارق قاراش تاربئياسىن كۉچۅتۉپ، مەكتەپتە داعى كۅپ جۇڭحۇنىن وزوت جۅرۅلكۅلۉۉ مادانئيات ساباعىن ورۇنداشتىرىپ، جۇڭحۇانى سۉيۉۉ ۉرۅنۉن بالداردىن جۉرۅك تۉپكۉرۉنۅ سەبەمىن». 

 باش شۇجئى شئى جئنپىڭدىن ماملەكەت مايرامىن قۇتتۇقتوو چوعۇلۇشۇنداعى زارىل سۅزۉن ۇققاندان كىيىن اپتونوم رايوندۇق پارتكوم بانگۇڭتىڭىنىن يىڭىسار وودانى سىيىتلە ايىلى قالجاق قىشتاعىندا تۇرۇشتۇۇ «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى، قىشتاق پارتئيا باش ياچايكاسىنىن شۇجئسى گۇ حۇاشئياڭ ابدان تااسىرلەنىپ مىنداي دەدى:«باش شۇجئى شئى جئنپىڭدىن سۅزۉنۅن ابدان تااسىرلەندىم. ال ‹ەلدىن قووز تۇرمۇشقا بولعون اجاتىن توقتووسۇز قاندىرۇۇنۇ› ايتىپ، بئزدىن ىلگەرلۅۅ باعىتىبىزدى داعى دا انىق كۅرسۅتۉپ بەردى، قىزمات اتىرەتىندەگىلەر پارتئيا بوربوردۇق كومىتەتتىن تالابى بويۇنچا تەرمەلبەي جاڭى دووردوعۇ پارتئيانىن شئنجاڭدى باشقارۇۇ جالپى ىقىمىن ئزچىل جۉزۅلۅشتۉرۉپ، شاڭدۇۇ تابىلعالارىبىز ارقىلۇۇ ۇلۇۇ اتا- مەكەنىبىزگە بەلەك سۇنۇشۇبۇز كەرەك». 

 اقسۇۇ شاارى بەشتۉگۉمەن ايىلى ارالەڭگەر قىشتاعىندا باش شۇجئى شئى جئنپىڭدىن زارىل سۅزۉ قىشتاق پارتئيا ياچايكا شۇجئسى ابدىرىيىم ابلاعا ابدان شىق بولدۇ. ال مىنداي دەدى:«بئزدىن ماملەكەتىبىز ابدان كۉچتۉۉ، جۇڭگودو تۅرۅلكۅندۉگۉمۅن ابدان سىيمىقتانام، اياباي ووراقتانام، نەگىزگى قاتمار كادىرى قاتارى بااردىق قىشتاق تۇرعۇندارىن جەتەكتەپ، ۇلۇتتار ىنتىماقتۇۇلۇق قىزماتىن جاقشى ىشتەپ، بااشتووقتۇق مەنەن بۉت قىشتاقتىن ار تۉردۉۉ قىزماتتارىن جاقشى ىشتەپ، قىشتاعىبىزدى داعى دا قووز، داعى دا شايكەشتۉۉ قىلىپ قۇرۇپ چىعۇۇعا اراكەت قىلام». 

 باش شۇجئى شئى جئنپىڭدىن ماملەكەت مايرامىن قۇتتۇقتوو چوعۇلۇشۇنداعى زارىل سۅزۉن استايدئل ۇققاندان كىيىن قومۇل شااردىق ۅرت ۅچۉرۉۉ قۇتقارۇۇ اتىرەتى حۇانچىڭلۇ ورتو اتىرەتىنىن بۉتكۉل مۉچۅلۅرۉ اياباي دولقۇنداندى. كۅپچۉلۉك باش شۇجئى شئى جئنپىڭدىن زارىل سۅزۉنۉن جاڭى جۇڭگو قۇرۇلعان 70جىلدان بەركى شاڭدۇۇ تابىلعاعا قايرىلىپ، جاڭى ساپاردا سىزىل كۉرۅش قىلۇۇ ۇلۇۇ چاقىرىعىن قوزعوتقونۇن تەرەڭ سەزىندى. ورتو اتىرەت ساياسئي جەتەكچىسى جۇ شوۋچىن مىنداي دەدى: «جۇڭحۇا ۇلۇتۇنۇن ۇلۇۇ گۉلدۅنۉۉسۉندۅكۉ ىيىق مىلدەتى تارىحىي مۉنۅزدۉۉ بىزدەي بئر ۇرپاق كىشىلەرىنە ارتىلعان، جاڭى دووردوعۇ ۅرت ۅچۉرۉۉ قۇتقارۇۇ اتىرەتىنىن مۉچۅسۉ قاتارى مەن ۅرت ۅچۉرۉۉ قۇتقارۇۇ ىشتەرىن تەرمەلبەي مىقتۇۇ ىشتەپ ۉلگۉ بولۇپ، چەبەر جۅندۅمدۉ جەتىشتىرىپ، ىيىق مىلدەتتى اق جۉرۅك اتقارىپ، ەلدىن ۅمۉر مال- مۉلۉك قووپسۇزدۇعۇن قورعوونۇ باش تارتقىس مىلدەت قىلىپ، بااتىردىق مەنەن كۉرۅش قىلام». 

〖2019.10.03-16:10〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200244号9  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز