جاڭىچا تااجى سىمال ۋئرۇس ۅپكۅ سەزگەنىچى ىلدەتى ۋاكسىيناسى تۉيۉندۉۉ كىشىلەر توبۇنا ەمدەلە باشتادى

2021-01-10 12:23

 جاڭىچا تااجى سىمال ۋئرۇس ۅپكۅ سەزگەنىچى ىلدەتى ۋاكسىيناسى تۉيۉندۉۉ كىشىلەر توبۇنا ەمدەلە باشتادى. وورۇنۇن الدىن الىپ تىزگىندۅۅ ادىستەرى كۅپچۉلۉكتۉ: ۋاكسىينا ەمدەتكەندەن كىيىن، دايىمدۇۇ قورعونۇۇنۇ جانا ەلە بوشوشتۇرۇۇعا بولبويتۇرعانىن ەسكەرتتى. ىستانسىيابىز قابارچىس لان تئياندىن قابارى نازارىڭىزداردا:

  اپتونوم رايوندۇق وورۇنۇن الدىن الىپ تىزگىندۅۅ بوربورۇ ئمونتەت پئلان وردۇنۇن مۇدۇرۇ دئڭ شئيوڭجىيە ازىرقى باسقىچتاعى جاڭىچا تااجى سىمال ۋئرۇس ۅپكۅ سەزگەنىچى ىلدەتى ۋاكسىيناسىن ەمدۅۅنۉن قاراتمالۇۇ جاشى 18 جاشتان 59 جاشقا چەيىن ارالىقتاعى تۉيۉندۉۉ كىشىلەر توبۇ ەكەنىن تاانىشتىرىپ مىنداي دەدى: ەمدەتكەندە قاتىشتۇۇ كۉبۅلۉكتۅردۉ مئسالى: جۅن بىلىك، پاسپورت سىياقتۇۇلاردى جانىندا الىپ جۉرۉۉ كەرەك. جەكە قورعونۇۇنۇ جاقشى ىشتەپ، ۅزۉنۉن دەن سوولۇق ابالى مەنەن ەمدۅۅدۅ تىيىم سالىنعان وورۇلار سىياقتۇۇ ماالىماتتاردى چىنىعى قامدوو كەرەك؛ ەمدەتكەندەن كىيىن 30 مئنوت الىپ قالىپ كۉزۅتۉلۅت، ۋاكسىنا ۇرۇلعان جەردىن تەرى تازالىعىن جاقشى ساقتاپ، ەمدەلگەن ورۇندۇ قول مەنەن تىرمابوو كەرەك. اراق ىچپەي، كەە بئر اچۇۇ ازىق-تۉلۉكتۅردۉ جەبەستىك كەرەك.» 

   دئڭ شئيوڭجىيە، ۇچۇردا، جاڭىچا تااجى سىمال ۋئرۇس ۅپكۅ سەزگەنىچى ىلدەتى ۋاكسىيناسىن ەمدۅۅدۅ تىيىم سالۇۇنۇ ۋاكسىينانىن تۉشۉندۉرمۅسۉ بويۇنچا اتقارۇۇ كەرەكتىگىن ايتىپ مىنداي دەدى: «تىيىم سالىنعان وورۇلار مىنا بۇلاردى قامتىيت: ۋاكسىيناعا جە ۋاكسىينا قۇرامىنا ۇچۇنۇۇچۇلار؛ ەكىنچىسى وور بولعون ۇچۇنۇۇ دەنە ساپاتىنداعىلار، مۇردا باشقا ۋاكسىينالاردى ەمدەتكەندە وور ۇچۇنۇۇ رەياكسىياسى بولعوندور، جە العاچقى جولۇ جاڭىچا تااجى سىمال ۋئرۇس ۋاكسىيناسىن ەمدەتكەندە ۇچۇنۇۇ كۅرۉلگۅندۅر. ۉچۉنچۉسۉ، نووقاستا چۇقۇل وورۇ بار جە ۅنۅكۅت وورۇسۇ چۇقۇل قارموو مەزگىلىندە بولسو، جانا تىزگىندەلبەگەن تالما وورۇسۇ بار نووقاستار مەنەن باشقا ۇلانعان مۉنۅزدۉۉ نەرىۋ سىستەماسى وورۇلارى. تۅرتۉنچۉ، ەتى ىسىپ جاتقان نووقاستار. بەشىنچى، بالا ەمىزۉۉ مەزگىلىندەگى جانا بويقات مەزگىلىندەگى ايالدار، جانا ەمدەتكەندەن كىيىن ۉچ اي ىچىندە بالالۇۇ بولۇۇ پئلانى بارلار. التىنچىسى، ازىر وورۇعان جە مۇردا تااجى سىمال ۋئرۇس ۅپكۅ سەزگەنىچى ىلدەتى وورۇسۇ بار دەپ انىقتالعان نووقاستار، وورۇ بەلگىسى بىلىنبەگەن جۇقتۇرۇپ الۇۇچۇلار. جەتىنچىسى، 14 كۉن ىچىندە باشقا اكتىپسىزدەشتىرلگەن ۋاكسىينا ەمدەتكەندەر، 28 كۉن ىچىندە باشقا ۇۇسۇ ازايتىلعان اكتىپ ۋاكسىينا ەمدەتكەندەر ۇباقتىلۇۇ كەچىكتىرىپ ەمدەتۉۉسۉ سۇنۇشتالات. 

كۅپچۉلۉك كۅڭۉل بۇرعان جاڭىچا تااجى سىمال ۋئرۇس ۋاكسىيناسىن ەمدەتكەندەن كىيىن داعى ۇلاندۇۇ ماسكە تاعۇۇ كەرەكبى جوق دەگەن ماسەلەگە قاراتمالۇۇ، دئڭ شئيوڭجىيە مىنداي بئلدىردى: «ايقىن ايتقاندا، ماسكە تاعۇۇ كەرەك. ۋاكسىينانىن ئمونتەت جەڭىشتۉۉلۉگۉ 100 پايىز ەمەس، تارالۇۇ بارىشىندا داعى از بئر بۅلۉك كىشىلەردە ۋاكسىينا ەمدەتسە داعى وورۇ كۅرۉلۉۉ مۉمكۉندۉگۉ بار. ئمونتەت قالقانىن قالىپتاشتىرباعان ابالدا، داعى سىزىل ماسكە تاعۇۇ، قولدۇ تازا قارماپ، شامال ۅتۉشتۉرۉپ، قوومدۇق بايلانىش ارالىعىن ساقتوو كەرەك. »

〖2021.01.10-12:23〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز