1- ايدىن 6- كۉنۉنۅن باشتاپ، ۉرۉمچۉ ابا جولۇ چەكتۉۉ جووپتۇۇلۇق شەرىكتىگى كىرىيە-ۉرۉمچۉ-شىنجىن ابا لئنىياسىن اچات. بۇل جۅنۉندۅ ىستانسىيابىز قابارچىسى ۋاڭ جئلوڭدۇن قابارى نازارىڭىزداردا:

　كىرىيە-ۉرۉمچۉ-شىنجىن ابا لئنىياسى ار كۉنۉ بئر كەزەك قاتتايت. بارۇۇچۇ كەزەگى ساات 16دان 55 مئنۇت ۅتكۅندۅ كىرىيە ۋانفاڭ ۇچاق جايىنان ۇچۇپ، ەرتەسى كۉنۉ ساات 1 جارىمدا شىنجىن باۋ-ان ەل ارالىق ۇچاق جايىنا جەتىپ بارات. ۉرۉمچۉ ابا جولۇ چەكتۉۉ جووپتۇۇلۇق شەرىكتىگى بازار تئجارات بۅلۉمۉ بازار تئجارات بوربورۇنۇن دىرەكتورۇ مو يوڭشىڭ مىنداي دەدى: «جاڭى ابا لئنىياسى اچىلعان العاچقى مەزگىلدە، ۉرۉمچۉ ابا جولۇ جولعو قويعون ۉرۉمچۉدۅن كىرىيەگە چەيىنكى بئر جولقۇ باجى قامتىلباعان بەلەت بااسى 320 يۇاندان باشتالات، ۉرۉمچۉدۅن شىنجىعا چەيىنكى بئر جولقۇ باجى قامتىلباعان بەلەت بااسى 800 يۇاندان باشتالعان جەڭىلدىك بەرىلگەن بەلەت».

　جاقىنقى مەزگىلدە، ۉرۉمچۉ ابا جولۇ چەكتۉۉ جووپتۇۇلۇق شەرىكتىگى قىش مەزگىلدەكى جۉرگۉنچۉلۅردۉن ساپارعا چىعۇۇ ۅزگۅچۅلۉگۉنۅ قاراتا، شىنجىن، بو-اۋ، جىڭجوۋ، جۇحاي سىياقتۇۇ تۉيۉندۉۉ رايوندوردوقۇ تاشىمال ەپكىنىن ارتتىردى. كىرىيە-ۉرۉمچۉ-شىنجىن ابا لئنىياسىنان سىرت، داعى ۉرۉمچۉ-جىڭجوۋ-بو-اۋ ابا لئنىياسىن، جىڭجوۋ-جۇحاي ابا لئنىياسىن جاڭىدان اچىپ، وشونۇ مەنەن قاتار ۉرۉمچۉدۅن شئى-ان، ۉرۉمچۉ-لانجوۋ-حىفىي ابا لئنىياسىن بئر كۉندۅ بئر قاتتام ۇچۇۇعا تىعىزداشتىرات. مو يوڭشىڭ مىنداي دەدى: «ۉرۉمچۉ ابا جولۇ داعى ۉرۉمچۉدۅن شاڭحاي، گۇاڭجوۋ سىياقتۇۇ بئرىنچى لئنىياداعى شاارلارعا بارۇۇچۇ ابا لئنىياسىن ىشتىكتۉۉ اچىپ، شئنجاڭدان ماملەكەت ىچىندەكى تۉيۉندۉۉ سوودا شاالارعا بارۇۇچۇ ابا لئنىيا تورۇن تىنباي تىعىزداشتىرىپ، تاشىمال كۉچۉن اشىرۇۇ مەنەن بازار اجاتىنىن ۅز ارا شايكەشۉۉسۉنۅ چىنىعى كەپىلدىك قىلىپ، ۅكۉمۅت سوودا ىشتەرى مەنەن بارۇۇچۇ جۉرگۉنچۉلۅردۉن ساپارعا چىعۇۇ اجاتىن قانااتتاندىرات. وشونۇ مەنەن قاتار ابا جولۇ تاشىمالىنىن شئنجاڭدىن ساياقاتىن قالىبىنا كەلتىرۉۉ، ەكونومىكا ارتۇۇسۇنا بولعون تۉرتمۅكتۅۅ رولۇن كۅرسۅتۉپ، شئنجاڭدىن سىرتقا قاراتىلعان الماشۇۇ ۅنۉكتۉرۉۉ مەيكىندىك جولۇن تۇتاشتىرات».