جاڭى جىلدىق ەس الۇۇدا، ۉرۉمچۉ شاارىنىن كەرەكتۅۅ بازارىنىن قامدوو جانا ساتۇۇسۇ تەڭ ابدان قىزىدى

2021-01-05 11:21

  جاڭى جىلدىق ەس الۇۇدا، ۉرۉمچۉ شاارىنىن كەرەكتۅۅ بازارىنىن قامدوو جانا ساتۇۇسۇ تەڭ ابدان قىزىدى. ەمى ىستانسيابىز قابارچىسى رىن شئنجەنىن قابارى نازارىڭىزداردا:

  ـــ ازىرقى قىيمىلىبىزدى بئلىپ الىڭىز، ەكى بوتولكەسى 16 جارىم يۇان، مۇرداعى بااسىندا بئر بوتەلكەسى 19 يۇان 90 تىيىن ەلە، ازىر اياباي ارزان......

 1- ايدىن 3- كۉنۉ تۉشتۅن مۇردا ساات 11 دە، قابارچى ايجئيا تاندا بازارىنىن نانمىن دۉكۅنۉنۅ بارىپ، مايدا ازىق- تۉلۉكتۅر، مۅمۅ-جاشىلچا، چاچ جۇۇش سۇيۇقتۇعۇ سىياقتۇۇ تۉردۉۉ توۋارلاردى ساتۇۇنۇ ىلگەرى سۉرۉۉ قىيمىلى قۇلاچ جايدىرىلىپ، كەرەكتۅۅچۉلۅردۉ ساتىپ الۇۇعا تارتقانىن كۅردۉ. شاار تۇرعۇنۇ لئى لئى مىنداي دەدى: ازىرقى جەڭىلدىك بەرۉۉ ەپكىنى ابدان زور، تۇرمۇشتۇق بۇيۇمدار جانا كەرەكتۉۉ بۇيۇمداردىن بااسى تۉشۉرۉلۉپتۉر، داعى كەە بىرۅۅلۅرۉن بئردى ساتىپ الساڭ بىرۅۅن بەلەك قىلىپ بەرەت ەكەن، اياباي ارزان دەسەك بولوت، ۉيگۅ بەلەندەپ قويويۇن دەپ قىيلا ساتىپ الدىم.

 شئنجاڭ ايجئيا تاندا بازارى توبۇ چەكتۉۉ شەرىكتىگى تئجارات جۉرگۉزۉۉ بۅلۉمۉنۉن باشقى كۅزۅمۅلدۅۅچۉسۉ شۅ جئياڭپىڭ قابارچىعا مىنداي دەدى: ىنتەرنەت سوودا سارايىندا ىلدام ساتۇۇ، دوۋيىن تۉز بايانىندا تاانىشتىرىپ ساتۇۇ، ىنتەرنەتسىز ىڭعايداعى تاندا بازارىندا مۉچۅ بولعون قىردارلاردىن اشاان جوعورۇ داراجاداعى الماشتىرىپ ساتىپ الۇۇسۇ، چوڭ سۇمماداعى كەرەكتۅۅ ۅلچۅمۉنۅ تولسو تولۇقتاما بەرۉۉ سىياقتۇۇ قىيمىلدار ارقىلۇۇ كەرەكتۅۅ كۅمۉسكۅ كۉچۉن قوزعوتتۇق. قاراپايىم قالق كۅڭۉل بۅلگۅن بئر قاتار توۋارلاردىن بااسىن تۉشۉرۉۉگۅ قاراتا، مۉچۅلۅر جىينالما ۇپايى نارقىنان اشسا توۋارعا الماشتىرۇۇ قىيمىلىن قۇلاچ جايدىرىپ، قاراپايىم قالقتىن قاتىشۇۇ داراجاسى اياباي جوعورۇ بولدۇ، جاڭى جىلدىق ەس الۇۇدا ايجئيا تاندا بازارىنىن ۉرۉمچۉدۅگۉ ار قايسى دۉكۅندۅرۉنۉن ساتۇۇ سۇمماسى 2 مئلىيون 600 مئڭ يۇاندان اشىپ، بىيىلقى جاڭى جىلدا جاقشى باشتالىش بولدۇ.

 بەيجىن جولۇ حۇيجئيا دوور بۇيۇم ساتىپ الۇۇ بوربورۇ جەڭىلدىك بەرۉۉ ەپكىنىن ارتتىرۇۇ، بۇيۇم ساتىپ الۇۇ تەيلۅۅسۉنۉن ساپاتىن جوعورۇ كۅتۅرۉۉ سىياقتۇۇ ىڭعايلار ارقىلۇۇ، 1- ايدىن 1- ، 2- كۉنۉندۅگۉ ەكى كۉندۅ ساتۇۇ سۇمماسى 16 مئلىيون يۇانعا جەتتى. بۇيۇم ساتىپ الۇۇ بوربورۇنۇن باشقى دەرەكتورۇنۇن ورۇنباسارى پىڭ لئى مىنداي دەدى: جاڭى جىلدىق ەس الۇۇدا 512 دۉكۅنۉبۉزدۉن باردىعىندا قىيمىل الىپ بارىلدى، بئز جوعورۇ ەسەدەگى ۇپاي توپتوو، مۉچۅلۅردۉن ناقاي اقچا بەلەتى، چۉچۉ قۇلاق تارتۇۇ، اقىسىز ماشئنا توقتوتۇۇ بەلەتىن بەرۉۉ سىياقتۇۇ قىيمىلداردى قۇلاچ جايدىردىق، ارزانداتۇۇ ەپكىنى قىيلا زور بولدۇ.

  جاڭى جىلدىق مايرام مەزگىلىندە، سۇنئڭ يئگوۋ ىنتەرنەت+ ناقتىلۇۇ دۉكۅن بويۇنچا چەكەنە ساتۇۇ ارتىقچىلىعىن تولۇق كۅرسۅتۉپ، ۉي ەلەكتىر شايماندارىن ساتىپ السا تولۇقتاما بەرۉۉ جانا ۉي ەلەكتىر شايماندارىن ايىلدارعا تۉشۉرۉۉ بويۇنچا تولۇقتاما بەرۉۉنۉ سىزىل قۇلاچ جايدىرىپ، ىنتەرنەتتە جانا ىنتەرنەتسىز ىڭعايدا كۅپ تۉردۉۉ ساتۇۇنۇ ىلگەرى سۉرۉپ جەڭىلدىك بەرۉۉ قىيمىلدارىن قۇلاچ جايدىردى، شئنجاڭ سۇنئڭ يئگوۋ سوودا چەكتۉۉ شەرىكتىگىنىن تئجارات جۉرگۉزۉۉ بويۇنچا باشقى كۅزۅمۅلدۅۅچۉسۉ سوڭ شۇانلئى قابارچىعا: بىلتىرقى وقشوش مەزگىلدەگى مەنەن سالىشتىرعاندا، ۉرۉمچۉ شاارىندا ىنتەرنەتسىز ىڭعايدا ساتۇۇچۇ دۉكۅندۅرۉنۉن زاكاس قابىلدوو مۅلچۅرۉ ٪60 جوعورۇلاعانىن ايتىپ مىنداي دەدى: جاڭى جىلدىق ەس الۇۇ مەزگىلىندە كەرەكتۅۅ بويۇنچا تولۇقتاما بەلەتىن بەرۉۉ قىيمىلىن الىپ بارىپ، جەكە ساتىپ العان بااسى 3000 يۇان بولسو 200 يۇان تولۇقتاما بەردىك، 5000 يۇان بولسو 300 يۇان تولۇقتاما بەردىك، بئز ەسكىسىن جاڭىسىنا الماشتىرۇۇ قىيمىلىن الىپ باردىق، داعى وشوعو شاي بولعون تەلەگەيلەشكەن قىيمىلدار بار، بىيىل چۅنتۅك تەلەفون تۉرۉندۅگۉ، مۇزداتقىچ ساندىق، سۇۇ جىلىتقىچتاردىن جاڭى جىلدىق ەس الۇۇ كەزىندەگى ساتىلۇۇسۇ ابدان جاقشى بولدۇ، 1- ايدىن 1- كۉنۉنۅن 3- كۉنۉنۅ چەيىن، نەگىزىنەن ار كۉنۉ ٪80 ايلاناسىندا ارتۇۇدا، بئز توۋارلاردى الدىن دايىنداپ العانبىز، كەرەكتۅۅچۉلۅردۉن ساتىپ الۇۇ اجاتىن قاناتتاندىرا الابىز.

〖2021.01.05-11:21〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز