شئنجاڭداعى 32 كەمباعال ووداندىن باارى كەمباعالدىق اتىن الىپ سالىپ، مۉلدۅ كەمباعالدىق ماسەلەسى تارىحى مۉنۅزدۉۉ چەچىلدى

2021-01-02 11:00

 2020- جىلى، شئنجاڭداعى 32 كەمباعال ووداندىن باارى كەمباعالدىق اتىن الىپ سالىپ، مۉلدۅ كەمباعالدىق ماسەلەسى تارىحى مۉنۅزدۉۉ چەچىلدى. بۇل ناتىيجانىن قولعو كەلۉۉسۉ نەگىزگى قاتمار بئرىنچى چەبىندەكى ار داراجالۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى، شئنجاڭعا نئشااندۇۇ جاردام بەرۉۉ كادىرلارى، قىشتاق كادىرلارى بۉت سەزىمىن ارنووسۇنان ايرىلا البايت. ەمى ىستانسىيابىز قابارچىلارى شىن روڭپئڭ، لئى حۇا، لئيۇ چىياڭ، لئى ۋىي جازعان: «الدۇۇ قووم جولۇندا بىرۅۅ داعى كەم بولسو بولبويت» اتتۇۇ قابارى نازارىڭىزداردا:

  ـــ سالاماتسىزبى، جاڭى جىلىڭىز قۇتتۇۇ بولسۇن، بۉگۉن 2021- جىلدىن 1- كۉنۉ، بئز `ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ قىزمات اتىرەتى، قىشتاق پارتئيا ياچەيكاسى اتىنان سىزدەن ال سۇراعالى كەلدىك. دەن سوولۇعۇڭۇز قانداي؟

  ـــ جاقشى ەلە! جاڭى جىلىڭار قۇتتۇۇ بولسۇن، ىراقمات.

  جاڭى جىل كۉنۉ ساار مەنەن، قۇلجا سالاماتتىقتى ساقتوو مەكتەبىنىن چاپچال شىبە اپتونوم وودانى چاپچال شاارچاسى ۇزۇنبۇلاق دىيقانچىلىق قىشتاعى قوومدۇق قونۇشۇندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى، بئرىنچى شۇجئسى باۋدۇن مەمەت اتىرەت مۉچۅلۅرۉ مەنەن چوعۇۇ بەلەكتەرىن الىپ قوومدۇق قونۇشتاعى قارت پارتئيا مۉچۅسۉ، 66 جاشتۇۇ قىشتاق تۇرعۇنۇ داۋلەتباي الىكتىن ۉيۉنۅ بارىپ ال سۇراپ، جاڭى جىلدىق باقىت تىلەپ، قارىيانىن ووزۇ قۇلاعىنا جەتتى. قوومدۇق قونۇشتا تۇرعان 3 جىلدان بەرى، باۋدۇن مەمەت قىزمات اتىرەتىن جەتەكتەپ تۉر قارجىلارىن دىلگىر قولعو كەلتىرىپ، قوومدۇق قونۇشتۇن نەگىزگى جابدۇۇلارىن جاقشىرتىپ، ايىل چاربا سوودا بازارى، كەچكى بازار قاتارلۇۇلاردى سالىپ، 1059 ادامدى ەشىك الدىندا جۇمۇشقا ورۇنداشتىرۇۇعا جاردام بەردى. باۋدۇن مەمەت مىنداي دەدى: «2020- جىلى بۉت قىشتاقتىن كىشى باشىندىق كىرەشەسى 18 مئڭ 670 يۇانعا جەتىپ، 1500 يۇان كۅبۅيدۉ. 2021- جىلى ايىل-قىشتاقتاردى گۉلدۅنتۉۉ، كەسىپتەردى ۅنۉكتۉرۉۉ جاعىن ىمەرچىكتەي تۉرلۅردۉ كۅبۉرۅۅك ىشتەپ، الاردىن قۇرباتىن جوعورۇلاتىپ، الاردى جۇمۇشقا ورۇنداشتىرۇۇنۇ جىلىشتاتابىز. چۅيرۅ قورعوو جاعىندا ەپكىندى اشىرىپ، گۉل، چۅپ، داراق ۅستۉرۉپ، چۅيرۅنۉ جاقشىلاپ، ەلدىك قونولعو ساياقاتىن جاقشى شارت مەنەن قامداپ، الاردىن كىرەشەسىن جوعورۇلاتابىز.»

  ـــ بۇل بئز قۇرعان چاربا جاراتۇۇ زاۋوتۇبۇز(دۉكۅن)، جالپى 12 ووزعو بۅلۉنۉپ ئجاراعا بەرىلەت، ازىر ۇي ەتى كەسمەقاناسى، دارىقانا، تورت دۉكۅنۉ بار...

 جاڭى جىلدىن بئرىنچى كۉنۉ، بەيجىن شاارىنىن شئنجاڭعا جاردام بەرگەن كادىرى، حوتەن شاارى تۇشالا شاارچاسىنىن پارتكوم ورۇن باسار شۇجئسى لئى يەن ەس الباي، داعى ەلە تۇشالا شاارچاسى باقىت قىشتاعىنداعى چاربا جاراتۇۇ زاۋوتۇندا قىزماتتارعا جەتەكچىلىك قىلىپ جاتتى. 2020- جىلى، 2 مئللىيون يۇاندىق شئنجاڭعا جاردام بەرۉۉ قارجىسىنىن قولدووسۇندا قۇرۇلعان چاربا جاراتۇۇ زاۋوتۇ حوتەن شاارى رايونۇنان ۇچاق جايعا بارىپ كەلۉۉدۅ سۅزسۉز ۅتۅ تۇرعان جولعو جايعاشقان، زاۋوتتو 12 ووز دۉكۅن بار بولۇپ، قۇرۇلۇپ بۉتكۅندۅن كىيىن داروو تالاشىپ ئجاراعا الىشقان. 2020- جىلى چاربا جاراتۇۇ زاۋوتۇ باقىت قىشتاعى ۉچۉن 657 مئڭ يۇان كوللەكتىپ كىرىم الىپ كەلگەن. لئى يەن مىنداي دەدى: «بئرىنچى تۉركۉمدۅكۉ ايىل شاارچاعا كەلگەن شئنجاڭعا جاردام بەرۉۉچۉ كادىر قاتارى، بئزدىن 2021- جىلقى قىزمات پىلانىبىز نەگىزىنەن كەمباعالدىقتان ارىلتۇۇ چابۇۇلۇنۇن جەتىشكەندىگىن بەكەمدەپ، ايىل قىشتاقتى كۉلدۅنتۉۉ ىستىراتەگىياسىن جۉزۅلۅشتۉرۉۉنۉ جاقشى ىشتەيبىز. ارتقا جاقتاعى بەيجىن ايىل چاربا داشۅسۉ، ايىل چاربا ىلىمدەر اكادەمىياسى سىياقتۇۇ ورۇندار مەنەن قىزماتتاشابىز، مەن شئنجاڭعا جاردام بەرگەن ۉچ جىلدا ۅزۉمدۉن چىمىرقانۇۇم ارقىلۇۇ حوتەن تۇشالا شاارچاسىنداعى قاراپايىم ەلگە شئنجاڭعا جاردام بەرگەن كادىرلار الىپ كەلگەن ۅزگۅرۉۉلۅردۉ چىنىعى سەزىندىرۉۉنۉ ۉمۉت قىلامىن».

  ـــ بىيىل سىلەر ۇي، قوي ساتىپ الۇۇنۇ ويلوشۇپ جاتقان ەلەڭەرعو، مەن جاقتا باقماچى چوڭ تۉتۉندۅر باققان جاقشىلارى بار، مەن ازىر الاردىن تەلەفون نومۇرۇ، شىبىر سۅزۉن ساعا بەرەيىن، دىيقانچىلىقتىن بوش ۇباقىتىنان پايدالانىپ، ايرىم تەحنىكالاردى ۉيرۅنگۉن.

  ـــ بولوت، بولوت، شۇجئى، ىراقمات سىزگە، ۅزۉمدا تەحنىكا ۉيرۅنۉۉنۉ ويلوپ جاتقام. 

  جاڭى جىلدىن بئرىنچى كۉنۉ، جەركەن وودانى ىشقۇل ايىلى تۇگمەنبىشى قىشتاعىنىن پارتئيا ياچايكا شۇجئسى ابۇلىمىت ياسىن ەرتەلەپ قىشتاق تۇرعۇنۇ باحتىگۉل مامۇتتۇن ۉيۉنۅ بارىپ، انى مەنەن بىردىكتە جاڭى بئر جىلداعى ۅنۉگۉۉ پىلاندارىن تۉزۉشتۉ. قىشتاق كادىرلارىنىن جاردامىندا، 2020- جىلى باحتىگۉل مامۇت قىشتاقتاعى بالدار باقچاسىنا كىرىپ بالا باعۇۇچۇ بولعون، اعاسى قىشتاقتاعى ازىقتىق مايعا ئش قوشۇۇ زاۋوتۇنا كىرىپ ىشتەپ، ۉيۉنۅ داعى قوون، سەبدە گۉل، بادام سىياقتۇۇ ۅزگۅچۅ ەگىندەردى ۅستۉرگۅن. 2020- جىلقى باحتىگۉل مامۇتتۇن ۉي-بۉلۅسۉنۉن كىشى باشىندىق جىلدىق ورتوچو كىرەشەسى 10 مئڭ يۇاندان اشقان. ابلىمىت مامۇت قابارچىعا مىنداي دەدى: «2021- جىلى، بئز كەمباعالداردى جۅلۅپ كۉزۅتۉپ تەكشەرۉۉنۉ جاقشى ىشتەپ، دايىمدۇۇلاشقان قىزمات مەحانىزىمىن قۇرۇپ، قالقتىن قىيىنچىلىعىن ماالىندا بايقاپ جانا شايكەشتىرىپ چەچىپ بەرەبىز. قىشتاق تۇرعۇندارىن ار تۉردۉ جۅندۅم تاربئيالووسۇنا ىشتىكتۉۉ قاتىشۇۇعا ۇيۇمداشتىرىپ، ۅز بىلگى چاربا جاراتۇۇعا شىقتاندىرىپ، وودان ىچىندە جانا ايلاناداعى كەرقانالار مەنەن سۉيلۅشۉپ بايلانىش جاسوونۇ كۉچۅتۉپ، جاقىن جەدە جۇمۇشتانۇۇ وردۇن كەڭىرتىپ، قالققا پارتئيانىن جىلۇۇلۇعۇن ار ۇباقىت سەزىندىرىپ، الدۇۇ قووم جولۇندا بىرۅۅسۉن دا قالتىربايبىز».

    

〖2021.01.02-11:00〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز