كەرەك بولسو، مەن سۅزسۉز چىعام

2021-01-01 12:52

 2020- جىل ۅزگۅچۅ بئر جىل بولدۇ. قاپىسىنان كەلگەن جاڭىچا تااجى سىمال ۋئروس ۅپكۅ سەزگەنچى ىلدەتىنە قاراتا، ادىلەت جولۇنان قايتباعان ار بئر ەلەستەر، ار بئر جولقۇ قول قارماشقان كۉچتۉ ۇلاعان، ار بئر ادامدى تااسىرلەندىرگەن كۅرۉنۉشتۅر، ىلدەتكە قارشى تۇرۇۇنۇن ۇلۇۇ رۇحۇن جاندۇۇ ايگەنەلەدى. 2020- جىلى 12- ايدىن 31- كۉنۉ، قابارچىلارىبىز ىلدەتكە قارشى تۇرۇۇعا قاتىشقان دوقتۇر، قوومدۇق قونۇش قىزماتكەرلەرى جانا ىقتىيارچىلاردى اتايى زىياراتتادى. ىستانسىيابىز قابارچىلارى لان تئيان، دئڭ شئياۋدان، چئيۇ جئن جازعان «كەرەك بولسو مەن سۅزسۉز چىعام» اتتۇۇ اقپاراتتىق وچەرىك نازارىڭىزداردا:

  -«قابارچى: بۉگۉنكۉ قۇۇرۇمالار قانداي ەكەن؟ يۇان گوفۇ: قىش بولسودا قىيلا مول بولۇپتۇر. تىگىل تىيەگۇن كۉيمۅك گۉل....»

   2020- جىلى 12- ايدىن 31- كۉنۉ ساارقى ساات 6دا، ۉرۉمچۉ شاارى شئنلىيان ايىل چاربا قوشۇمچا تۉشۉمدۅرۉن دۉڭ تاراتۇۇ بازارىندا، ۉرۉمچۉ شاارى شاڭدىيۇان قونۇشۇنداعى مۅمۅ-چۅمۅ دۉكۅنۉنۉن ەەسى يۇان گوفۇ جانا ۇۇلۇ يۇان شۉدوڭ جاشاڭ جاشىلچا، مۅمۅ چۅمۅ ساتىپ الدى. جاڭى جىل جاقىنداشقاندىقتان، كەلىپ زات دايىندووچۇ سووداگەرلەر از بولبودۇ، اتا-بالا ەكۅۅ دەمەيدەكىدەن اتايى 1 ساات مۇرۇن كەلىپ، جاشاڭ ساپاتتۇۇ جاشىلچا، مۅمۅ چۅمۅ ساتىپ الۇۇعا چىنىعى كەپەلەتتىك قىلدى. 2020- جىلى 7- ايدا ۉرۉمچۉ شاارىندا جاڭىچا تااجى سىمال ۋئروس ۅپكۅ سەزگەنچى ىلدەتى جاڭىدان تاراعاندا، قوومدۇق قونۇش جابىق ىڭعايدا باشقارۇۇنۇ جولعو قويۇپ، يۇان گوفۇ قوومدۇق قونۇش كادىرىنىن جاردامداشىپ شايكەشتىرۉۉسۉندۅ 4 توننا جاشاڭ جاشىلچا الىپ كەلىپ، ۇۇلۇ يۇان شۉدوڭ جانا قوومدۇق قونۇش قىزماتكەلەرى، ىقتىيارچىلار مەنەن جاانعا قاراباستان تۉن قاتىپ مئڭ قانچا باشتتىققا سالىپ تۇرعۇندارعا اقىسىز جەتكىرىپ بەرگەن. يۇان گوفۇ مىنداي دەدى: «ىلدەت مەزگىلىندە ەڭ كىچىنەكەي كۉچۉبۉز مەنەن كۅپچۉلۉككۅ جووپ قايتاردىق. 2021- جىلى ماملەكەتىبىزدىن داعىدا كۉچتۅنۉۉسۉن، ارى سوودابىزدىن داعىدا جاقشى بولۇۇسۇن ۉمۉت قىلام.»

   2020- جىلى 12- ايدىن 31- كۉنۉ كەچ ساات 19دان 30 مئنۇت ۅتكۅندۅ، قىزماتتى ەمى ەلە ۅتكۅرۉپ بەرىپ ۉيۉنۅ قايتقان اپتونوم رايوندۇق ەل دوقتۇرقاناسى جۇعۇشتۇۇ وورۇلار بۅلۉمۉنۉن دوقتۇرۇ چاڭ سايحۇا ۉيۉندۅكۉلۅر مەنەن ۉستۅلگۅ تەگەرەكباي سالىپ ولتۇرۇپ، دامدۇۇ قۇۇرۇمالاردان تاتىپ، جاڭى جىلدى توسۇپ الدى. بۇل بئر ۉستۅل تاماقتى قايىن ەنەسى ۋاڭ جىيانمىي اتايى ال ۉچۉن جاساعان. ۋاڭ جىيانمىي مىنداي دەدى: «سايحۇا ىشتەيت، جاڭى جىلدىن 1- كۉنۉ ۉيدۅ بولو البايت، وشوعو كەچتە چوعۇۇ تاماقتانالى دەدىك.»

  -«2020- جىلى ۉيدۅكۉلۅردۉن ماعا كۅرسۅتكۅن جاردامىنا جانا قولدووسۇنا ىراقمات، 2021- جىلى `ۇي` جىلىندا جاقشى ۅزگۅرۉۉلۅردۉن بولۇۇسۇن ۉمۉت قىلام، جاڭى جىل قۇتتۇۇ بولسۇن! ۅرگۅ»

   2020- جىلى 2- ايدىن 9- كۉنۉ چاڭ سايحۇا گۉيۅۅسۉ ۋاڭ چۇان مەنەن ۉيلۅنۉۉ تويۇ كۉنۉ ەلە، جاڭىچا تااجى سىمال ۋئروس ۅپكۅ سەزگەنچى ىلدەتى ايىنان، چاڭ سايحۇا شئنجاڭدىن 3- تۉركۉمدۅكۉ حۇبەيگە جاردام بەرۉۉ دارىلوو اتىرەتىنىن مۉچۅسۉ قاتارى ۋۇحانعا بارعان. قايتىپ كەلگەندەن كىيىن، چاڭ سايحۇا گۉيۅۅسۉ مەنەن ۉيلۅنۉۉ ۉلپۅتۉن 8- ايدىن 9- كۉنۉنۅ ۅزگۅرتكۅن. ال ەمى 7- ايدىن ورتوسۇندا، ۉرۉمچۉ شاارىندا جاڭىچا تااجى سىمال ۋئروس ۅپكۅ سەزگەنچى ىلدەتى تاراعاندان كىيىن، ال داعى بئر جولۇ ىلدەت مەنەن كۉرۅشۉۉ جولۇنا اتتانعان. چاڭ سايحۇا مىنداي دەدى: «بۉت ماملەكەتتىن جەر-جەرلەرىندە كۅپچۉلۉك قايراتتان سەپىل سالدى، قىزمات جاپاالۇۇ بولسو دا، كۅپچۉلۉك كۉچتۉ بئر جەرگە ىشتەتتى، ورتوق نئشاان بار، تاقتاپ ايتقاندا ىلدەتتى ەرتەرەەك جەڭۉۉ. مىندان كىيىن مەدىتسىينا جولۇندا، تەك نووقاستار كەرەك بولسو دەلە، سۅزسۉز چىعام. 2021- جىلى، ماالىندا، وشول ورۇندا ۉيلۅنۉۉ ۉلپۅتۉمدۉ ۅتكۅرۉۉنۉ ۉمۉت قىلام.»

   كۅركۅم چىراق نۇرلارى جارىپ، كۅپتۅگۅن ۉي-بۉلۅۅلۅردۉن چوعۇلۇشۇ داعى ەلە ۇلانۇۇدا، بئروق داعى كۅپتۅگۅن كىشىلەر داعىدا كۅپتۅگۅن ۉي-بۉلۅۅنۉن بەيپىلدىگى باقتىن بەكەم قايتارۇۇدا.

  ــــ چئيوڭ ەجە، داعى ەلە قاربالاس بولۇپ جۉرۅسۉزبۉ؟

   ـــ جوق، قولۇمدا داعى بئر قوومدۇق قونۇشتۇقۇ بار قورتۇندۇلوو كەرەك، قورتۇندۇلاپ بولسوم ەلە قايتام....

   2020- جىلى 12- ايدىن 31- كۉنۉ ساات 21دەن اشقاندا، ۉرۉمچۉ شاارى تئيانشان رايونۇ باقىت جولۇ تىلكە رايونۇن باشقارۇۇ كومىتەتىندە، «90- جىلداردان كىيىن تۅرۅلگۅن» كادىر ۋۇ چئيوڭ قىزماتتاشتارى مەنەن قاربالاس بولدۇ. ۉرۉمچۉدۅ جاڭىچا تااجى سىمال ۋئروس ۅپكۅ سەزگەنچى ىلدەتى جاڭىدان تاراعاندا، قوومدۇق قونۇشتۇن بئر جولقۇ ۅزۅك كىسلاتاسىن الۇۇ اقىرلاشقاندان كىيىن، قورعونۇۇ كىيىمىن كىيگەن ۋۇ چئيوڭ 90 جاشتۇۇ قارىيانى كۅتۅرۉپ انى ۉيۉنۅ اپارىپ قويعون ۋىدىيو توردو جارىيالانعاندان كىيىن كۅپتۅگۅن توردوستور القىش ايتقان. بئر توردوس مىنداي باار بەرگەن: ال كۅتۅرۉپ چاچىن اق باسقان قارىيانىن دەنەسى ەلە بولۇپ قالباي، نەگىزگى قاتمار قىزماتكەرلەرىنىن تۇرعۇندارعا دەگەن جان جاقتىلۇۇ قامقوردۇعۇ جانا ىينىندەكى وور جووپكەرچىلىگى. ۋۇ چئيوڭ قابارچىعا مىنداي دەدى: «2020- جىلى اياباي قاربالاس بولدۇق، ۉيدۅ تۇرعاندان قىزمات وردۇبۇزدا تۇرعان ۇباقتىبىز ۇزۇن بولدۇ، بئروق تۇرعۇنداردىن مويۇندووسۇنا ەە بولۇۇ، مەن ۉچۉن ەڭ چوڭ تابىلعا ەسەپتەلەت. جاڭى جىلدا ۅز قىزماتىمدى جاقشى ىشتەپ، العاچقى مۉدۅۅنۉ ۇنۇتپاي، ەڭ قووز جاشتىعىمدى نەگىزگى قاتمارعا ارنايىم، ارى كۅپچۉلۉكتۉن جاڭى جىلدا تىنچ امان دەنىنىن سوو بولۇۇسۇن ۉمۉت قىلام.»؛

〖2021.01.01-12:52〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز