اپتونوم رايونۇبۇز ايىل- قىشتاق ەلەكتىر تور نەگىزگى جابدۇۇسۇ قىسقالىقتارىن باچىم تولۇقتادى

2020-12-28 11:48

 اپتونوم رايونۇبۇز ايىل- قىشتاق ەلەكتىر تور نەگىزگى جابدۇۇسۇ قىسقالىقتارىن باچىم تولۇقتاپ، ەلەكتىر مەنەن قامدوو قۇرباتىن جالپى بەتكەي ۅستۉرۉپ، دىيقانداردىن ۅندۉرۉش تۇرمۇش شارت جاعدايىن جاقشىلاپ ەلە قالباي، ايىل قىشتاقتاردىن ۅنۉگۉۉسۉنۅ دا اراكەت ەرگىياسىن قوشتۇ. بۇل جۅندۅندۅ ىستانسيابىز قابارچىلارى ياڭ جۇ، لئى ۋىي، لئيۇ چئياڭداردىن قابارى نازارىڭىزداردا:

 جاڭى جىل جاقىنداعاندا، تاشقورعون تاجىك اپتونوم وودانى داتوڭ ايىلى ايقەرەع قىشتاعىنىن تۇرعۇنۇ افىيەت قادىرقان دۉكۅنۉنۅ توۋار كىرگىزىپ، قىشتاق تۇرعۇندارىنىن مايرامداعى اجاتىن قانااتتاندىرۇۇ مەنەن شاشىلىش بولدۇ. ايقەرەع قىشتاعىنا بىيىل 6- ايدىن ەتەگىندە ەلەكتىر تور جالعانعاندان كىيىن، قىشتاق تۇرعۇندارىنىن قايراتى اشىپ بايۇۇ ويلورۇ كۅبۅيۅ باشتادى. افىيەت قادىرقان مىنداي دەدى: «مەنىن دۉكۅن اچقانىما 20 جىل بولدۇ، مۇردا ەلەكتىر جوق بولۇپ دۉكۅندۉ كۉندۉزۉ عانا اچات ەلەك، ازىر مەن چوڭ دۉكۅندۉ ئجاراعا الدىم، بئز سااردان كەچكە چەيىن قاربالاستايبىز، بئر كۉندۅ 200 يۇاندان كۅبۉرۅۅك اقچا تابابىز، كىرەشەبىز بارعان سايىن ارتۇۇدا».

 جاقىنقى جىلداردان بەرى، اپتونوم رايونۇبۇز 11 كۉن نۇرۇ ەنەرگىيالۇۇ اكىمچىلىك قىشتاققا چوڭ ەلەكتىر تورۇن تۇتاشتىرۇۇ قۇرۇلۇشۇن الىپ بارىپ، چوڭ ەلەكتىر تورۇن ۇزارتۇۇ ىڭعايى ارقىلۇۇ الىسقى توولۇۇ قىشتاقتاردىن ەلەكتىر كەمچىل بولۇۇ ماسەلەسىن جالپى بەتكەي چەچىپ، 1535 تۉتۉن دىيقان- مالچىعا نارىپ جەتكىرىپ، ار بئر تۉتۉنگۅ ورتوچو سالىنعان قارجى 386 مئڭ يۇانعا جەتكەن. وشونۇ مەنەن بىرگە، اپتونوم رايونۇبۇزداعى 259 چەك اراعا جاقىن قىشتاقتاردىن ايىل- قىشتاق ەلەكتىر تورۇن ۅزگۅرتۉپ قۇرۇپ داراجاسىن ۅستۉرۉۉ قۇرۇلۇشۇنۇن باارى ىشتەتۉۉگۅ بەرىلىپ، 22 مئڭ تۉتۉندۅگۉ 87 مئڭ 400 دىيقان مالچىعا نارىپ جەتكىرگەن.

 مىندان سىرت، «تۉشتۉك شئنجاڭداعى تۅرت ايماق- وبلاستىن كۅمۉردۉ ەلەكتىرگە ۅزگۅرتۉۉ قۇرۇلۇشۇ (بئرىنچى مەزگىلدىك) جولعو قويۇۇ دولبوورۇ (2019-جىلدان 2021-جىلعاچەيىن)» بويۇنچا، بىيىل قاشقار، حوتەن، قىزىلسۇۇ قىرعىز اپتونوم وبلاسىنداعى 289 مئڭ تۉتۉندۉن كۅمۉردۉ ەلەكتىرگە ۅزگۅرتۉۉ مىلدەتىن بۉتۉرۉپ، جىلۇۇلۇق مەنەن قامدوو ۅزدۉك نارقىن ۅنۉمدۉۉ تۅمۅندۅتۉپ ەلە قالباي، داعى جىلۇۇلۇق مەنەن قامدوو چۅيرۅسۉن جاقشىرتقان. حوتەن وودانى يئڭاۋات ايىلى عاباش قىشتاعىنىن تۇرعۇنۇ ابدۇقىيۇم ابدۇۋالىي نارىپ الۇۇچۇلاردىن بئرى. ال مىنداي دەدى: «مۇردا بئز مەش جاعىپ جىلىنات ەلەك، ابدان قووپتۇۇ ەلە، ازىر ەلەكتىر گاز ارقىلۇۇ جىلىنۇۇ باشتالعاندان بەرى، جاشووبۇز جايلۇۇ بولۇپ، تازا ارى ىرەتتۉۉ بولدۇ، ەلەكتىر بااسى دا مۇرداعىدان كۅپ ارزاندادى».

  اپتونوم رايونۇبۇزدۇن ايىل- قىشتاق ەلەكتىر تورۇن ۅزگۅرتۉۉسۉ ايىل- قىشتاقتاردىن تەز ۅنۉگۉۉسۉن قىيمىلداتقىچ كۉچ مەنەن قامدادى. ۇچۇردا اقسۇۇ ايماعى ايىل- قىشتاقتارعا جالپى بەتكەي ەلەكتىر تورۇن جەتكىرۉۉ قۇرۇلۇش مىلدەتىن نەگىزىنەن بۉتۉردۉ. اقسۇۇ شاارى تىيەنيۉن يىدا گىپس باستىرما چەكتۉۉ شەرىكتىگىنىن زاۋوت باشچىسى چىن شۅحۇا مىنداي دەدى: «ازىر ەلەكتىر جولۇ كۉندۅن كۉنگۅ جاقشىلانىپ، ەلەكتىر باسىمى تۇرۇقتۇۇلاشتى، بئزدىن كەرقانانى انسايىن جاقشى ۅنۉكتۉرۉۉ ىشەنىچىبىز اشتى، داعى بئر ۅندۉرۉش لئنىياسىن قوشۇپ، ۅندۉرۉش كۅلۅمۉن كەڭىرتىپ، داعى دا كۅپ كىشىنى جۇمۇشقا ورۇنداشتىرۇۇنۇ ويلوپ جاتابىز».

  بىيىل اپتونوم رايوندۇن ايىل- قىشتاق ەلەكتىر تورۇنۇن داراجاسىن ۅستۉرۉپ ۅزگۅرتۉپ قۇرۇۇ قۇرۇلۇشۇ 87 وودان (شاار، رايون)، 3067 تۉرگۅ قاتىشتۇۇ بولۇپ، جاڭىدان قۇرۇلعان جانا ۅزگۅرتۉپ قۇرۇلعان كۅپتۅگۅن 110 كىلۋولت، 35 كىلوۋولت، 10 كىلوۋلتتۇق باسىم ۅزگۅرتۉۉ پۇنكىتى جانا لئنىيالاردى ۅز ىچىنە العان. ماملەكەتتىك ەلەكتىر تورۇ شئنجاڭ ەلەكتىر قۇبات چەكتۉۉ شەرىكتىگى ۅنۉكتۉرۉۉنۉ جوبولوو بۅلۉمۉ ەلەكتىر سەپتۅۅنۉ جوسپورلوپ باشقارۇۇ ىنجىنەرى فۇ گاۋشان 付高善 مىنداي دەدى: «2021- جىلى 4 مئللىيارد يۇاندان اشۇۇن قارجى سالىپ ايىل- قىشتاقتاردىن ەلەكتىر تورۇن ۅزگۅرتۉپ قۇرۇپ داراجاسىن ۅستۉرۉۉ قۇرۇلۇشۇن جولعو قويۇپ، كەمباعال رايوندۇن ايىل- قىشتاق ەلەكتىر تورۇن سىزىل بەكەمدەپ، كوللەكتىپ مال باقماچىلىعى، قول ۅنۅر زاۋوتۇ سىياقتۇۇ ەمگەك كۉچۉ تىعىز تىبىندەكى كەسىپتەردىن دۉركۉرۅپ ۅنۉگۉۉسۉنۅ دەمۅۅر بولۇپ، كەمباعالدىقتان ارىلتۇۇ چابۇۇلۇنۇن جەتىشكەندىگىن بەكەمدەپ ۅستۉرۉۉنۉ پئلانداپ جاتابىز. تۉشتۉك شئنجاڭداعى تۅرت ايماق وبلۇستۇن كۅمۉردۉ ەلەكتىرگە ۅزگۅرتۉۉ (بئرىنچى مەزگىلدىك) قۇرۇلۇشۇنۇن تەلەگەيلەشكەن ەلەكتىر تور قۇرۇلۇشۇن جىيىنتىقتوو قىزماتىن جاقشى ىشتەپ، كەلەركى جىلى 287 مئڭ تۉتۉن جاڭىدان ارتقان كۅمۉردۉ ەلەكتىرگە ۅزگۅرتكۅن ابونەتتەردىن جىلىنۇۇدا ەلەكتىر ىشتەتۉۉ اجاتىن كەپەلەتتەندىرەبىز».

〖2020.12.28-11:48〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز