باي وودانى جۇڭتاي كۅمۉردۉ كوكۇستاشتىرىپ جىلىنا 200 مئڭ توننا كۅمۉر گازىنان مەتانول ۅندۉرۉۉ تۉرۉ قۇرۇلۇپ بۉتۉپ ۅندۉرۉشكۅ كىرىشتىرىلدى

2020-12-26 12:04

  12- ايدىن 24- كۉنۉ، جالپى 690 مئللىيون يۇان قارجى سالىنعان باي وودانى جۇڭتاي كۅمۉردۉ كوكۇستاشتىرىپ جىلىنا 200 مئڭ توننا كۅمۉر گازىنان مەتانول ۅندۉرۉۉ تۉرۉ قۇرۇلۇپ بۉتۉپ ۅندۉرۉشكۅ كىرىشتىرىلدى. ەمى بۇل جۅنۉندۅكۉ قابارى نازارىڭىزداردا:  

  ـــ جۇڭتاي كۅمۉردۉ كوكۇستاشتىرىپ جىلىنا 200 مئڭ توننا مەتانول ۅندۉرۉۉ تۉرۉ راسمىي ۅندۉرۉشكۅ كىرىشتىرىلدى!»

  جۇڭتاي كۅمۉردۉ كوكۇستاشتىرىپ جىلىنا 200 مئڭ توننا كۅمۉر گازىنان مەتانول ۅندۉرۉۉ تۉرۉ باي وودانىنداعى كەسىپتىك باقچا رايونعو جايعاشقان، تۉر نەگىزىنەن ساپاتتۇۇ كۉكۉرتسۉزدۅندۉرۉۉ، ايلاندىرۇۇ، سىنتەزدەپ گازدى قىسۇۇ، مەتانول سىنتەزدۅۅ سىياقتۇۇ تارتىپتەر ارقىلۇۇ مەتانول ۅندۉرۉپ، از قارجى سالۇۇ، پايداسى جوعورۇ، ەنەرگىيا ۉنۅمدۅپ چۅيرۅ قورعوو، ەكونومىكالىق ۅمۉنۉ جاقشى بولۇۇ سىياقتۇۇ ۅزگۅچۅلۉكتۅرگۅ ەە. باي وودانى جۇڭتاي كۅمۉردۉ كوكۇستاشتىرۇۇ چەكتۉۉ شەرىكتىگىنىن پارتكوم شۇجئسى، مۇدۇرىيات باشچىسى ران يۉشئن مىنداي دەدى: ۅندۉرۉشكۅ كىرىشتىرىلگەندەن كىيىن ار جىلى 432 مئللىيون كۇپ مەتىر اشىقچا كۅمۉر گازىن قورومجۇلاپ، 250 مئللىيون كۇپ مەتىر سۇۇتەك گازىنان ۅنۉمدۉۉ پايدالانىپ، 39 مئڭ 500 توننا كۅمۉرتەك قوش قىچقىلىن از قويو بەرۉۉگۅ بولوت. كۅمۉر گازىن اباعا قويو بەرۉۉدۅن پايدا بولعون چۅيرۅ بۇلعانۇۇسۇن چەچەت، وشونۇ مەنەن قاتار 220دان اشۇۇن كىشىگە جۇمۇش وردۇن جاراتىپ، چۅيرۅ قورعوو، ەكونومىكالىق ۅنۉمدۅي قوش تۉشۉمدۉ ىشكە اشىرات.   

   شئنجاڭداعى ەڭ چوڭ مەتال ەرىتۉۉ كوكۇس ۅندۉرۉۉچۉ كەرقانا قاتارى، باي وودانى جۇڭتاي كۅمۉردۉ كوكۇستاشتىرۇۇ چەكتۉۉ شەرىكتىگىنىن جىلىنا 200 مئڭ توننا كۅمۉر گازىنان مەتانول ۅندۉرۉۉ تۉرۉ 2019- جىلى 3- ايدا راسمىي تۉردۅ قۇرۇلۇش باشتاعان، بۉت تەحنولوگىيا بارىشىنا DCS مودەل تىزگىندۅۅسۉ قولدونۇلعان، وشونۇ مەنەن قاتار داعى دۉينۅ بويۇنچا وزوت سىنتەزدۅۅ جابدۇۇ مۇنار تەحنىكاسى ورنوتۇلۇپ، ەنەرگىيا قورومجۇسۇ تۅمۅن، ايلاندىرۇۇ سالىشتىرماسى جوعورۇ. تۉردۉ قۇرۇۇ بارىشىندا باي وودانىندا تۇرۇشتۇۇ كەرقانانىن كادىرلارى ار قايسى بايلانىشتۇۇ تارماقتار مەنەن ىشتىكتۉۉ شايكەشىپ «تۉيۉندۅن تۉيۉنگۅ» ماشئنا كۅتۅرۅ الىپ تاشىمالداپ، جابدۇۇ، ماتەرىيال سىياقتۇۇ ماسەلەلەردى ناق مايداندا چەچىپ، تۉيۉندۉۉ قۇرۇلۇش تۉرۉنۉن شىدىر الىپ بارىلۇۇسۇنا چىنىعى كەپىلدىك قىلعان. باي ووداندىق ۅنۅرجاي باقچا رايون تۉرۉنۉن جووپتۇۇسۇ ۋاڭ حاۋ(王浩) مىنداي دەدى: جۇڭتاي كۅمۉردۉ كوكۇستاشتىرىپ جىلىنا 200 مئڭ توننا مەتانول ۅندۉرۉۉ تۉرۉ ۅندۉرۉشكۅ كىرىشتىرىلگەندەن كىيىن، باي وودانى جوسپورلوعون «كۅمۉر-كۅكۉس-گاز»دى بئر تۇلقۇلاشتىرۇۇ ايلامپا حئمىيا ۅنۅرجاي كەسىبى نەگىزىنەن قالىپتاشات. كىيىنكى قادامدا بئز ەكونومىكانى قارموو، تۉردۉ قارموو، سووداگەر چاقىرۇۇنۇ قارموو تۉشۉنۉگۉندۅ سىىزل بەكەم تۇرۇپ، بايلىق ارتىقچىلىعىن تۇرعۇ قىلىپ، كۅپتۅگۅن قارجى سالۇۇچۇ سووداگەرلەردى قارجى سالۇۇعا كەلىپ كەسىپتى كۉلدۅنتۉۉگۅ ەلىكتىرىپ، ەكونومىكانىن جوعورۇ ساپاتتا ۅنۉگۉۉسۉنۅ دەمۅۅر بولوبۇز.

〖2020.12.26-12:04〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز