اپتونوم رايونۇبۇزدۇن جەر- جەرلەرى «تۅرتتۅ جاقشى ايىل-قىشتاق جولۇ» قۇرۇلۇشۇن باچىمداتىپ كەمباعالدىقتان ارىلتۇۇ چابۇۇلۇن قاتتوو قامسىزدووسۇ مەنەن قامدادى

2020-10-01 12:37

  اپتونوم رايونۇبۇزدۇن جەر- جەرلەرى «تۅرتتۅ جاقشى ايىل-قىشتاق جولۇ» قۇرۇلۇشۇن باچىمداتىپ، دىيقانداردىن ساپارعا چىعۇۇسۇنداعى «ەڭ اقىرقى 1 كىلومەتىر»دى كۉچۅپ جالعاشتىرىپ، كەمباعالدىقتان ارىلتۇۇ چابۇۇلۇن قاتتوو قامسىزدووسۇ مەنەن قامدادى. ەمى ىستانسىيابىز قابارچىلارى جئن لىي، جاڭ شئياۋيۉن، پىراكتىكانت قابارچى ۋاڭ جئلوڭدۇن بۇل جۅنۉندۅكۉ قابارى نازارىڭىزداردا:

   سانجى شاارى ارلئيۇگوڭ شاارچاسى شى-ارفىن قىشتاعىنىن ايىل-قىشتاق تاش جول قۇرۇلۇش ناق مايدانىندا، جۇمۇشچۇلار چوڭ تىپتەكى تۅشۅۅ ماشىناسىن ايداپ، جول بەتىنىن اسفالئت قاتمارىن تۅشۅپ، چىڭدوو ماشىنەسى تۅشۅلۉپ بولعون جول بەتىندە ارى-بەرى جۉرۉپ چىڭداپ، بۉت قۇرۇلۇش مايدانى تارتىپتۉۉ الىپ بارىلۇۇدا. تۉردۉن جووپتۇۇسۇ چئى جئنپىي، بۇل تۉرگۅ جالپى 22 مئللىيون يۇان قارجى سالىنىپ، چىعىشى سانجى شاارىنىن داشئچۉ شاارچاسى فۇجىيان-سانجى ۅنۅر جاي باقچاسىنان، باتىشى سانجى شاارى يۉشۇگۇ شاارچاسى يۉجۉن جولۇنا تۇتاشىپ، جالپى ۇزۇندۇعۇ 3.4 كىلومەتىر ەكەنىن، قۇرۇلۇش 6- ايدىن 1- كۉنۉ جۇمۇشتۇ قالىبىنا كەلتىرگەندەن تارتىپ، ازىرعا چەيىن قۇرۇلۇش مۅلچۅرۉنۉن 80 پايىز ايلاناسىندا اتقارىلىپ، 10- ايدىن 15- كۉنۉ جول سالىنىپ بۉتۉپ ماشئنا قاتتاارى الدىن جورومولدونعونۇن تاانىشتىرىپ مىنداي دەدى: «قارامايدى 1.7 كىلومەتىرگە چەيىن تۅشۅدۉك، داعى 1.7 كىلومەتىرلىك سۇۇ تۇرۇقتۇۇلۇق قاتمارىن تۅشۅيبۉز، 10- ايدىن 15- كۉنۉ ماشئنا قاتتوو شارتىن تۉزۅت. بۇل جولدو قاتتوو باشتالعاندان كىيىن، دىيقانچىلىق تۉشۉمدۅرۉنۉن سىرتقا تاشىلۇۇسۇنا وڭتويلۇۇلۇق جاراتىپ، بئر قانچا ايىل- شاارچاداعى ار ۇلۇت قالقىنىن ساپارعا چىعۇۇ چۅيرۅسۉن جاقشىلايت.»

   سانجى شاارى ارلئيۇگوڭ شاارچاسى شى-ارفىن قىشتاعىنىن قىشتاق تۇرعۇنۇ جئن چۇنمئڭ بۇل تاش جولعو 50 مەتىر كەلە تۇرعان جەردەن 120 مولۇق قىزىل مىلىق جانا 240 مولۇق اش قاباقتى كۅتۅرۅ الىپ ايداعان، ىلگەرى، ار جىلى دىيقانچىلىق تۉشۉمدۅرۉن تاشىپ ساتۇۇ انىن ەڭ باشىن وورۇتقان ئش ەلە، ازىر قاراماي جول تۅشۅلۉپ، دىيقانچىلىق تۉشۉمدۅرۉن سىرتقا تاشمالدوو شارتى زور داراجادا جاقشىلاندى. ال مىنداي دەدى: «مۇردا بۇل توپو جول ەلە، ايىل چاربا قوشۇمچا تۉشۉمدۅرۉبۉز، ايرىقچا قىزىل مىلىق، داربىزدى سانجى شاارىنا تاشۇۇ اياباي وڭتويسۇز بولچۇ، جول وي-دۅڭگۉل، ار تونناسىنىن زىياندالۇۇسۇ 5 پايىز ايلاناسىندا بولچۇ، ازىر بۇل جەرگە قاراماي تۅشۅلۉپ، دىيقانچىلىق تۉشۉمدۅرۉن تاشىعاندا ۇباقىت ۉنۅمدۅلۉپ، زىيان داعى ازايىپ، ساپارعا چىعۇۇبۇزعا زور وڭتويلۇۇلۇق الىپ كەلدى.»

  جاقىنقى جىلداردان بەرى، اپتونوم رايونۇبۇزدۇن جەر-جەرلەرى ايىل-قىشتاق تاش جولۇن جاقشى سالۇۇ، جاقشى باشقارۇۇ، جاقشى قورعوو، جاقشى جۉرگۉزۉۉنۉ ىمەرچىكتەي، شىدىر، تەز بولعون ايىل-قىشتاق قاتتوو جول تورۇن كۉچۅپ قۇرۇپ، قالىڭ دىيقان، مالچىلاردىن ساپارعا چىعۇۇسۇن جانا دىيقانچىلىق تۉشۉمدۅرۉن تاشۇۇنۇ وڭتويلۇۇ قاتتوو مەنەن قامداپ، كەمباعالدىقتان ارىلتۇۇ چابۇۇلۇنا ۅبۅلگۅ بولدۇ. 2019- جىلدىن اقىرىنا چەيىن، اپتونوم رايونۇبۇزداعى ايىل-قىشتاق تاش جولدورۇندا ماشئنا قاتتاعان جول جالپى ارالىعى 133 مئڭ كىلومەتىرگە جەتىپ، بۉت اپتونوم رايونۇبۇزداعى بااردىق ايىل-شاارچا جانا شارت-جاعدايى بار ىشتاتتۇۇ قىشتاقتاردا قاراماي جولدۇن جالعاشۇۇسۇ، جۉرگۉنچۉلۅر اۋتو ۇنااسىنىن جۉرۉۉسۉ 100 پايىزعا جەتىپ، جەر-جەرلەردە بئر تۉركۉم «تۅرتتۅ جاقشى ايىل-قىشتاق جولۇ» بويۇنچا اپتونوم رايون داراجالۇۇ ۉلگۉلۉۉ وودان (شاارلار) جارىققا چىقتى.

 بىلۉۉگۅ قاراعاندا، بىيىل، اپتونوم رايونۇبۇز ايىل-قىشتاق تاش جول قۇرۇلۇشۇنا 5 مئلليارت 500 مئلىيون قارجى سالىپ، ايىل-قىشتاق تاش جولۇنان 10 مئڭ كىلومەتىردى جاڭىدان جانا ۅزگۅرتۉپ سالىپ، كۉچۉنۅن قالتىرعان جانا قوشۇپ جىبەرگەن 86 اكىمچىلىك قىشتاقتىن جولدورۇن قاتۇۇلاشتىرۇۇ، 347 كىلومەتىرلىك وودان، ايىل جولۇنۇن داراجاسىن جوعورۇلاتىپ ۅزگۅرتۉۉنۉ تۉيۉندۉۉ جىلىشتاتۇۇنۇ پىلانداعان . اپتونوم رايوندۇق قاتتوو-تاشمال نازاراتى ايىل-قىشتاق تاش جولۇن باشقارۇۇ باشقارماسىنىن باشچىسى يە تاۋ قابارچىعا مىنداي دەدى: «ازىرعا چەيىن، ايىل-قىشتاق تاش جول قۇرۇلۇشۇنا سالعان قارجىنىن جالپى جىيىندىسى 6 مئلليارت 937 مئللىيون يۇانعا جەتىپ، نئشاان مىلدەتتىن 126 پايىزىن ەەلەدى؛ جاڭىدان سالعان جانا ۅزگۅرتكۅن ايىل-قىشتاق تاش جولۇنۇن جالپى جىيىندىسى 10 مئڭ 7 كىلومەتىرگە جەتىپ، نئشاان مىلدەتتىن 100.1 پايىزىن ەەلەپ، ايىل-قىشتاق تاش جولۇ جىلدىق نئشاان مىلدەتىن اشىرا اتقاردىق. جىل اقىرىنا چەيىن، «سىرت مەنەن تۇتاشىپ ئچ جاقتان بىرلەشۉۉ، ايىل-قىشتاق جولدورۇن شىدىرلاشتىرۇۇ، كەزەكچى اپتۇبۇز قىشتاقتارعا چەيىن بارۇۇ، قووپسۇز وڭتويلۇۇ بولۇۇ»داي ايىل-قىشتاق تاش جول تورۇن نەگىزىنەن ىشكە اشىرىپ، اپتونوم رايونۇبۇزدۇن كەمباعالدىقتان ارىلتۇۇ چابۇۇلۇ جانا ايىل-قىشتاقتاردى گۉلدۅنتۉۉنۉ قاتتوو نەگىزگى قامسىزدووسۇ مەنەن قامدايبىز».

〖2020.10.01-12:37〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز