«13- بەش جىلدىق جوسپور» مەزگىلىندە، اپتونوم رايونۇبۇز «قويو بەرۉۉ، باشقارۇۇ، تەيلۅۅ» ىسلااتىن جالپى بەتكەي تەرەڭدەشتىرىپ...

2020-10-01 12:26

 «13- بەش جىلدىق جوسپور» مەزگىلىندە، اپتونوم رايونۇبۇز «قويو بەرۉۉ، باشقارۇۇ، تەيلۅۅ» ىسلااتىن جالپى بەتكەي تەرەڭدەشتىرىپ، تئجارات سوودا چۅيرۅسۉن سىزىل قىلداشتىرىپ، ار تۉردۉۉ بازار نەگىزگى تۇلقۇلارىنىن جاشوو كۉچۉن توقتووسۇز چىيرالتىپ، ەكونومىكانىن جوعورۇ ساپاتتا ۅنۉگۉۉسۉنۅ ۅبۅلگۅ بولدۇ. ەمى ىستانسىيابىز قابارچىسى گاۋ مىڭحۇيدۇن بۇل جۅنۉندۅكۉ قابارى نازارىڭىزداردا:

   9- ايدىن 28- كۉنۉ، اقسۇۇ ايماقتىق اكىمچىلىك تەيلۅۅ بوربورۇ بازاردى كۅزۅمۅلدۅپ باشقارۇۇ مەكەمەسىنىن ئش بۉتۉرۉۉ كۅزۉنۅگۉندۅ، اقسۇۇ يئمىنتاڭ دارى بۇيۇمدارى چەكتۉۉ شەرىكتىگىنىن كاسسىرى چىن نئڭ قىزماتكەرلەردىن جاردامىندا، 10 قانچا مئنۇتتا ەلە تئجارات ۇرۇقسات گۉبۅلۉگۉن بۉتۉردۉ. ال قابارچىعا مىنداي دەدى: «قىزماتكەرلەردىن ئش بۉتۉرۉۉ بەرەكەتى اياباي تەز ەكەن، بولجول مەنەن 10 مئنۇت چاماسىندا، بااردىق تاستىقتوو ىشتەرىن بۉتۉرۉپ بولدۇ، مۇردا دارى بۇيۇمدارى تئجارات ۇرۇقسات گۉبۅلۉگۉن بۉتۉرۉۉ ۉچۉن 10 قانچا تۉردۉۉ ماتەرىيال كەتچۉ، ازىر 3 تۉردۉۉ ماتەرىيالدى تاپشىرىپ، بئر ىرەت بارساق ەلە بۉتۅت.»

  جاقىنقى جىلداردان بەرى، اقسۇۇ ايماعى «قويو بەرۉۉ، باشقارۇۇ، تەيلۅۅ» ىسلااتىن ىمەرچىكتەي، گۉبۅلۉكتۉ ازايتىپ تەزدىگىن اشىرۇۇ، كىرۉۉ ۇرۇقساتىنا وڭتويلۇۇلۇق جاراتۇۇنۇ ىشتىكتۉۉ جىلىشتاتىپ، بازار نەگىزگى تۇلقۇلارىنىن تىزىمدەلۉۉ تارتئبىن داعىدا جۅنۅكۅيلۅشتۉرۉپ وڭتويلوشتۇرعان. اقسۇۇ ايماقتىق بازاردى كۅزۅمۅلدۅپ باشقارۇۇ مەكەمەسى پارتىگۇرۇپپاسىنىن مۉچۅسۉ، ورۇن باسار مەكەمە باشچىسى دئياۋ چۇنلئن مىنداي دەدى: «بئز تۉيۉندۉۉسۉ ۇباقىتتى قىسقارتۇۇ، القاقتارىن قىسقارتۇۇ، ماتەرىيالدى قىسقارتۇۇ قاتارلۇۇ 3 جاقتان كۉچ جۇمشاپ، تاستىقتوو ۇباقىت چەكتەمەسىن زور داراجادا قىسقارتتىق. 2020- جىلى، كەرقانالاردى قاتتاتىپ تىزىمدۅۅ ۇباقىتىن 1 قىزمات كۉنۉنۅ قىسقارتتىق، جەكە سوودا-ۅنۅر جايچىلار تىزىمدەتسە ناق مايداندا ەلە بۉتۉرۉپ، كەرقانا اچۇۇدا بئر ەشىكتەن بۉتۉرۉۉ، بئر جادىبال مەنەن ۅتۉنۉۉ، ماالىماتتى ورتوقتوشۇۇ، بىرگەلەشتىرىپ تاستىقتوو، بئر تور مەنەن تولۇق بۉتۉرۉۉنۉ ىشكە اشىردىق.»

  «13- بەش جىلدىق» جوسپور مەزگىلىندە، اپتونوم رايونۇبۇز اكىمچىلىكتى قىسقارتىپ ۇقۇقتۇ قويو بەرۉۉ، قويو بەرۉۉ مەنەن باشقارۇۇنۇ بىرىكتىرۉۉ، تەيلۅۅنۉ قىلداشتىرۇۇ جانا گۉبۅلۉكتۉ قىسقارتىپ ەلگە وڭتويلۇۇلۇق جاراتۇۇ قاتارلۇۇ ىشتەرگە ۉيرۉلۉپ، «اپتونوم رايوندۇن تئجارات چۅيرۅسۉن قىلداشتىرۇۇ، اشىرۇۇ جۅنۉندۅكۉ 10 چوڭ اراكەت دولبوورۇ»، «اپتونوم رايوندۇن 2019- جىلقى تئجارات سوودا چۅيرۅسۉن قىلداشتىرۇۇ جالپى تۇلقۇ دولبوورۇ» قاتارلۇۇ بئر سىيرا ساياساتتاردى ارت-ارتىنان چىعارىپ، بۉت اپتونوم رايونۇبۇزدا «گۉبۅلۉك مەنەن كەنەشكەنى ايرۇۇ»نۇ جولعو قويۇپ، 100 تۉردۉۉ اكىمچىلىك تاستىقتوو ىشتەرىنە قاراتا تۉرگۅ ايرىپ ىسلاات قىلۇۇنۇ جولعو قويۇپ، «ۅكۉمۅت مەنەن بانكە كۅمۅكتۅشۉۉ»، «پوچتو مەنەن ۅكۉمۅت كۅمۅكتۅشۉۉ»سۉن جولعو قويۇپ، «بئر جولۇ چاپقىلاباي» ەلە گۉبۅلۉك بۉتۉرۉۉ تارتئبىن ىشكە اشىرىپ، اكىمچىلىك ۇرۇقساتى ىسلااتىن تەرەڭدەشتىرىپ، دارى بۇيۇمدارى، ۅنۅر جاي تۉشۉمدۅرۉ، دارىلوو شايماندارى، اجارلاندىرۇۇ بۇيۇمدارىن تەكشەرىپ ۅلچۅۅ اپاراتتارىنىن تولۇمدۇۇلۇق ۇرۇقسات تۉرۉ جانا تاستىقتوو ۇباقتىن زور داراجادا قىسقارتىپ، قۇلاقتاندىرۇۇ ۇبادا تاستىقتووسۇن جولعو قويۇپ، ۇرۇقسات قىلۇۇ تارتئبىن قىلداشتىردى.

  وشونۇ مەنەن قاتار، اپتونوم رايونۇبۇز «ىنتەرنەت + ۅكۉمۅت ىشتەرى» تەيلۅۅسۉن زور كۉچ مەنەن جولعو قويۇپ، اپتونوم رايوندوعۇ ار قايسى تارماقتاردىن جەر-جەرلەردىن ماالىمات سىستەماسى مەنەن ۅز ارا تۇتاشتىرۇۇنۇ باچىمداتىپ، اكىمچىلىك تاستىقتوو تۉزۉمۉن ىسلاات قىلۇۇنۇ تەرەڭدەشتىرۉۉ ارقىلۇۇ، ۅكۉمۅت ىشتەرى تەيلۅۅسۉندۅ «تەك بئر تورعو كىرۉۉ»، «ەڭ كۅپ بولعوندو 1 جولۇ جۉگۉرۉۉ»نۉ ىشكە اشىرىپ، تئجارات سوودا چۅيرۅسۉن داعى بئر دەمجىي جاقشىرتتى. مىندا، ۉرۉمچۉ شاارى «ەڭ كۅپ بولعوندو بئر جولۇ جۉگۉرۉۉنۉ پئرىنسىپ، كۅپ جولۇ جۉگۉرۉۉ ۅزگۅچۅ ابال» نئشاانىندا بەكەم تۇرۇپ، «ەڭ كۅپ بولعوندو بئر جولۇ جۉگۉرۉۉ» ىسلااتىن تەرەڭدەي جىلىشتاتتى. ۇچۇردا، ۉرۉمچۉ شااردىق ۅكۉمۅت ىشتەرى تەيلۅۅ بوربورۇنا 35 تارماق كىرىپ، «ەڭ كۅپ بولعوندو 1 جولۇ جۉگۉرۉۉ» ىشتەر سانى جالپى كىرگەن ئشتىن 80 پايىزىنا جاقىنداعان. ۉرۉمچۉ شااردىق بازاردى كۅزۅمۅلدۅپ باشقارۇۇ مەكەمەسى اكىمچىلىك تاستىقتوو باشقارماسىنىن باشچىسى ۋاڭ بئن王斌 مىنداي دەدى: «بىيىل ىلدەت تاراعاندان بەرى، توردو بۉتۉرۉۉ، الاقاندا بۉتۉرۉۉ، پوچتودون بۉتۉرۉۉنۉ نەگىز قىلعان ۅكۉمۅت ىشتەرى تەيلۅۅ ىڭعايىن جالپى بەتكەي جولعو قويۇپ، قالىقتى از جۉگۉرتۉۉ، ۅكۉمۅت ىشتەرى تەيلۅۅسۉن `توقتوتۇپ قويبوستۇق`قا چىنىعى كەپەلەتتىك قىلدىق. بىيىل 8- ايدىن 31- كۉنۉنۅ چەيىن، `توردو، الاقاندا، پوچتودون بۉتۉرۉۉ، الدىن بولجوشۇپ بۉتۉرۉۉ` ارقىلۇۇ، جەكە سوودا ۅنۅر جايچىلاردى تىزىمدۅۅ كەسىبىنەن 2557نى بۉتۉرۉپ، 13 ازىق-تۉلۉك ۅندۉرۉش كەرقاناسىنا قاراتا قۇلاقتاندىرىپ ۇبادا بەرۉۉ تۉزۉمۉ بويۇنچا، ازىق-تۉلۉك ۅندۉرۉش ۇرۇقساتىن بۉتۉردۉك.»

  بىيىل 6- ايدىن اقىرىنا چەيىن، اپتونوم رايون (بئڭتۇاندى ۅز ىچىنە الات) ناقتىلۇۇ بار بولعون تۉردۉۉ بازار نەگىزگى تۇلقۇلارى 1 مئللىيون 977 مئڭ تۉتۉن بولۇپ، بىلتىرقى وقشوش مەزگىلدەكىدەن 12.8 پايىز ارتقان. مىندان كىيىن، اپتونوم رايونۇبۇز «گۉبۅلۉك مەنەن كەنەشكەنى ايرۇۇ»، «كۅپ گۉبۅلۉكتۉ بىرىكتىرۉۉ» ىسلااتىن ۇلاندۇۇ تەرەڭدەشتىرىپ، قۇرۇلۇش تۉرلۅرۉن ىنتەرنەتتە تاستىقتوونۇ كۉچۅپ جولعو قويوت؛ بىيىل جىل اقىرىنان مۇردا قۇرۇلۇش ۇرۇقساتىن ىنتەرنەتتە بۉتۉرۉۉ جانا ەلەكتىروندۇق گۉبۅلۉك تولۇق ىشكە اشارى كۉتۉلۉۉدۅ، كەرقانالاردىن باجى اقى جۉگۉن داعى بئر دەمجىي ازايتىپ، ار تۉردۉۉ بازار نەگىزگى تۇلقۇلارىنىن جانا قالىقتىن ەە بولۇۇ سەزىمىن، باقىت سەزىمىن چىنىعى اشىرات.

〖2020.10.01-12:26〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز