جاشىل تاانىمال ماركەنى جارقىتىپ، شالى كەسىبىن كۉچتۅندۉرۉۉنۉ مىقتى ىشتەدى

2020-09-29 16:40

 چاپچال شىبە اپتونوم وودانى ايىل چاربا كەسىپ قۇرۇلماسىن كۉچۅپ تەسكەپ، ۅندۉرۉشتۉ ۅلچۅمدۅشتۉرۉپ، كۅلۅمدۅشتۉرۉپ، تىقانداشتىرىپ ۅنۉكتۉرۉۉنۉ جولعو قويۇپ، ۅستۉرۉۉ كۅلۅمۉ تۇرۇقتۇۇ، ايىل چاربانىن زامانداشۇۇ داراجاسى بئر قىيلا جوعورۇ، ۇنىۋىرسال ۅندۉرۉش قۇرباتى بئر قىيلا كۉچتۉۉ بولعون ساپاتتۇۇ شالى ۅندۉرۉۉ بازاسىن قالىپتاشتىرىپ، شالى كەسىبىنىن جوعورۇ ساپاتتا ۅنۉگۉۉسۉن كۉچۅپ تۉرتمۅكتۅدۉ. ىستانسىيابىز قابارچىسى لو يۇانمئڭدىن قابارىنا كۅڭۉل بۇرۇڭۇزدار: 

 «بۇل شالىنىن 80پايىزى بىشىپ، دانى تولدۇ، بئروق ازىرااقتارىنىن ۇچۇ داعى بىشىپ كەتە ەلەك، بۉتكۉل چۅلكۅمدۅكۉ شالىنى داعى 10 كۉندۅن كىيىن ورۇپ السا بولوت ... »

  9-ايدىن 24-كۉنۉ، قابارچى چاپچال شىەبە اپتونوم وودانى سۉنزاچئنىيۇ شاارچاسى چولپان قىشتاعىنداقى ون مئڭ مولۇق ۅلچۅمدۉۉ شالى اتىزى ۉلگۉ كۅرسۅتۉۉ بازاسىنان، جەرلەر قۇدۇم بئر قابات التىن تۉستۉۉ گىلەم جامىنىپ العانداي، دانى تولعون شالى ماشاقتارى شالى ساباعىنا باسىم تۉشۉرۉپ، ئيىلىپ تۇرعانىن كۅردۉ. شالى اتىزىن باشقارۇۇعا جووپتۇۇ چاپپال شىبە اپتونوم ووداندىق دىيقانچىلىق-مالچىلىق كەسىبىن ۅنۉكتۉرۉۉ چەكتۉۉ شەرىكتىگىنىن باش دىرەكتورۇ شۉ يۉن قابارچىعا، ووداندىن 200 قانچا جىلدان اشۇۇن شالى ۅستۉرۉۉ تارىحى بار بولسو دا، بئروق ۅتكۅن مەزگىلدەردە باشقارۇۇ جاقشى بولبوي، ۅستۉرۉۉ ايانتى زور سالىشتىرمادا ازايعانىن، شالى كەسىبىن قىلداشتىرۇۇ، كۉچتۉۉ قىلۇۇ ۉچۉن، بۇل بئر قانچا جىلدا وودان ىچىندە از بولبوعون كۉچ جۇمشالعانىن، بۇل ون مئڭ مولۇق ۅلچۅمدۉۉ شالى اتىزى ۉلگۉ كۅرسۅتۉۉ بازاسى ــ جىل باشىندا جەردى وبوروت قىلۇۇ بارىشىندا قۇرۇلۇپ چىققان، ۅستۉرۉۉنۉ باشقارۇۇنۇن باارى قاتاڭ ۅلچۅم بويۇنچا الىپ بارىلىپ جاتقانىن ايتىپ مىنداي دەدى: «ۅلچۅمدۅشتۉرۉلۉپ بۉتكۅندۅن كىيىن، ەگۉۉ ايانتى كەمىندە 10پايىز كۅبۅيۅت، سۇۇ ىشتەتۉۉ، جەر سەمىرتكىچ ىشتەتۉۉ تۅمۅندۅپ، ۅندۉرۉش مۅلچۅرۉ جوعورۇلايت، ار بئر مو جەردەن 800دۅن 850 كىلوگىرامعا چەيىن شالى ۅندۉرۉلۉپ، كۉرۉچ چىعۇۇ سالىشتىرماسى 70پايىزدان جوعورۇ بولۇۇعا جەتەت. چوڭ تىپتەكى مەحانىكالاردى كىرگىزگەندەن كىيىن، بئر مو جەردى ورۇپ-جىيۇۇ اقى كەمىندە 5 يۇاندان 10 يۇانعا چەيىن تۅمۅندۅيت».

 شالى ساپاتى مەنەن ۅندۉرۉش مۅلچۅرۉن باشاتىنان جوعورۇ كۅتۅرۉۉ ۉچۉن، 2015-جىلى، چاپچال شىبە اپتونوم وودانى شئنجاڭ ايىل چاربا ئلىمىن ىزىلدۅۅ اكەدەمىياسى مەنەن اكەدەمىيا-وودان ئلىم-تەحنىكا قىزماتتاشتىعىن ورتوق قۇرۇۇ كەلىشىمىنە قول قويۇشۇپ، جەرگىلىكتىن توپۇراعى جانا كىلىمات شارتىنا ىلايىق كەلگەن ساپاتتۇۇ ۉرۅۅندۉ جايىلدىرىپ، ىزىلدەپ چىققان شئنداۋ 42، شئنداۋ 46، نوڭلئن 315 سىياقتۇۇ شالى تۉرلۅرۉ ۇچۇردا جەرگىلىكتەكى دىيقاندار جاعىنان كەڭىرى ۅستۉرۉلۉۉدۅ. كەن ايىلى المالى قىشتاعىنداقى شالى ۅستۉرۉۉچۉ تۉتۉن ۋاڭ گاڭ مىنداي دەدى: «مەن ۅستۉرگۅن نوڭلئن 315تئن بىيىلقى مولۇق ۅندۉرۉش مۅلچۅرۉ 700 كىلوگىرام بولدۇ. بىيىلقى ساتىپ الۇۇ بااسى بويۇنچا ەسەپتەگەندە، اربئر مو جەردەن ۅندۉرۉلگۅن تۉشۉم 2100 يۇاندان اشۇۇن اقچاعا جارايت».

   وشونۇ مەنەن بىرگە، چاپچال شىبە اپتونوم وودانى «ئلمىي ىزىلدۅۅ اكەدەمىيا وردۇ+ۉلگۉ كۅرسۅتۉۉ بازاسى +كۅمۅكتۅشتۉك كوپەراتىبى+دىيقان تۉتۉن» قىزماتتاشتىق ۉلگۉسۉ ارقىلۇۇ شالىنى جەتىشتىرۉۉ، ۅستۉرۉۉدۅن ساتىپ الىپ ئش قوشۇۇعا چەيىن بئر تۇلقۇلاشقان «بئر سىيرا» كەسىپ جەلەسىن ىشكە اشىردى. شئنجاڭ جئياڭلئياڭ حىڭفىڭ اشتىق-ماي اش-تاماق چەكتۉۉ شەرىكتىگىنىن باش دىرەكتورۇ جۇ شئياۋجۉن مىنداي دەدى: «بئز بۉت جىلدا ساتىپ الاتۇرعان شالى 50مئڭ توننا ايلاناسىندا، ىزىلدەپ چىققان 4 سورتتۇن 60دان اشۇۇن جەكە تۉردۅكۉ گۉرۉچ تۉشۉمۉ ىچكەردەكى ارقايسى ۅلكۅ-شاارلارعا ساتىلىپ، جىلدىق ۅندۉرۉش نارقى 200مئللىيون يۇانعا جاقىندايت».

 ۇچۇردا، چاپچال شىبە اپتونوم وودانىندا گۉرۉچكۅ ئش قوشۇۇ كەرقاناسىنان 20 قانچاسى بار بولۇپ، تۉرتمۅكتۅگۅن شالى ۅستۉرۉۉ ايانتى 150مئڭ موعو جاقىن، ار جىلقى گۉرۉچ تۉشۉم مۅلچۅرۉ 100مئڭ توننا ايلاناسىندا، چاپچال كۉرۉچۉ ماركەسى اقىرىن-اقىرىن بۉت ماملەكەتكە بەت الۇۇدا.

〖2020.09.29-16:40〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز