كىچىك تۉر چوڭ اڭسوونۇ ىشكە اشىردى

2020-09-27 10:32

 اقسۇۇ رادىيو تەلەۋىزىيا ىستانسىياسىنىن قابارچىسى رامئلا، ۉچتۇرپان رادىيو تەلەۋىزىيا ىستانسىياسىنىن قابارچىسى جاڭ يۉنۉن «كىچىك تۉر چوڭ اڭسوونۇ ىشكە اشىردى»دەگەن قابارى نازارىڭىزداردا:

  (ناق مايدان ۉنۉ): «مەن سانتاي شەرىكتىگىنەن بولومۇن، سئز نان الاسىزبى؟ قانچالىق الاسىز؟ تۉشتۅن كىيىن بولجول مەنەن ساات بەشتەردە جەتكىرىپ بەرەمىن ... »

  كۉز مەزگىلدىك وقۇۇ باشتالعاندان بەرى، ۉچتۇرپان وودانى وتبئشى ايىلى الاساي قىشتاعىنداعى كەمباعالداردى جۅلۅۅ سەحى - سانتاي ۅزگۅچۅ ازىق تۉلۉككۅ ئش قوشۇۇ زاۋوتۇنداعى 60دان اشۇۇن قىزماتچى قاربالاس ىشتەپ كەتىشتى، مەكتەپتەردەن زاكاستار ارقا ارقاسىنان كەلىپ جاتتى. زاۋوت باشچىسى ۋاڭ بئنبئن مىنداي دەدى: «ار كۉنكۉ زاكاستا نەگىزىنەن وودانداعى مەكتەپتەردى قامدايبىز، ار كۉنۉ بولجول مەنەن 10 مىڭدەن اشۇۇن نان جانا مومو الات».

  الاساي قىشتاعى توولۇۇ رايونعو جايعاشقان، كىشى باشىنا تۇۇرا كەلچۉ ورتوچو ايدوو جەر ايانتى ەكى موعو جەتپەيت، ەكى جىلدىن الدىندا ەلە وور كەمباعال قىشتاق بولچۇ، وشول كەزدە ارحئپ تۇرعۇزۇپ كارتا بۉتۉرۉلگۅن كەمباعال تۉتۉن 212 تۉتۉن، 809 كىشى ەلە. 2018- جىلى 5- ايدا، ۉچتۇرپان وودانىنىن مالئيا بويۇنچا كەمباعالداردى جۅلۅۅ قارجىسىنىن قولدووسۇندا، ۉچتۇرپان وودانى سانتاي ۅزگۅچۅ ازىق تۉلۉك اچىپ ۅنۉكتۉرۉۉ چەكتۉۉ جووپتۇۇلۇق شەرىكتىگى الاساي قىشتاعىندا مئڭ چارچى مەتىرلىك سانتاي ۅزگۅچۅ ازىق تۉلۉككۅ ئش قوشۇۇ زاۋوتۇن قۇرۇپ، قىشتاق تۇرعۇندارىن جۇمۇشتانۇۇعا ەلىكتىرگەن.   

 بئرىنچى تۉركۉمدۅ زاۋوتقو كىرىپ ىشتەگەن قىشتاق تۇرعۇنۇ تۇرسۇنگۉل ئمامنىياز بۉگۉنكۉ كۉندۅ تاسىققان جۇمۇشچۇعا ايلانعان، ال مىنداي دەدى: «جۇمۇشقا چىققاندان كىيىن ار ايدا 1800 يۇان الامىن، مۇردا جەرىبىز از، ەكونومىكالىق شارت جاعدايىبىز ناچار بولچۇ، ازىر ايىنا تۇرۇقتۇۇ مايانا الىپ جاتامىن، تۇرمۇشۇم كۉندۅن كۉنگۅ جاقشىلانۇۇدا».

  بۉگۉنكۉ كۉندۅ، زاكاستاردىن تىنباي كۅبۅيۉۉسۉنۅن ۇلام، ۅزگۅچۅ ازىق تۉلۉككۅ ئش قوشۇۇ زاۋوتۇ داعى قونوق نان، ەت نان، سۉت نان سىياقتۇۇ جاڭى تۉشۉمدۅردۉ اچىپ ۅنۉكتۉرگۅن. 20دان اشۇۇن ناۋايقانادا ار كۉنۉ 20 مىڭدەن اشۇۇن نان جابىلات، قىشتاقتىن ۇن، ازىقتىق ماي، قوي ەتى، جۇمۇرتقا، جاشىلچا سىياقتۇۇ ايىل چاربا قوشۇمچا تۉشۉمدۅرۉنۉن ۅز جەرىندە كەرەكتەلۉۉسۉن ۅنۉمدۉۉ تۉرتمۅكتۅدۉ.

  وشونۇ مەنەن قاتار، ار قايسى كەسىپ بويۇنچا كەمباعالداردى جۅلۅۅ تۉرۉنۅ تايانىپ، الاساي قىشتاعى داعى باقماچىلىق قونۇشۇن قۇرۇپ، جىلىنا قولدون چىعارعان توۋار ۇي 200گۅ جەتكەن. باقماچىلىق قونۇشتۇن قىزماتكەرى تۇرعۇن ئسمايىل مىنداي دەدى: «ۉيۉمدۉن شارت جاعدايى مۇردا ناچار ەلە، 2018- جىلى باقماچىلىق مايدانعا كەلىپ ىشتەپ، ۉيۉمدۉن كىرەشەسى ارتىپ، ار ايداعى مايانام 1500 يۇان ايلاناسىندا بولدۇ، ازىر تۇرمۇشۇم كۅپ جاقشىلاندى».

  2019- جىلى، الاساي قىشتاعى داعى چاربا جاراتۇۇ باقچاسىن قۇرۇپ، قىشتاق تۇرعۇندارىنىن تئجارات قىلۇۇ، ايىل چاربا قوشۇمچا تۉشۉمدۅرۉن ساتۇۇسۇنا ۅرۉش جاراتىپ بەرگەن. ۉچتۇرپان وودانى چۇانيۉ شئڭكوڭ ەل ارالىق قار مۇز ساياقات ەس الۇۇ رايون تۉرۉ دا الاساي قىشتاعىنان ورۇن وچوق الىپ، ساياقات كەسىبىن ۅنۉگۉۉگۅ باشتاعان. دىيقاندار شاتتىعى وردۇن جۉرگۉزگۅن ۅرگۉل تۇرسۇن مىنداي دەدى: «بئز تئجارات قىلعاندان بەرى سوودابىز ابدان جاقشى بولۇپ كەلەت، مىندان كىيىن بئز ۇلاندۇۇ جاقشى اچابىز».

  الاساي قىشتاعىنىن پارتئيا ياچەيكا شۇجئسى تۇرعۇن قادىر قابارچىعا، 2018- جىلدان ازىرعا چەيىن قىشتاق كەمباعالداردى جۅلۅۅ سەحى، قىشتاق قۇرعان زاۋوت سىياقتۇۇ جالپى 25 كەسىپ بويۇنچا كەمباعالداردى جۅلۅۅ تۉرۉن قۇرۇپ، 1195 كىشىنىن جۇمۇشتانۇۇ ماسەلەسىن چەچكەنىن، ار بئر كىچىك تۉرلۅر قىشتاق تۇرعۇندارىنىن كىرەشە اشىرۇۇ اڭسووسۇن ىشكە اشىرىپ، بىلتىر بۉت قىشتاق كەمباعالدىقتان ارىلعانىن ايتىپ مىنداي دەدى: «مىندان كىيىن بئز كەمباعالدىقتان ارىلتۇۇ چابۇۇلۇ جاعىن بەكەمدەپ، ەمگەك كۉچتۅرۉن قوتورۇپ جۇمۇشتاندىرۇۇنۇ قارماپ، بەكەمدۅۅ ماقساتىنا جەتەبىز».

〖2020.09.27-10:32〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز