جوعورۇ وقۇۇ جاي سىنووسۇ جاقىندادى

2020-07-04 23:47

 جوعورۇ وقۇۇ جاي سىنووسۇ جاقىندادى، شئنجاڭ مىتىرولوگىيا ىستانسىياسىنىن الدىن بوجومولۇنا قاراعاندا، بىيىلقى جوعورۇ وقۇۇ جاي سىنووسۇ مەزگىلىندە، بۉت شئنجاڭداعى ار قايسى سىنوو تۉيۉن شاارلارىندا كۉن اچىق بولۇپ ارتىنان بۇلۇتتۇۇ بولوت. ەمى ىستانسىيابىز قابارچىسى لو يۇانمئڭ، پىراكتىكانت قابارچى بالعىندىن بۇل جۅنۉندۅكۉ قابارى نازارىڭىزداردا: 

مىتىرولوگىيا تارماقتارىنىن جورومولۇندا، 7- ايدىن 6- كۉنۉنۅن 7- كۉنۉنۅ چەيىن تۉندۉك شئنجاڭدىن بئر بۅلۉك سىنوو تۉيۉن رايوندورۇندا جاان جاايت. شئنجاڭ مىتىرولوگىيا ىستانسىياسىنىن باشقى ماالىمات بەرۉۉچۉسۉ لئى رۇچئى مىنداي دەدى: «7- ايدىن 6- كۉنۉنۅن 7- كۉنۉنۅ چەيىن، التاي ايماعى، ۉرۉمچۉ شاارى، شىحانزا شاارى، سانجى وبىلاسىنىن بئر بۅلۉك رايوندورۇندا ازىرااق جاان-چاچىندۇۇ ابا ىرايى كۅرۉلۅت، وشوندوي ەلە ايرىم جەرلەرىندە قىسقا مۅۅنۅتتۉۉ نۅشۅرلۅپ جاان، چاعىلعان، بوروون، مۅندۉر قاتارلۇۇ كۉچتۉۉ كونۋەكسىيالىق ابا ىرايى كۅرۉلۅت، بۇل رايوندوردو جامعىرلىق الىپ جۉرۉۉسۉ كەرەك، وشوندوي ەلە توولۇ رايوندوردۇن ايرىم جەرلەرى گەيولوگىيالىق اپاتتىن كۅرۉلۉۉ مۉمكۉندۉگۉنۅن ساقتانۇۇسۇ كەرەك». 

لئى رۇچئى، جوعورۇ وقۇۇ جاي سىنوو مەزگىلىندە تۉشتۉك شئنجاڭدىن بئر بۅلۉك سىنوو تۉيۉن شاارلارىندا 5 بال ايلاناسىندا قىيعاچ چىعىشتان شامال چىعا تۇرعانىن، كەە بئر كەزدەردە قۇم-بوروون جە توپو جااي تۇرعانىن، سىنوو بەرۉۉچۉ وقۇۇچۇلار جانا اتا-ەنەلەرى، وشوندوي ەلە قاتىشتۇۇ قىزماتكەرلەر ساقتانۇۇعا بايقاستوو كەرەكتىگىن، مىندان بۅلۅك، تۉشتۉك شئنجاڭدىن كۅپ بۅلۉك جەرلەرى، چىعىش شئنجاڭدا ۇلاندۇۇ جوعورۇ تەمپىراتۇرالۇۇ اباا ىرايى كۅرۉلۅ تۇرعانىن تاانىشتىرىپ مىنداي دەدى: «تۉشتۉك شئنجاڭدىن كۅپ بۅلۉك جەرلەرىندە، چىعىش شئنجاڭدا 35 سەلتسىي گىرادۇستان جوعورۇ اباا ىرايى كۅرۉلۅت، تۇرپان، قومۇلدۇن بئر بۅلۉك رايوندورۇندا 40 سەلتسىي گىرادۇستان اشات. ۇلتىرا كۉلگۉن نۇرۇ قىيلا كۉچتۉۉ، وشوندۇقتان ىسىق ۅتۉپ قالۇۇدان ساقتانۇۇعا بايقاستوو كەرەك».

تاانىشتىرۇۇعا قاراعاندا، ۉرۉمچۉنۉن جاان-چاچىنى نەگىزدۉۉ 7- ايدىن 6- كۉنۉنۅن 7- كۉنۉنۅ چوردوندوشقون بولۇپ، 7- ايدىن 8- كۉنۉنۅن 9- كۉنۉنۅ چەيىن نەگىزىنەن ابا اچىق بولۇپ، تەمپىراتۇرا 30 سەلتسىي گىرادۇس ايلاناسىندا بولوت ەكەن. 

〖2020.07.04-23:47〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز