ادام كۉچۉ بايلىعى جانا قوومدۇق قامسىزدوو تارماقتارى جوعورۇ وقۇۇ جايىن بۉتۉرگۅن وقۇۇچۇلاردىن جۇمۇشتانۇۇسۇنا دەمىلگە بولدۇ

2020-06-28 10:52

 ازىرقى ۇچۇر جوعورۇ وقۇۇ جاي وقۇۇچۇلارىنىن وقۇۇ بۉتۉرۉۉ مەزگىلى بولعوندۇقتان، اپتونوم رايونۇبۇزدۇن جەر-جەرلەرىندەكى ادام كۉچۉ بايلىعى جانا قوومدۇق قامسىزدوو تارماقتارى ىشتىكتۉۉ تاقتاپ ىرەتتەپ، 6636 جۇمۇشقا ورۇنداشۇۇ پىراكتىكا جۇمۇش وردۇن چوعۇلتۇپ، 2020-جىلدىق جوعورۇ وقۇۇ جايىن بۉتۉرگۅن وقۇۇچۇلاردىن تانداشىنا قامدادى. ىستانسىيابىز قابارچىلارى دوڭ جى-يوڭ، گۇان شئياۋشئياۋنۇن قابارىنا كۅڭۉل بۇرۇڭۇزدار:

 اپتونوم رايوندۇق جالپىلىق جۇمۇشقا ورۇنداشۇۇعا تەيلۅۅ جۉرگۉزۉۉ مەكەمەسى جوعورۇ وقۇۇ جاي، ورتو تەحنىكومدۇ بۉتۉرگۅن وقۇۇچۇلاردىن جۇمۇشقا ورۇنداشۇۇسۇنا تەيلۅۅ جۉرگۉزۉۉ باشقارماسىنىن باشچىسى حان بئڭ قابارچىعا، 6636 جۇمۇشقا ورۇنداشۇۇ پىراكتىكا جۇمۇش وردۇ بۉت شئنجاڭدىن 14 ايماق، وبلاس، شاارىنا جايعاشقاندىعىن، 2900 ورگان كەسىپ ورۇنداردىن جۇمۇش وردۇن، 776 ماملەكەت مەنچىگىندەكى كەرقانانىن جۇمۇش وردۇن جانا 2960 ورتو، چاقان، مايدا كەرقانانىن جۇمۇش وردۇن قامتىيتۇرعاندىعىن ايتىپ مىنداي دەدى: پىراكتىكاعا قاتىشقان وقۇۇ بۉتۉرگۅن وقۇۇچۇلار پىراكتىكا مەزگىلىندە جەرگىلىكتىن ەڭ تۅمۅن مايانا ۅلچۅمۉندۅكۉ تۇرمۇشتۇق اقى تولۇقتاماسىنان باارلانات، وشونۇ مەنەن بىرگە، پىراكتىكا ىشتەتىپ جاتقان ورۇندار جەرگىلىكتىن ەڭ تۅمۅن مايانا ۅلچۅمۉنۉن 50پايىزىنان تۅمۅن بولبوعون جۇمۇش وردۇ تولۇقتاماسىن تاراتات، ارى دەنەسى كۉتۉۉسۉز جارالانۇۇ قامسىزداندىرۇۇسۇن بۉتۉرۉپ بەرەت؛ پىراكتىكا ىشتەتۉۉچۉ ورۇندار پىراكتىكا ۇباقتى توشو ەلەكتە ەلە پىراكتىكا ىشتەگەن وقۇۇ بۉتۉرگۅن وقۇۇچۇلار مەنەن 2جىلدان جوعورۇ مۅۅنۅتتۅكۉ ەمگەك توقتومۇنا قول قويۇپ، ارى قوومدۇق قامسىزداندىرۇۇ تاپشىرعان بولسو، اشىپ قالعان مەزگىلدەكى پىراكتىكا تولۇقتاماسىن پىراكتىكا ىشتەتۉۉچۉ ورۇنعا تاراتىپ بەرسە بولوت. 

 حان بئڭ: پىراكتىكا ىشتۅۅگۅ اجاتتۇۇ 2020-جىلدىق جوعورۇ وقۇۇ جايىن بۉتۉرگۅن وقۇۇچۇلار ۉچ تۉردۉۉ ىڭعايدا جۇمۇش وردۇن تانداسا بولوتۇرعاندىعىن تاانىشتىرىپ مىنداي دەدى:بىرىنچىدەن نوپۇسۇ بار جەردەكى ادام كۉچۉ بايلىعى جانا قوومدۇق قامسىزدوو تارماعىنا بارىپ، پىراكتىكا ىشتۅۅ سۇنۇشۇن ورتوعو قويسو بولوت، ادام كۉچۉ بايلىعى جانا قوومدۇق قامسىزدوو تارماقتارى وشول وقۇۇچۇنۇن وقۇۇ تارىحى وشوندوي ەلە كەسىبىنە نەگىز پىراكتىكا ىشتەتۉۉچۉ ورۇنعا تاانىشتىرىپ، «پىراكتىكا ىشتۅۅ قاتتاتۇۇ جادىبالىن» چىعارىپ بەرەت، جۅن بىلىگى، وقۇۇ بۉتۉرۉۉ كۉبۅلۉگۉ سىياقتۇۇلاردى الىپ، پىراكتىكا ىشتەچۉۉ ورۇنعا بارىپ قاتتالسا بولوت. ەكىنچىدەن، شئنجاڭ جالپىلىق جۇمۇشقا ورۇنداشۇۇعا تەيلۅۅ جۉرگۉزۉۉ تورۇ، جۇڭگو شئنجاڭ ىشكەرلەر تورۇنا چىعىپ، ۅزۉنۅ ىلايىق كەلگەن پىراكتىكا ىشتۅۅ جۇمۇش وردۇن ىزدەپ تااپ، تانداسا، ارى پىراكتىكا ىشتەتۉۉچۉ ورۇن مەنەن تىكە بايلانىشىپ، پىراكتىكاعا قاتىشسا بولوت. ۉچۉنچۉدۅن، اپتونوم رايون وشوندوي ەلە جەر-جەرلەردىن جوعورۇ وقۇۇ جايىن بۉتۉرگۅن وقۇۇچۇلارعا تەيلۅۅ جۉرگۉزۉۉ تىنىمسىز بايلانىشىنا تەلەفون چالىپ، جەرگىلىكتىن پىراكتىكا ىشتەتۉۉچۉ ساياساتتارىن وشوندوي ەلە جۇمۇش وردۇ ابالىن سۇراشتىرىپ، پىراكتىكا ىشتۅۅ ۅتۉنۉچۉن ورتوعو قويسو بولوت. 

〖2020.06.28-10:52〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز