2020- جىلى جوعورۇ وقۇۇ جايىن بۉتۉرگۅن وقۇۇچۇلاردى «ۉچكۅ جاردام بەرۉۉ، بئردى جۅلۅۅ» بويۇنچا قابىلدوو قىزماتى ىراسمئي باشتالدى

2020-06-26 11:30

6- ايدىن 25- كۉنۉ، 2020- جىلى جوعورۇ وقۇۇ جايىن بۉتۉرگۅن وقۇۇچۇلاردى «ۉچكۅ جاردام بەرۉۉ، بئردى جۅلۅۅ» بويۇنچا قابىلدوو قىزماتى ىراسمئي باشتالدى. ىستانسىيابىز قابارچىلارى دوڭ جى-يوڭ، مئياۋ يۉ-ىندىن قابارى نازارىڭىزداردا: 

«ۉچكۅ جاردام بەرۉۉ، بئردى جۅلۅۅ» − جوعورۇ وقۇۇ جايى وقۇۇچۇلارى وقۇۇسۇن بۉتۉرگۅندۅن كىيىن ايىل- قىشتاقتارداعى نەگىزگى قاتمارعا بارىپ ايىل-چاربانىن ۉچ ىشىنە جاردام بەرۉۉ، وقۇتۇۇعا جاردام بەرۉۉ، دارىلووعو جاردام بەرۉۉ جانا كەمباعالداردى جۅلۅۅ قىزماتىن كۅرسۅتۅت. بۇل جولقۇ «ۉچكۅ جاردام بەرۉۉ، بئردى جۅلۅۅ» بويۇنچا قابىلدوو وبەكتى بۉتۉن كۉندۉك دەمەيدەگى جوعورۇ وقۇۇ جايىن بۉتۉرگۅن وقۇۇچۇلار، ۉچ جىل ىچىندە وقۇۇسۇن بۉتۉرگۅن جوعورۇ وقۇۇ جايى وقۇۇچۇلارىن قامتىيت، تۉيۉندۉۉسۉ وقۇۇ بۉتۉرۉۉ الدىندا تۇرعان جوعورۇ وقۇۇ جايىن بۉتۉرگۅن وقۇۇچۇلاردى قابىلدايت. 

اپتونوم رايوندۇق ادام كۉچۉ بايلىعى جانا قوومدۇق قامسىزدوو نازاراتى جۇمۇشتاندىرۇۇنۇ ىلگەرى سۉرۉۉ باشقارماسىنىن ورۇن باسار باشچىسى ما جاۋفىڭ بىيىل اپتونوم رايون «ۉچكۅ جاردام بەرۉۉ، بئردى جۅلۅۅ» بويۇنچا قابىلدوو پئلان بۅلۉشتۉرۉۉسۉندۅ «ۉچكۅ ووشۇۇ»نۇ جولعو قويعونۇن تاانىشتىرىپ مىنداي دەدى: «بئرىنچىسى تۉشتۉك شئنجاڭداعى تۅرت ايماق- وبلاسقا ووشۇۇ، قابىلدوو پئلانىنىن ٪50ىن اقسۇۇ ايماعى، قاشقار ايماعى، حوتەن ايماعى جانا قىزىلسۇۇ وبلاسىنا تۉشۉرۉلۅت. ەكىنچىسى جالپىلىق سالاماتتىق ساقتوو تەيلۅۅ سالااسىنا ووشۇۇ، جالپىلىق سالاماتتىق ساقتوو تەيلۅۅ نەگىزى السىز رايونعو، دارىلوو بويۇنچا جاردام بەرۉۉ تەيلۅۅ قىزماتكەرلەرىن تانداپ جىبەرۉۉ ەپكىنى اشىرىلات. ۉچۉنچۉسۉ جۇمۇشقا ورۇنداشۇۇسۇ قىيىن ارحئپ تۇرعۇزۇپ كارتا بۉتۉرۉلگۅن كەمباعال ۉي- بۉلۅلۅر، ۉيۉندۅ بئر داعى كىشى جۇمۇشقا ورۇنداشپاعان ۉي- بۉلۅدۅگۉ جوعورۇ وقۇۇ جايىن بۉتۉرگۅن وقۇۇچۇلارعا ووشۇۇ، بۇل ۉي- بۉلۅدۅگۉ جوعورۇ وقۇۇ جايىن بۉتۉرگۅن وقۇۇچۇلار الدى مەنەن قابىلدانات». 

«ۉچكۅ جاردام بەرۉۉ، بئردى جۅلۅۅ» پئلانى - ادام كۉچۉ بايلىعى جانا قوومدۇق قامسىزدوو مىنىستىرلىگى باش بولۇپ ۇيۇمداپ جولعو قويعون نەگىزگى قاتمارعا تەيلۅۅ جۉرگۉزۉۉ تۉرۉ، نەگىزگى قاتمارعا ىشكەرلەردى جىبەرۉۉ، ىشكەرلەردى تاربئيالوو، ىشكەرلەردى قارماپ قالۇۇنۇن زارىل جولدورۇنۇن بئرى. «ۉچكۅ جاردام بەرۉۉ، بئردى جۅلۅۅ» قىزماتكەرلەرىنىن تەيلۅۅ مۅۅنۅتۉ 2 جىل، تەيلۅۅ مۅۅنۅتۉندۅ جانا مۅۅنۅتۉ توشقوندور بىردەي تىيىشتۉۉ جەڭىلدىك ساياسات قولدووسۇنا ەە بولوت. ما جاۋفىڭ مىنداي دەدى: «تۇرمۇش تولۇقتاماسى بەرىلەت، <ۉچكۅ جاردام بەرۉۉ، بئردى جۅلۅۅ> قىزماتكەرلەرىنىن تەيلۅۅ مۅۅنۅتۉندۅ، تۉشتۉك شئنجاڭداعى تۅرت ايماق- وبلاس بئر كىشىگە جىلىنا 40 مئڭ يۇان ۅلچۅم بويۇنچا تولۇقتاما بەرەت. <ۉچكۅ جاردام بەرۉۉ، بئردى جۅلۅۅ> قىزماتكەرلەرىنىن تەيلۅۅ مۅۅنۅتۉ 6 اي تولعون جانا اندان جوعورۇ بولعوندورۇنا، بئر جولۇ 3 مئڭ يۇاندىق ۉيۉن جايعاشتىرۇۇ تولۇقتاماسى بەرىلەت». 

قاتىشۇۇ قاالووسۇ بار جوعورۇ وقۇۇ جايىن بۉتۉرگۅن وقۇۇچۇلار 7- ايدىن 25- كۉنۉنۅن مۇرۇن، «شئنجاڭ جالپىلىق جۇمۇشقا ورۇنداشتىرۇۇ تەيلۅۅ تورۇ»نا چىعىپ قاتتالسا بولوت. 

〖2020.06.26-11:30〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز