مورى قازاق اپتونوم وودانىنىن جۅرۅلگۅلۉۉ قىشتاقتاردى قورعوو نئزامى

2020-06-26 11:27

6- ايدىن 24- كۉنۉ، مورى قازاق اپتونوم وودانى «مورى قازاق اپتونوم وودانىنىن مادانئي اراكەتتەردى ىلگەرى سۉرۉۉ نئزامى»، «مورى قازاق اپتونوم وودانىنىن ەكولوگىيالىق چۅيرۅنۉ قورعوو نئزامى»، «مورى قازاق اپتونوم وودانىنىن جۅرۅلگۅلۉۉ قىشتاقتاردى قورعوو نئزامى»ن جارىيالاپ جولعو قويۇۇ اقپارات جارىيالوو جىيىنىن اچتى. ساسىق تۇمووعو چالدىقسا ماسكە تارتۇۇ، ارنالۇۇ چۅكۅ، قاشىق ىشتەتۉۉ جانا تاماقتانعاندا بۅلۉنۉپ تاماقتانۇۇنۇ جولعو قويۇۇ تۉزۉمۉ قاتارلۇۇلاردى تۇنعۇچ جولۇ جەرگىلىكتۉۉ زاكون تۇرعۇزۇۇعا كىرگىزدى. ەمى سانجى رادىيو-تەلەۋىزىيا ىستانسىياسىنىن قابارچىسى جۇ لئجۉندۉن بۇل جۅنۉندۅكۉ قابارى نازارىڭىزداردا: 

«مورى قازاق اپتونوم وودانىنىن مادانئي اراكەتتەردى ىلگەرى سۉرۉۉ نئزامى»- مورى قازاق اپتونوم ووداندىق ەل قۇرۇلتايى تۉزۉپ چىققان 5- بۅلۉك جەكە جولعو قويعون نئزام، وشوندوي ەلە بۉت شئنجاڭداعى اپتونوم وودان چۅلكۅمۉ ىچىندە مادانئي اراكەتتى ىلگەرى سۉرۉۉ جاعىندا چىعارعان بئرىنچى بۅلۉك جەكە جولعو قويعون نئزام بولۇپ، 7- ايدىن 1- كۉنۉنۅن باشتاپ ىراسمئي جولعو قويۇلات. اتالعان «نئزام» كۅرۉنگۅن جەرگە تۉكۉرۉۉ، تاشتاندىنى باش-الامان ىرعىتۇۇ، باش-الامان جولدون كەسىپ ۅتۉۉ، قىزىل چىراقتان ۅتۉۉ قاتارلۇۇ مادانئياتسىز جوورۇقتارعا قاراتا قاتىشتۇۇ جازالوو چاراسىن انىق بەكىتىپ، مادانئي تاماقتانۇۇ، مادانئي اجاتقا ولتۇرۇۇ، مادانئي دارىلانۇۇ، مادانئي ساياقاتتوو، مادانئي سوودا ىشتۅۅگۅ دەمىلگەلەيت. وشونۇ مەنەن قاتار، بۅلۉنۉپ تاماقتانۇۇ تۉزۉمۉ، ارنالۇۇ چۅكۅ، قاشىق داعى تۇنعۇچ جولۇ جەرگىلىكتۉۉ زاكون تۇرعۇزۇۇعا كىرگىزىلدى.

 مورى قازاق اپتونوم ووداندىق سالاماتتىق ساقتوو دەن سوولۇق كومىتەتىنىن مۇدۇرۇ حى پىيجۉن مىنداي دەدى: «بئز جاڭىچا تااجى سىمال ۋئروس ۅپكۅ سەزگەنچى ىلدەتىنىن الدىن الىپ تىزگىندۅۅ بارىشىندا قالىپتاندىرعان كەە بئر جاقشى مەحانىزىم، جاقشى ارعا، جاقشى اداتتاردى «مورى قازاق اپتونوم وودانىنىن مادانئي اراكەتتەردى ىلگەرى سۉرۉۉ نئزامى»نا كىرگىزدىك. مئسالى، ساسىق تۇمووعو چالدىققان كىشىلەر سىرتقا چىققاندا ماسكە تارتۇۇ، بۅلۉنۉپ تاماقتانۇۇ تۉزۉمۉن جولعو قويۇۇ، ارنالۇۇ چۅكۅ، قاشىق ىشتەتۉۉ قاتارلۇۇلاردى «نئزام»عا كىرگىزىپ، زاكوندۇق ‹قاتۇۇ تۉزۉم› ارقىلۇۇ، شاار، ايىل تۇرعۇندارىنىن مادانئي اداتتاردى جەتىلدىرۉۉسۉن ىلگەرى سۉرۅبۉز». 

وشول كۉنۉ، مورى قازاق اپتونوم وودانى داعى جاڭىدان تۉزۅتكۅن «مورى قازاق اپتونوم وودانىنىن ەكولوگىيالىق چۅيرۅنۉ قورعوو نئزامى»ن جانا «مورى قازاق اپتونوم وودانىنىن جۅرۅلگۅلۉۉ قىشتاقتاردى قورعوو نئزامى»ن جارىيالادى. مورى قازاق اپتونوم ووداندىق ەل قۇرۇلتاي تۇراقتۇۇ كومىتەتى پارتگۇرۇپپاسىنىن شۇجئسى، ورۇن باسار مۇدۇرۇ ۋۇ يانلئن مىنداي دەدى: «3 «نئزام»دى تۉزۉپ چىعىپ جارىيالوو، مورى وودانىنىن ەكولوگىيا مادانىيلىك قۇرۇلۇشۇن جىلىشتاتۇۇ، ايىل-قىشتاقتاردى گۉلدۅنتۉۉ ىستىراتەگىياسىن جولعو قويۇۇ، سوتسىيالىستىك ۅزۅكتۉۉ نارق قاراشىن ۅرچۉتۉۉدۅكۉ زارىل بولعون زاكون، تۉزۉم كەپەلەتى، بۇل قووز ايىل-قىشتاق قۇرۇلۇشۇ، ەكولوگىيالىق چۅيرۅنۉ قورعوو جانا جاقشىرتۇۇ، قوومدۇق جالپىلىق مادانىيلىك دەڭگەەلىن جوعورۇلاتۇۇنۇ مويۇن سۇنۇۇچۇ تۉپكۉ زاكون، بەلگىلەمە مەنەن قامدادى، وشوندوي ەلە مورى وودانىنىن باشقارۇۇ سىستەماسى جانا باشقارۇۇ قۇرباتىن زامانداشتىرۇۇنۇ جىلىشتاتۇۇ بارىشىندا زارىل رولۇن كۅرسۅتۅت».

〖2020.06.26-11:27〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز