اپتونوم رايونۇبۇز ىنتەرنەتتە جۉز كۉندۅ ون مئللىيون قىزماتكەر قابىلدوو اتايىن تۉر اراكەتى بويۇنچا كەسپىي ورۇنداردىن اتايىن مايدان قىزماتكەر قابىلدوو چوعۇلۇشۇن ۅتكۅرۅت

2020-05-16 12:12

 5- ايدىن 15- كۉنۉنۅن 5- ايدىن 21- كۉنۉنۅ چەيىن جۇڭگو شئنجاڭ ىشكەرلەر ىنتەرنەت تورۇ شئنجاڭ ىنتەرنەتتە جۉز كۉندۅ10مئللىيون قىزماتكەر قابىلدوو اتايىن تۉر اراكەتى بويۇنچا كەسپىي ورۇندار اتايىن مايدان قىزماتكەر قابىلدوو چوعۇلۇشۇن ۅتكۅرۅت، 20 قىزماتكەر قابىلدوو وردۇ چوعۇلۇشقا قاتىشىپ، 3941 ادام قابىلدوونۇ پئلاندادى. ەمى ىستانسىيابىز قابارچىسى دوڭ جىيوڭدۇن بۇل جۅنۉندۅكۉ قابارى نازارىڭىزداردا. 

كەسپىي ورۇنداردىن اتايىن مايدان قىزماتكەر قابىلدوو چوعۇلۇشۇنا قاتىشقان ورۇنداردان اپتونوم رايوندۇق ىنتىماق كومىتەتى، شئنجاڭ قوومدۇق ىلىمدەر اكادەمىياسى، شئنجاڭ رادىيو- تەلەۋىزىيا ىستانسىياسى، شئنجاڭ قازىنا داشۅسۉ سىياقتۇۇ 20 ورۇن بار، تەيلۅۅ وبەكتى نەگىزىنەن جوعورۇ وقۇۇ جايىن بۉتۉرگۅن وقۇۇچۇلار بولۇپ، قىزمات وردۇ وقۇتۇۇچۇلۇق، قابارچى رەداكتور، دوقتۇر، سەستىرا، بوعالتىر، اكىمچىلىك قىزماتكەر سىياقتۇۇلارعا چاتىشات. اپتونوم رايوندۇق ادام كۉچۉ بايلىعى بازارى بازار بۅلۉمۉنۉن باشچىسى ما يانلئڭ مىنداي دەدى:«قىزمات ىزدۅۅچۉلۅر جۇڭگو شئنجاڭ ىشكەرلەر ىنتەرنەت تورۇ باش بەتىندەگى ەكىنچى سۉرۅت بەلگىسىن چەگىپ <كەسپىي ورۇندار اتايىن مايدان ىنتەرنەتتە قىزماتكەر قابىلدوو چوعۇلۇشۇنا» كىرىپ، تاپسئلىي ماالىماتتى تەكشەرسە بولوت، قاتتاتۇۇ كەڭەش سۇروو سىياقتۇۇ ىشتەردە تۅتۅ قابىلدووچۇ ورۇن مەنەن بايلانىش جاساسا بولوت». 

بىلۉۉگۅ قاراعاندا، ىنتەرنەتتە جۉز كۉندۅ 10 مئللىيون قىزماتكەر قابىلدوو اتايىن اراكەتىن ادام كۉچۉ بايلىعى جانا قوومدۇق قامسىزدوو مىنىستىرلىگى باشتاعان بولۇپ، بۉت ماملەكەتتىن جەر- جەرلەرىندەگى جالپىلىق جۇمۇشقا ورۇنداشتىرۇۇ تەيلۅۅ اپپاراتى مەنەن بىرگەلەشىپ، جۉز كۉن ۇباقىتتان پايدالانىپ، ون مئللىيون قىزمات وردۇ ماالىماتىن چوردووندۇۇ تاانىشتىرىپ، تۇرۇقتۇۇ جۇمۇشتاندىرۇۇ جانا جۇمۇش، ۅندۉرۉشتۉ قالبىنا كەلتىرۉۉنۉ تۉرتمۅكتۅيت. ما يانلئڭ مىنداي دەدى:« بئز كىيىنچە مايىپتار، اسكەرلىكتەن قايتقاندار سىياقتۇۇلارعا ۅزگۅچۅ اتايىن مايدان جانا ساياقات كەسىبى، قىز- كەلىندەردى جۇمۇشتاندىرۇۇ اتايىن مايدانى، ورتو، چاقان كەرقانالار سىياقتۇۇ كەسپىي اتايىن مايدان چوعۇلۇشتاردى ۅتكۅرۉۉنۉ پئلاندادىق، كۅپ تۉردۉۉ جول ارقىلۇۇ قىزمات وردۇ ماالىمات قاينارىن كەڭىرتىپ، قىزماتكەر قابىلدوو قىزمات وردۇ ماالىماتىن چوردووندۇ جارىيالاپ، قىيمىلدىق ابالدا جاڭىلاپ، داعى دا كۅپ قىزمات ىزدۅۅچۉلۅرگۅ ىنتەرنەتتە قىزماتكەر قابىلدوو ارقىلۇۇ جۇمۇشتانۇۇسۇنا جاردام بەرەبىز». 

〖2020.05.16-12:12〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز