سانجى شاارى جالپىلىق سوورۇنداردىن تازالىق ۇرۇقسات گۉبۅلۉگۉن قاراپ چىعىپ تاستىقتوونۇ ەڭ وبولۇ كۉچۉنۅن قالتىردى

2020-05-15 10:36

سانجى شاارى شئنجاڭ بويۇنچا جالپىلىق سوورۇنداردىن تازالىق ۇرۇقسات گۉبۅلۉگۉن قاراپ چىعىپ تاستىقتوونۇ ەڭ وبولۇ كۉچۉنۅن قالتىرىپ، «جالپىلىق سوورۇنداردىن تازالىق ۇرۇقسات گۉبۅلۉگۉن قاتتاتۇۇ جادىبالى»ن تاراتۇۇ ارقىلۇۇ، «بوسوعونۇ تۅمۅندۅتۉپ، كىرۉۉنۉ كەڭىرى قويوو بەرىپ، قاتااڭ باشقارۇۇ»، تئجارات چۅيرۅسۉن سىزىل قىلداشتىردى. ەمى سانجى رادىيو-تەلەۋىزىيا ىستانسىياسىنىن قابارچىلارى چىن حۇي، ما شۉنۉن بۇل جۅنۉندۅكۉ قابارى نازارىڭىزداردا: 

5- ايدىن 13- كۉنۉ تۉشتۅن مۇردا، سانجى شااردىق شاار تۇرعۇندارىنا تەيلۅۅ جۉرگۉزۉۉ بوربورۇ ئش بۉتۉرۉۉ كۅزۉنۅگۉندۅ، سانجى شاارىنداعى بئر اجارلاندىرۇۇ چاچ جاسوو دۉكۅنۉنۉن جووپتۇسۇ شئياۋ جى-يوڭ 10 قانچا مئنۇت كۉتۉپ تۇرۇپ ەلە، جالپىلىق سوورۇنداردىن تازالىق ۇرۇقسات گۉبۅلۉگۉن قاتتاتۇۇ جادىبالىن قولۇنا الدى. ال قابارچىعا مىنداي دەدى: «تئجارات گۉبۅلۉگۉ مەنەن تازالىق گۉبۅلۉگۉن قاتتاتۇۇ جادىبالىن بىرگە الدىق، مىنداي بولعوندو ۇباقىت كىچىنە قىسقارىپ، ەرتەلەپ تئجارات باشتاي الات ەكەنبىز. تئجارات قىلۇۇ مەنەن قاتار، سالاماتتىق ساقتوو تارماقتارى بئزدى كۅزۅمۅلدۅپ ايداقتاپ تۇرات، بئز داعى الاردىن تازالىق ىشتەرىن جاقشى ىشتۅۅسۉنۅ شايكەشەبىز.» 

«قويو بەرۉۉ، باشقارۇۇ، تەيلۅۅ» ىسلااتىن داعى بئر دەمجىي تەرەڭدەشتىرىپ، ۅكۉمۅت ىشتەرى تەيلۅۅ چۅيرۅسۉن جوعورۇ كۅتۅرۉۉ ۉچۉن، 5- ايدىن 13- كۉنۉنۅن باشتاپ، سانجى شاارى جالپىلىق سوورۇنداردىن تازالىق ۇرۇقسات گۉبۅلۉگۉن قاراپ چىعىپ تاستىقتوونۇ كۉچۉنۅن قالتىرىپ، تئجاراتچىلاردىن تازالىق ۇرۇقسات گۉبۅلۉگۉن الۇۇنۇن كەرەگى قالبادى، تەك قاتتاتىپ قويسو ەلە جالپىلىق سوورۇندارداعى تئجارات قىيمىلىن قۇلاچ جايدىرا الات. بئروق، 50 كىشىلىك جانا اندان كۅپ بۅلمۅلۉۉ جاتاق سوورۇندارى، جاسالما سۇۇ مالتوو سوورۇندارى جانا چوردوندۇۇ اباا تەڭشەپ شامال ۅتۉشۉۉ سىستەماسىن ورنوتقون سوورۇندار قاتارلۇۇ 3 تۉردۉۉ سالاماتتىق قووپسۇزدۇق وپۇرتالى قىيلا جوعورۇ بولعون جالپىلىق سوورۇندار مۇنۇن سىرتىندا. 

جالپىلىق سوورۇنداردىن تازالىق ۇرۇقسات گۉبۅلۉگۉن قاراپ چىعىپ تاستىقتوونۇ كۉچۉنۅن قالتىرعاندان كىيىن، ۅتۉنۉچ بەرۉۉچۉ اكىمچىلىك بويۇنچا قاراپ چىعىپ تاستىقتوو مەكەمەسىنىن كۅزۉنۅگۉ جە توردو تئجارات كەنەشكەگە ۅتۉنۉچ بەرۉۉ ماتەرىيالدارىن تاپشىرىپ، قاراپ چىعىپ شارتقا ىلايىق كەلگەندەن كىيىن، تئجارات كەنەشكەسى جانا جالپىلىق سوورۇنداردىن تازالىق ۇرۇقسات گۉبۅلۉگۉن قاتتاتۇۇ جادىبالىن قولۇنا العاندان كىيىن تئجارات باشتاسا بولوت. سانجى شااردىق اكىمچىلىك قاراپ تاستىقتوو مەكەمەسىنىن ورۇن باسار مەكەمە باشچىسى ۋاڭ يئمئن مىنداي دەدى: «بئز قاراپ چىعىپ تاستىقتوو تەيلۅۅ دەڭگەەلىن داعى بئر دەمجىي جوعورۇ كۅتۅرۉپ، تئجارات چۅيرۅسۉن قىلداشتىرىپ، بۉت زەەنىبىز مەنەن قالىققا، كەرقاناعا جاقشى تەيلۅۅ جۉرگۉزۉپ، سانجى شاارىبىزدىن ەكونومىكاسىن ۅنۉكتۉرۉۉنۉ كۉچتۉۉ كەپەلەت مەنەن قامدايبىز.» 


〖2020.05.15-10:36〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز