مەكەن سۉيۅردۉك تازالىق قىيمىلىن جىلىشتاتىپ، سالاماتتىقتى ساقتوو، دەن سوولۇق تاانىمىن كۉچۅتتۉ

2020-05-12 11:15

بئر قانچا كۉندۅن بەرى، اقسۇۇ ايماعىنىن ار قايسى چوڭ ايىل چاربا تۉشۉمدۅرۉ سوودا بازارى، سوودا ساراي، تاندا بازارلارى بۉت ەلدىن مەكەن سۉيۅردۉك تازالىق قىيمىلىن سىزىل قۇلاچ جايدىرىپ، تازالىقتى چوڭ تارتىپكە سالۇۇ، تۉردۉۉ ىلدەتتىن الدىن الۇۇ چارالارىن جۉزۅلۅشتۉرۉۉ ارقىلۇۇ، قالقتىن سالاماتتىقتى ساقتوو، دەن سوولۇق تاانىمىن داعى بئر دەمجىي كۉچۅتۉپ، تازا- ىرەتتۉۉ، مادانئي تارتىپتۉۉ ۅندۉرۉش تۇرمۇش چۅيرۅسۉن ورتوق جاراتتى. اقسۇۇ رادىيو تەلەۋىزىيا ىستانسىياسىنىن قابارچىسى چئن رۇي، جاڭ يوڭدۇن قابارى نازارىڭىزداردا: 

شئنجاڭ (اقسۇۇ) ايىل چاربا تۉشۉمدۅرۉ سوودا بوربورۇ - اقسۇۇ ايماعىنداعى ەڭ چوڭ جاشىلچا، مۅمۅ جانا ەت تۉرۉندۅگۉلۅر سوودا بازارى، 600دۅن اشۇۇن سووداگەر چوعۇلعان. 3- ايدىن باشتارىندا تئجاراتتى قالبىنا كەلتىرگەندەن بەرى، سوودا بوربورۇ سووداگەرلەردى ۇيۇمداپ چۅيرۅ تازالىعىن تارتىپكە سالۇۇ اراكەتىن دىلگىر قۇلاچ جايدىرىپ، تئجارات دۉكۅندۅرۉ، بازار ىچىندەگى جالپىلىق اجاتقانا، سۇۇ كۅلچۅگۉ، تاشتاندى چەلەگى سىياقتۇۇ نەگىزگى جابدۇۇلاردى تازالوو، تازالىعىن ساقتوو جانا دىزەنفەكسىيالوونۇ كۉچۅتتۉ. سووداگەر لۇ شئنشئى مىنداي دەدى: «بئز ار كۉنۉ ماالىندا دىزەنفەكسىيالاپ، تازالىق قىلابىز، بئر كۉندۅ كەمىندە 3 جولۇ بولوت، مايداندىن ئچىنىن تازالىعى بئر كۉندۅ توقتوبوي تازالانىپ تۇرات. بئز جاشىلچالاردى گۇاڭدوڭ، گۇاڭشئى، حاينان سىياقتۇۇ جەرلەردەن الىپ كەلگەندەن كىيىن تۉشۉرۉپ، ايرىپ، ساپات جانا سانىنا كەپىلدىك قىلعان چەندە شاار تۇرعۇندارىنا قامسىز جاشاڭ جاشىلچا جەدىرەبىز».

اندان باشقا، سوودا بوربورۇ بازار باشقارۇۇ تارماقتارى داعى ساتۇۇ بازارىنان الىس ورۇنعا تاشتاندى كونتەينەرىن ورنوتقون، سووداگەرلەردىن تاشتاندىلاردى بئر جاڭسىل قىلۇۇسۇن كۅزۅمۅلدۅپ تۇرات، چىمىن- چىركەيدىن كۅبۅيۉۉسۉنۉن الدىن الات. سوودا بوربورۇنۇن بازار باشقارۇۇ قىزماتىنا جووپتۇۇ بولعون جوڭتىيان يۇانشىڭ تئجارات جۉرگۉزۉۉ باشقارۇۇ شەرىكتىگى بازارعا نەگىزگى جووپتۇۇسۇ شئىيوڭ فۇشىڭ مىنداي دەدى: «بازارداعى سووداگەرلەردىن ەشىك الدىندا ۉچ باشتىق بار، كۉندۅكۉسۉن كۉندۅ تازالايت، تازالىقتى ساقتووچۇلار ەشىك الدىنا بارىپ چوردوندۇۇ جىيناپ الات، تاشتاندىنى تازالاپ تاشۇۇ پونكىتىنە الىپ بارات، چۅيرۅ قورعوو ماشئنا اتىرەتى كۉندۅكۉسۉن كۉندۅ تازالايت».

جاقىندا باي ووداندىق سالاماتتىقتى ساقتوو دەن سوولۇق كومىتەتى بازاردى كۅزۅمۅلدۅپ باشقارۇۇ مەكەمەسى، ايىل چاربا ايىل- قىشتاق مەكەمەسى سىياقتۇۇ كۅپ تارماقتار مەنەن بىرگەلەشىپ، ار قايسى ايىل چاربا تۉشۉمدۅرۉ سوودا بازارى ئچىنىن چۅيرۅ تازالىعى، بازار تارتئبى جانا تىرۉۉ باقما قاناتتۇۇلار سووداسى سىياقتۇۇ ابالداردى تۉيۉندۉۉ تەكشەردى. باقما قاناتتۇۇلار سووداسىن باشقارۇۇ ارعاسىنىن بايلانىشتۇۇ بەلگىلەمەسىن قاتاڭ جۉزۅلۅشتۉرۉپ، بەلگىلەمەگە قايچى جورۇقتار، زاكونسۇز تىرۉۉ باقما قاناتتۇۇلاردى سوودالاشۇۇ جورۇعۇ جانا تولۇمسۇز باقما قاناتتۇۇلار تۉشۉمۉن ساتۇۇ جورۇعۇن چەچكىن جويدۇ. زاكونسۇز باعۇۇ، ئش قوشۇۇ، تۉردۉۉ جاپاايى ايباناتتار تئجاراتىن قىلۇۇعا قاتاڭ تىيىم سالىپ، جاپاايى ايباناتتاردى زاكونسۇز تاشىپ ساتۇۇعا قاتاڭ سوققۇ ۇرۇپ، قالقتىن ۅمۉر جانا دەن سوولۇق قووپسۇزدۇعۇنا چىنىعى كەپىلدىك قىلدى. باي وودانى رىشئن ايىل چاربا تۉشۉمدۅرۉ سوودا بازارىنىن سووداگەرى ابدۇساتار عوپۇر مىنداي دەدى: «بازاردىن تازالىعى جاقشى، سوودابىز داعى جاقشى، تازا تازالايبىز، قاردارلار داعى كۅپ كەلەت». 

شايار وودانى جووپتۇۇ رايوندۇ كادىرلار كۅتۅرۅگۅ الۇۇ جووپتۇۇلۇق تۉزۉمۉن جولعو قويۇۇ ارقىلۇۇ، ار قايسى چوڭ سوودا ساراي، تاندا بازارلاردى تازالىق قىلىپ تارتىپكە سالۇۇ اراكەتىن سىزىل قۇلاچ جايدىرۇۇعا جەتەكتەپ، ىلدەتتىن الدىن الىپ تىزگىندۅۅنۉن تۉردۉۉ چارالارىن ىچكەلەشتىرىپ، جۉزۅلۅشتۉرۉپ، قالقتىن تازالىقتى سۉيۉۉ تاانىمىن داعى بئر دەمجىي كۉچۅتتۉ. شايار وودانىنداعى جئنچىياۋ تاندا بازارىندا، بۇيۇم ساتىپ الۇۇعا كەلگەن قاردارلار تارتىپتۉۉ دەنە تەمپىراتۇراسىن ۅلچۅتۉۉ جانا قولۇن دىزەنفەكسىيالوونۇ قابىلداعاندان كىيىن ىرەتى مەنەن تاندا بازارعا كىردى. تاندا بازاردى ار ەكى سااتتا بئر جولۇ دىزەنفەكسىيالايت، وشونۇ مەنەن قاتار ابا الماشتىرىپ، بۅلمۅ ئچىنىن ابا ۅتۉشۉپ تۇرۇۇسۇن ساقتايت. جئنچىياۋ اتاقتۇۇ تۉشۉمدۅر دۉر دۉينۅ چەكتۉۉ جووپتۇۇلۇق شەرىكتىگى اكىمچىلىك ئشقاناسىنىن مۇدۇرۇ كوڭ مئي مىنداي دەدى: «رايوندۇ بۅلۉشتۉرۉۉ مەحانىزىمى ارقىلۇۇ. كۅپچۉلۉكتۉن تازالىق تاانىمىن داعى بئر دەمجىي جوعورۇ كۅتۅرۉپ، كۅپچۉلۉككۅ تازا، ىرەتتۉۉ، سوو بۇيۇم ساتىپ الۇۇ چۅيرۅسۉن جاراتتىق».

〖2020.05.12-11:15〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز