ۉرۉمچۉ شااردىق تۇراق جاي كەپەلەتى جانا ۉي مۉلۉك باشقارۇۇ مەكەمەسى ۉيدۉن ارنالۇۇ رەمونت قارجىسىن باشقارۇۇ بوربورۇ مىنداي دەپ جارىيالادى

2020-05-08 11:12

جاقىندا ۉرۉمچۉ شااردىق تۇراق جاي كەپەلەتى جانا ۉي مۉلۉك باشقارۇۇ مەكەمەسى ۉيدۉن ارنالۇۇ رەمونت قارجىسىن باشقارۇۇ بوربورۇنۇن جارىيالاعان قابارىنا قاراعاندا، ۉي ارنالۇۇ رەمونت قىلۇۇ قارجىسن باشقارۇۇ بوربورۇ ىلدەتتىن الدىن الۇۇ، تىزگىندۅۅ قىزماتىنىن تالابىن جۉزۅلۅشتۉرۉپ، ادامدارىن توپتولۇۇسۇن ازايتۇۇ، وشونۇ مەنەن بىرگە شاار تۇرعۇندارىنا ەڭ زور داراجادا وڭتويلۇۇلۇق جاراتىپ بەرۉۉ ۉچۉن، رەمونت قارجى كەسىبىن شىبىر سۅزدۅ الدىن كەلىشىپ تەيلۅۅ جۉرگۉزۉ جۅندۅمۉن اچقان. ۉرۉمچۉ شاار تۇرعۇندارى ۅزۉنۉن بوش ۇباقىتىندا ەڭ قىسقا ۇباقىت ىچىندە رەمونت قارجىسىنا قاتىشتۇۇ كەسىپتەردى بۉتۉرۅ الات. 

    ۉيلۅردۉ ارنالۇۇ رەمونت قىلۇۇ قارجىسىن باشقارۇۇ بوربورۇ ماالىمات بۅلۉمۉنۉن قاتىشتۇۇ جووپتۇۇسۇ مىنداي دەدى: « مىندان مۇردا ۉرۉمچۉ شاارىنىن رەمونت قارجىسى تۉردۉۉ كۅزۅنۅك كەسىپتەرى ىچىندە، رەمونت قارجىسىن امانات قويۇۇ كەسىبىن بۉتۉرۉۉ جۅندۅمۉ بئر قىيلا كۅپ بولعوندۇقتان، جۇمۇش بۉتۉرۅ تۇرعان قالايىق-قالىققا وڭتويلۇۇلۇق جاراتۇۇ ۉچۉن، بۇل كەسىپتى وبولۇ توردو الدىن كەلىشىپ بۉتۉرۉۉ ىشكە اشىرىلعان. الدىن جەڭىشتۉۉ كەلىشكەن رەمونت قارجىسىن امانات قويۇۇعا تاپشىرۇۇ، ۅتكۅرۉۉ، تالوندۇ ۅزگۅرتۉۉ، تولۇقتاپ بۉتۉرۉۉ قاتارلۇۇ كەسىپتەردى كەسىپ ەەلەرىنىن بەلگىلەنگەن كەسىپ قابىلدوو كۅزۅنۅگۉنۅ بارىپ بۉتۉرسۅ بولوت». 

  تاانىشتىرىلىشىنچا، كەسىپ بۉتۉرمۅك بولعون شاار تۇرعۇندارى تەك ۉي ارنالۇۇ رەمونت قارجىسىن باشقارۇۇ بوربورۇنۇن شىبىر سۅز جالپىلىق نومۇرۇنا كۅڭۉل بۇرۇپ، وڭ جاق استىنداقى بۇرۇچۇنان « الدىن كەلىشۉۉ كەسىبىن بۉتۉرۉۉ» نۉ تانداپ، جۅن بىلگى جانا ۅزۉنۉن اتىن، فامئلىياسىن جۅنۅتۉپ بەرسە انان الدىن كەلىشە الات. 

    شىبىر سۅزدۅ الدىن كەلىشكەندە كەسىپ بۉتۉرۉۉ تۉرۉن ۅزگۅچۅ ەسكەرتۉۉنۉن كەرەگى جوق، تەك جۅن بىلگى نومۇرۇ جانا اتى-جۅنۉن كىرگىزسە ەلە بولوت، الدىن كەلىشۉۉ جەڭىشتۉۉ بولعوندون كىيىن سىستەما اپتوماتىك تۉردۅ بئر جولۇ نومۇر تاراتات جانا الدىن كەلىشۉۉ نومۇرۇنا نەگىز كەسىپ بۉتۉرۅ تۇرعان ۇباقىت بۅلۉگۉن تاانىشتىرىپ، ئش بۉتۉرۉۉچۉ قالايىق-قالىقتىن پايدالانۇۇسۇ ۉچۉن قامدايت. الدىن كەلىشۉۉ جەڭىشتۉۉ بولعونون كىيىن، ۉرۉمچۉ شاار تۇرعۇندارى قايتارعان ماالىمات بويۇنچا تۅتۅ رەمونت قارجى كەسىبىن قابىلدوو كۅزۅنۅگۉ جاشىل جولۇنا بارىپ بۉتۉرسۅ بولوت، كەزەكتە تۇرۇپ نومۇر چاقىرۇۇنۇن كەرەگى جوق. 

    ەەلەنىشىنچە، كەزەكتە كۅپ تۉردۉۉ ارعالار ارقىلۇۇ ۉي ەەلەرىنىن توۋار ۉي رەمونت قارجىسى ەسەپ ابالىن تەكشەرگەلى بولوت ەكەن. ۉرۉمچۉ شااردىق ۉي ارنالۇۇ رەمونت قارجىسىن باشقارۇۇ بوربورۇنۇن شىبىر سۅز جالپىلىق نومۇرۇندا، اپتوماتىك تەكشەرۉۉ تىزىمدىگىندە مىكىرو تەيلۅۅ ارقىلۇۇ «ادام بەتىن ايىرمالاندىرۇۇ + چىنىعى اتىنىن ىسپاتى» مەنەن ۉي ماالىماتىن بايلاعاندان كىيىن ، بايلانعان ۉيدۉن رەمونت قارجى ەسەپ ماالىماتىن تەكشەرگەلى بولوت. اندان باشقا، ۉرۉمچۉ شااردىق ەل ۅكۉمۅت تورۇ، ۉرۉمچۉ بانكەسىنىن چۅنتۅك تەلەفون تەرمىنالىندا تەكشەرسە جە رەمونت قارجى كەسىبىن قابىلدوو كۅزۅنۅگۉ، ۉرۉمچۉ بانكەسى جە گۉلدۅندۉرۉۉ بانكەسىنىن ار قايسى تئجارات تور تۉيۉندۅرۉنۅ بارىپ تەكشەرسە بولوت. 


〖2020.05.08-11:12〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز