ۉرۉمچۉ شاارىنداعى ەكى چوڭ جۉرگۉنچۉلۅر تاشمال بەكەتى شئنجاڭ ىچىندەگى 12 ۇزۇن جول لئنىياسىن قالبىنا كەلتىردى

2020-03-10 10:59

 3- ايدىن 9- كۉنۉنۅن باشتاپ، ۉرۉمچۉ ەل ارالىق ۇزۇن جولدۇ اۋتو ۇناا جۉرگۉنچۉلۅر تاشمال بەكەتى، تۉندۉك شاار تەگەرەگى جۉرگۉنچۉلۅر تاشمال بەكەتىندەگى 12 شاار ارا جۉرگۉنچۉلۅر تاشمال لئنىياسىندا تاشمال قالبىنا كەلدى. ەمى ىستانسىيابىز قابارچىىس لەن تئياندىن بۇل جۅنۉندۅكۉ قابارى نازارىڭىزداردا.

جاقىندا ۉرۉمچۉ شااردىق قاتتوو تاشمال مەكەمەسى ۉرۉمچۉ شااردىق جول تاشمالىن باشقارۇۇ مەكەمەسى مەنەن بىرگەلەشىپ قۇلاقتاندىرۇۇ جارىيالاپ، 3- ايدىن 9- كۉنۉ ساات نۅلدۅن باشتاپ، ۉرۉمچۉ شاارى تاش جول جۉرگۉنچۉلۅر تاشمال تەيلۅۅسۉن سەكىن تارتىپتۉۉ قالبىنا كەلتىرىپ، ار قايسى كەرقانالاردىن جۇمۇشتۇ، ۅندۉرۉشتۉ قالبىنا كەلتىرۉۉسۉ مەنەن ار ۇلۇت قالقىنىن ۅندۉرۉش تۇرمۇش اجاتىن قانااتتاندىرۇۇنۇ بەكىتكەن. ۉرۉمچۉ شااردىق تاش جول تاشمالىن باشقارۇۇ مەكەمەسى پارتگۇرۇپپاسىنىن ورۇن باسار شۇجئسى، باشچىسى شى جئڭتاۋنۇن تاانىشتىرۇۇسۇنچا، بۇل جولقۇ الدى مەنەن ۉرۉمچۉ ەل ارالىق ۇزۇن جولدۇ اۋتو ۇناا جۉرگۉنچۉلۅر تاشمال بەكەتى، تۉندۉك شاار تەگەرەگى جۉرگۉنچۉلۅر تاشمال بەكەتى سىياقتۇۇ ەكى 1- داراجالۇۇ جۉرگۉنچۉلۅر تاشمال بەكەتى جانا 12 شاار ارا جۉرگۉنچۉلۅر تاشمال لئنىياسىنىن تاشمالىن قالبىنا كەلتىرگەن. ال مىنداي دەدى: «12 جۉرگۉنچۉلۅر تاشمال لئنىياسى ايرىم- ايرىم تۉشتۉك شئنجاڭداعى حوتەن ايماعى مەنەن اقسۇۇ ايماعى، چىعىش شئنجاڭدان تۇرپاندىقىن قالبىنا كەلتىردىك، تۉندۉك شئنجاڭدا شىحانزا شاارى، ساۋان وودانى، شئحۇ شاارى، كۇيتۉن شاارى، قاراماي شاارى، چۅيچۅك شاارى، التاي شاارى جانا سانجى وبىلاستىنان فۇكاڭ شاارى، جەمىسار وودانى، گۇچۇڭ وودانى جانا مورئى وودانىنان تۇرعان 12 كەزۉۉچۉ لئنىيانى الدىنقى مەزگىلدە قالبىنا كەلتكىردىك. بەلەت ساتۇۇدا ەكى تۉردۅ ىڭعاي قولدونۇلدۇ، بئرى ىنتەرنەتتەن بەلەت ساتىپ الۇۇ، داعى بئرى جۉرگۉنچۉلۅر تاشمال بەكەتىنەن بەلەت ساتىپ الۇۇ، ەكى جۉرگۉنچۉلۅر تاشمال بەكەتى قىزماتكەرلەردى كۅبۅيتۉپ، كەزەكتەشىپ ورۇنداشتىرۇۇنۇ جاقشى ىشتەپ، ارتىنان ابالدىن ۅزگۅرۉۉشۉنۅ ەرچىپ اقىرىن كۅبۅيتۅت».

تاشمالدى قالبىنا كەلتىرگەن جۉرگۉنچۉلۅر تاشمال لئنىياسىندا كۉنۉنۅ بئر اپتوبۇس جۅنۅتۉلۉپ، «تۉيۉندۅن تۉيۉنگۅ» تۉز تاشمالدوو جولعو قويۇلات، ورتودو توقتوپ، جۉرگۉنچۉلۅردۉ چىعارىپ- تۉشۉربۅيت؛ ۅز اتى- جۅنۉ بويۇنچا اۋتو ۇنااعا ولتۇرۇۇ تۉزۉمۉ جولعو قويۇلات، جۉرگۉنچۉلۅر اۋتو ۇنااعا ولتۇرعاندا جۅن بىلىگى سىياقتۇۇ كۉچكۅ ەە كۉبۅلۉگۉ ارقىلۇۇ بەلەت ساتىپ الىپ اۋتو ۇنااعا ولتۇرۇۇ تئيىش. وشونۇ مەنەن قاتار قالىڭ جۉرگۉنچۉلۅردۉن جەكە قورعونۇۇنۇ جالپىلاي جاقشى ىشتەپ، بۉت بارىشتا سۅزسۉز ماسكە تارتىنىپ، بەكەت قىزماتكەرلەرىنىن دەنە تەمپەراتۇراسىن ۅلچۅپ تىزىمدۅۅ سىياقتۇۇ قاتىشتۇۇ قىزماتتارىن جاقشى ىشتۅۅسۉنۅ ىشتىكتۉۉ شايكەشۉۉسۉ تالاپ قىلىنات. شى جئڭتاۋ مىنداي دەدى: «جۇعۇشتۇۇ وورۇنۇن الدىن الىپ تىزگىندۅۅ ابالىنا نەگىز، ۇچۇردا جۉرگۉنچۉلۅر تاشمال بەكەتى بار باردىق رايون، ووداندار بىرلەشمە قىزمات گۇرۇپپاسىن قۇرۇپ، بئر نەەت بئر ماقساتتا جۉرگۉنچۉلۅردۉن وڭتويلۇۇ، سوو ساپارعا چىعۇۇسۇنا كەپەلەتتىك قىلات».

شى جئڭتاۋ قالىڭ جۉرگۉنچۉلۅرگۅ مىنا بۇلاردى ەسكەرەتتى: ەگەردە ساپارعا چىعۇۇ پئلانىڭىز بولسو جۉرگۉنچۉلۅر تاشمال تەيلۅۅسۉ تىنىمسىز لئنىياسىنا تەلەفون چالىپ داعى دا كۅپ ەڭ جاڭى اۋتو ۇناانىن جولعو چىعۇۇ ماالىماتىن بىلسە بولوت، ۉرۉمچۉ ەل ارالىق ۇزۇن جولدۇ اۋتو ۇناا جۉرگۉنچۉلۅر تاشمال بەكەتىنىن سۇرامجىلوو تەلەفونۇ: 0991-4875555. ۉرۉمچۉ تۉندۉك شاار تەگەرەگى جۉرگۉنچۉلۅر بەكەتىنىن سۇرامجىلوو تەلەفونۇ: 0991-5878898.

〖2020.03.10-10:59〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز