شئنجاڭ ايىل چاربا داشۅسۉ جۇرتۇنا قايتقان وقۇۇچۇلاردى ۅز جەرىندە جازعى ەگىنچىلىككە جاردام بەرۉۉگۅ چاقىرىق قىلدى

2020-03-08 11:12

  ۇچۇردا، جازعى ەگىنچىلىككە دايىندىق كۅرۉۉ مەزگىلى بولعوندۇقتان، شئنجاڭ ايىل چاربا داشۅسۉ دەمىلگە قاتىن چىعارىپ، مەكتەپتەكى بۉت وقۇۇچۇنۇ جۇرتۇنا قايتقان مەزگىلدە، ۅز جەرىندەكى جازعى ەگىنچىلىك ۅندۉرۉشۉنۅ جاردام بەرىپ، ايىل-قىشتاقتا ۉيرۅنۉپ، ايىل-قىشتاققا تەيلۅۅ جۉرگۉزۉۉگۅ چاقىرىق قىلدى. شئنجاڭ ايىل چاربا داشۅسۉنۉن وقۇۇچۇلارى ىشتىكتۉۉ ۉن قاتىپ، توردو ساباق ۉيرۅنۉۉنۉ قولدون بەربەگەن ابال استىندا، اتىز-ايدوولورعو تۉشتۉ. ەمى ىستانسىيابىز قابارچىسى لىي مئڭدىن بۇل جۅنۉندۅكۉ قابارى نازارىڭىزداردا:

  ەكى كۉندۅن بەرى، شئنجاڭ ايىل چاربا داشۅسۉ جايىت جانا چۅيرۅ ئلىمى شۅيۇانى ەكولوگىيا ئلىمى 2018- جىلدىق 1-كىلاس وقۇۇچۇسۇ ابدۇسالام تۇرعۇن جۇرتۇ- قارعالىق وودانى جاڭگالەسكى ايىلى عىنىچاقا قىشتاعىنىن قىشتاق تۇرعۇندارىنا جاڭعاق داراعىنىن شاعىن بۇتوو ارعاسىن كۅرسۅتۉپ، قىشتاق تۇرعۇندارىنىن جازعى ەگىنچىلىكتە جولۇققان ماسەلەلەرىن چەچۉۉگۅ جاردام بەردى. ال قابارچىعا مىنداي دەدى: «مەن داشۅنۉن وقۇۇچۇسۇمۇن، قىشتاق تۇرعۇندارى ماعا ىشەندى، الارعا جاڭعاق داراعىنىن شاعىن بۇتوو ارعاسىن ايتىپ بەرىپ، چامامدىن كەلىشىنچە الارعا جاردام بەردىم.»

   3- ايدىن 3- كۉنۉ، شئنجاڭ ايىل چاربا داشۅسۉ مەكتەپتەكى بۉت وقۇۇچۇلارعا ۅز جەرىندە جازعى ەگىنچىلىكە جاردام بەرۉۉ، جازعى ەگىنچىلىكە تەيلۅۅ جۉرگۉزۉۉ دەمىلگە قاتىن چىعارىپ، وقۇۇچۇلاردى ۉيرۅنگۅن كەسىپتىك بىلىمدەرىن جازعى ەگىنچىلىك ۅندۉرۉش قىزماتىن جەتەكتۅۅگۅ ىشتەتىپ، امالئيات بارىشىندا جولۇققان قىيىن ماسەلەلەرىن ىرەتتەپ، مۇعالىمگە، مەكتەپكە چاعىلدىرۇۇعا، دىيقاندارعا جاردام بەرىپ قىيىن ماسەلەسىن چەچۉۉگۅ شىقتاندىرعان. دەمىلگە قاتىن چىعارعاندان كىيىن، بۉت ماملەكەتتىن جەر-جەرلەرىندەكى شئنجاڭ ايىل چاربا داشۅسۉنۉن وقۇۇچۇلارى ىشتىكتۉۉ ۉن قاتقان. شئنجاڭ ايىل چاربا داشۅسۉ جانىبارلار ئلىمى شۅيۇانى جانىبارلار ئلىمى كەسىبىنىن 3- جىلدىق وقۇۇچۇسۇ شاچئرىلىتۇنۇن جۇرتۇ- ىچكى موڭعۇل اپتونوم رايونۇ توڭلئياۋ شاارى كىرچىن زويئى جوڭچىدەكى مالچىلىق رايونۇندا بولۇپ، ال مالچىلاردىن مال باقماچىلىقتاعى قىيىن ماسەلەلەرىن چەچۉۉگۅ دىلگىر جاردام بەرگەن. شاچئرىلىتۇ مىنداي دەدى: «مەكتەپتەكى وقۇتۇۇچۇلارىم، كىلاس مۇدۇرۇم دايىما بىزگە، بئلىمدى جاقشى ۉيرۅنۉپ سىرتقا چىققاندان كىيىن، وشول جاردامعا اجاتتۇۇ كىشىلەرگە جاردام بەرۉۉ كەرەك، مالچىلار بىزدەي كەسىپتىك مال دوقتۇرلارىنا اياباي اجاتتۇۇ دەپ ايتۇۇ ەلە. مەن وقۇۇمدۇ بۉتۉرگۅندۅن كىيىن نەگىزكى قاتمارعا بارىپ الارعا تەيلۅۅ جۉرگۉزۉۉنۉ ويلوپ جاتام.»

   شئنجاڭ ايىل چاربا داشۅسۉنۉن پارتكوم شۇجئسى شىيە شۇچئڭ قابارچىعا، بارعانسايىن كۅپتۅگۅن وقۇۇچۇلار جازعى ەگىنچىلىككە جاردام بەرۉۉ اراكەتىنە قاتىشقانىن ايتىپ مىنداي دەدى: «جاڭىچا تااجى سىمال ۋئرۇس ۅپكۅ سەزگەنچى وورۇسۇنۇن الدىن الىپ تىزگىندۅۅ مەنەن جازعى ەگىنچىلىك ۅندۉرۉشۉنۉن العىلىقتۇۇ ۇچۇرۇندا، شئنجاڭ ايىل چاربا داشۅسۉنۉن وقۇۇچۇلارى چاماسىنىن جەتكەنىنچە، جەرگىلىكتە جازعى ەگىنچىلىكە ىشتىكتۉۉ جاردام بەرىپ، دىيقاندارعا جاردامداشىپ چىنىعى ماسەلەسىن چەچىپ بەرىپ، جۇعۇشتۇۇ وورۇنۇن الدىن الىپ تىزگىندۅۅ مەنەن ەكونومىكا، قوومدۇ ۅنۉكتۉرۉۉدۅن تۇرعان قوش جەڭىشتى قولعو كەلتىرۉۉ ۉچۉن جاشتىق كۉچۉن ارناشتى».

〖2020.03.08-11:12〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز