بانكە اپپاراتتارى تۉردۉۉ ىنتەرنەتتەگى اقچا مامىلە تەيلۅۅسۉن الىپ چىعىپ، ورتو، چاقان، مايدا كەرقانالاردىن جۇمۇش، ۅندۉرۉشتۉ قالىبىنا كەلتىرۉۉسۉنۅ دەمۅۅر بولدۇ

2020-03-05 12:05

اپتونوم رايونۇبۇزداعى ار قايسى بانكە اپپاراتتارى تۉردۉۉ ىنتەرنەتتەگى اقچا مامىلە تەيلۅۅسۉن الىپ چىعىپ، ورتو، چاقان، مايدا كەرقانالاردىن جۇمۇش، ۅندۉرۉشتۉ قالىبىنا كەلتىرۉۉسۉنۅ دەمۅۅر بولدۇ

 جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇ ابالى كۅرۉلگۅندۅن بەرى، اپتونوم رايونۇبۇزداعى ار قايسى بانكەلەر ىنتەرنەتتەگى كەسپتەردى ىشتىكتۉۉ جايىلتىپ، «ۇچۇراشپاس ىڭعايداعى تەيلۅۅ» جولدورۇن كەڭىرتىپ، قووپسۇز ىڭعايلۇۇ بولعون ىنتىرنەتتەگى اقچا مامىلە تەيلۅۅسۉ مەنەن قامداپ، ورتو، چاقان، مايدا كەرقانالاردىن جۇمۇش، ۅندۉرۉشتۉ قالىبىنا كەلتىرۉۉسۉنۅ دەمۅۅر بولدۇ. ەمى ىستانسىيابىزدىن ۇنىۋەرسال قابارى نازارىڭىزداردا:   

ــ سئز بانكەبىزدىن «تئجارات بويۇنچا تەز قارىز اقچا بەرۉۉ» قىردارىبىزسىز، مەن سىزدى ىنتەرنەتتە قانداي اقچا الۇۇعا جەتەكتەيىن.....

3- ايدىن 2- كۉنۉ، جۇڭگو سوودا ۅنۅر جاي بانكەسى ۉرۉمچۉ شااردىق بۅلۉمچۅ بانكەسى شئنمىن جولۇ بۅلۉمچۅ بانكەسىنىن قىردارلاردى تەيلۅۅ بويۇنچا دەرەكتورۇ حوۋ جئڭ تەلەفون ارقىلۇۇ شئنجاڭ حاۋجىيانكاڭ چىنجىرسىمال دارى دۉكۅنۉ چەكتۉۉ شەرىكتىگىنىن باشقى دەرەكتورۇ ساۋ جئياڭلى نى ىنتەرنەتتە بانكە قارىز اقچا كەسىبىن بۉتۉرۉۉگۅ جەتەكتەپ جاتتى. ساۋ جئياڭلى مىنداي دەدى: «شەرىكتىگىبىز جۇعۇشتۇۇ وورۇ ابالى مەزگىلىندە ئسپىرت، ماسكە سىياقتۇۇ قورعونۇۇ بۇيۇمدارىن ساتىپ الۇۇعا تۇۇرا كەلدى. سوودا ۅنۅر جاي بانكەسى بىزگە «تئجارات بويۇنچا تەز قارىز اقچا الۇۇ»نۇن نورموسىن ەسكەرتىپ، بئز قول تەلەفون بانكەسى ارقىلۇۇ قارىز اقچانى الىپ، الدىداعى قىچاپ تۇرعان قىيىنچىلىقتى چەچتىك». 

جۇعۇشتۇۇ وورۇنۇن الدىن الىپ تىزگىندۅۅ مەزگىلىندە، جۇڭگو سوودا ۅنۅر جاي بانكەسى ۉرۉمچۉ بۅلۉمچۅ بانكەسى ىنتەرنەت بانكەسى، قول تەلەفون بانكەسى سىياقتۇۇ ىڭعايلار ارقىلۇۇ، قارجىنى بۅلۉپ بەرۉۉ، ىشەنىمدۉۉ قارىز اقچا مەنەن قامدوو، مالئيالىق سەلبىك سىياقتۇۇ جاقتاردان ورتو، چاقان، مايدا كەرقانالاردى تەز ىڭعايلۇۇ جوعورۇ بەرەكەتتۉۉ تەيلۅۅ مەنەن قامدادى. جۇڭگو سوودا ۅنۅر جاي بانكەسى ۉرۉمچۉ بۅلۉمچۅ بانكەسى جالپىعا نارپتۇۇ اقچا مامىلە كەسىبى بۅلۉمۉنۉن باش دەرەكتورۇ بئى پۇۋئي مىنداي دەدى: «تەلەفون، شىبىر سۅز سىياقتۇۇ ىڭعايلار ارقىلۇۇ كەرقانالار مەنەن بئر- بىرلەپ اشتاشتىرىپ، قارىز اقچا بەرۉۉگۅ بەرۉۉگۅ تىيىشتۉۉ بولعون 145 چاقان، مايدا كەرقاناعا 60 مئلىيون يۇان قارىز اقچا تاراتىپ، جۇعۇشتۇۇ وورۇ ابالى كەزىندە ۅزگۅچۅ جۇمۇشتۇ ۅزگۅچۅ بۉتۉردۉك».  

شاڭحاي پۇدوڭ ۅنۉگۉۉ بانكەسى ۉرۉمچۉ بۅلۉمچۅ بانكەسى الدى مەنەن ىنتەرنەتتەگى كەسپتەردى تالدوودون ۅتكۅرۉپ، ىنتەرنەتتەگى تۉشۉمدۅردۉ جايىلتۇۇ جانا ۉگۉتتۅۅنۉ ارتتىرىپ، پۇدوڭ بانكەسى APP سى، ىنتەرنەتتەگى بانكە جانا شىبىر سۅز جالپىلىق نومۇرۇ سىياقتۇۇ 3- جاق ۅرۉشۉ ارقىلۇۇ ىنتەرنەتتەگى اقچا مامىلە تۉشۉمدۅرۉن الىپ چىقتى. ورتو، چاقان، مايدا كەرقانالاردىن قارجى جۉگۉرتۉۉ اجاتىنا قاراتا، ايرىقچا جۇعۇشتۇۇ وورۇنۇن الدىن الۇۇعا چاتىلعان قاتىشتۇۇ كەرقانالارعا قاراتا، مۇردا بار بولعون قىردارلارعا قاراتا ەكى قىزمات كۉنۉنۅن اشپاعان ۇباقىتتا ىنتەرنەتتە تاستىقتوونۇ بۉتۉرۉپ، جاڭى قىردارلارعا قاراتا 72 ساات ىچىندە ىنتەرنەتتە تاستىقتوونۇ بۉتۉرۉپ، كەرقانالاردى ۉزگۉلتۉكسۉز «قان مەنەن قامداپ»، الاردىن جۇمۇش، ۅندۉرۉشتۉ قالبىنا كەلتىرۉۉسۉنۅ دەمۅۅر بولدۇ. شاڭحاي پۇدوڭ ۅنۉكتۉرۉۉ بانكەسى ۉرۉمچۉ بۅلۉمچۅ بانكەسى سوودا بانكە بۅلۉمۉنۉن ورۇنباسار باشقى دەرەكتورۇ

 گىڭ لئجىيان مىنداي دەدى: «1- ايدىن 20- كۉنۉنۅن كىيىن، پۇدوڭ ۅنۉكتۉرۉۉ بانكەسىنىن ۉرۉمچۉ بۅلۉمچۅ بانكەسى تۉردۉۉ ناسىيالاردان جالپى 930 مئىيون يۇان تاراتتى، بۇل نەگىزىنەن ەلەكتىر ەنەرگىيا كەسىبى، ئمپورت- ەكىسپورت سوودا كەرقانالارى، بولوت- تەمىر كەسىپتەرى، دارى كەرقانالارى، جابدۇۇ جوسووچۇلۇق كەسىبى، چەكەنە ساتۇۇ كەسىپتەرى، زات جۉگۉرتۉۉ كەسىپتەرى سىياقتۇۇ كەرقانالاردى قامتىدى».

قومۇل شااردىق سوودا بانكەسى «تەيلۅۅنۉ توقتوتۇپ قويبوو»دو بەكەم تۇرۇپ، جۇعۇشتۇۇ وورۇ ابالى مەزگىلىندە الىستان ۇقۇق ىيعارۇۇ، تەلەفوندو باارلاشۇۇ، ىنتەرنەتتە جۇمۇش بۉتۉرۉۉ سىياقتۇۇ ىڭعايلاردى قولدونۇپ، اتايىن ادام ورۇنداشتىرىپ ورتو، چاقان، مايدا كەرقانالار مەنەن اشتاشتىرىپ، ىنتەرنەتتە «بىرگە بئر» بۇيرۇتمالۇۇ تەيلۅۅنۉ قۇلاچ جايدىردى، وشونۇ مەنەن قاتار قىردارلاردى تەيلۅۅ تەلەفونۇن قابىلدوو ۇباقتىن ىلايىعىندا ۇزارتىپ، كەرقانالاردىن اجاتىن ماالىندا بئر جاقتىلۇۇ قىلدى. قومۇل شااردىق سوودا بانكەسى تئجارات باشقارۇۇ بۅلۉمۉنۉن مۇدۇرۇ شىنيوڭ مىنداي دەدى: «بئز قاتىشتۇۇ كەسپ توپتورۇن قۇردۇق، قايسى كەسپكە چاتىشتۇۇ بولسو، ۇشۇل كەسپتىك توپ ىچىندەگى قاتىشتۇۇ جووپتۇلار بۉت بارىشىنا قاتىشات. باردىق تارماقتارىبىز 24 ساات بۇيرۇق كۉتۉپ تۇرات، ەگەر ەل تۇرمۇشۇنا چاتىشتۇۇ كەەبىر ىشەنىمدۉۉ ناسىيا اجاتى بولسو، بئز بۉت بارىشى بويۇنچا «جاشىل جول» اچىپ (چەچەبىز)».

جۇعۇشتۇۇ وورۇ ابالىنا قاراتا، جۇڭگو ايىل چاربا بانكەسى شئنجاڭ بۅلۉمچۅ بانكەسى قىردارلاردى ىنتەرنەتتەگى جولدو كەسپ بۉتۉرۉۉگۅ ىشتىكتۉۉ جەتەكتەپ، قول تەلەفون بانكەسى، ىنتەرنەتتەگى بانكە، سوودا قۇرجۇنۇ، اقچا مامىلە چاقان دۉكۅنۉ سىياقتۇۇ سىيفىرلاشقان اقىل جۅندۅمدۉۉ قۇرالدارعا سۅۅنۉپ ىنتەرنەتتەگى تەيلۅۅنۉ قۇلاچ جايدىردى، 2- ايدىن اقىرىنا چەيىن، ىنتەرنەتتە بۉتۉشۉلگۅن سوودا مۅلچۅرۉ 20 مىڭگە جەتىپ، بۉتۉشۉۉ سۇمماسى 2 مئلىيارت 300 مئلىيون يۇانعا جەتتى. قورعوس جئنيئى ەل ارالىق سوودا (توبۇ) چەكتۉۉ شەرىكتىگى جاقىندا ايىل چاربا بانكەسىنىن «ۇچۇراشپاس ىڭعايدا»عى بۉتۉرۉۉسۉ ارقىلۇۇ، 10 مئلىيون يۇان جۉرۉشتۉرمۅ قارجى ناسىياسىن بۉتۉردۉ. شەرىكتىكتىن باشقى دەرەكتورۇ يۉ چىڭجوڭ مىنداي دەدى: «جوعورۇ ىلدامدىقتا، تەز ارى ىڭعايلۇۇ، بەرەكەتتۉۉ دەپ ايتۇۇعا بولوت، ايرىقچا ۇچۇرداعى جۇعۇشتۇۇ وورۇ ابالى استىندا، شەرىكتىگىبىزدىن ۅنۉگۉۉ تئجاراتتا تۇش بولعون قىيىنچىلىقتارىن ماالىندا چەچتى».

〖2020.03.05-12:05〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز