شئنجاڭ تەمىر جول تاشىمالى 190 مئڭ تونناعا جاقىن كالىيلۉۉ جەر سەمىرتكىچتى تاشىپ، جازعى ەگىنچىلىككە دايىندالۇۇ ۅندۉرۉشۉن قامتاماسىزداندىردى

2020-02-27 11:27

ىستانسىيابىز قابارچىسى جئن لىي، ەرىكتۉۉ قابارچى ۋۇ چئنىن قابارى: 2- ايدىن 26- كۉنۉ، ماملەكەت اچىپ ۅنۉكتۉرۉۉ قارجى سالۇۇ توبۇ چەكتۉۉ شەرىكتىگى شئنجاڭ لوپنۇر كالىيلۉۉ تۇز چەكتۉۉ جووپتۇلۇق شەرىكتىگىنىن مئڭ توننادان اشۇۇن كالىيلۉۉ جەر سەمىرتكىچى پويۇزعا جۉكتۅلۉپ، بۉت ماملەكەتتىن جەر- جەرلەرىنە تاشىلىپ، جازعى ەگىنچىلىك ۅندۉرۉشۉنۅ دەمۅۅر بولدۇ. 

 جۇڭگو تەمىر جولۇ ۉرۉمچۉ مەكەمەسى توبۇ چەكتۉۉ شەرىكتىگى قومۇل جۉك تاشىمال بوربورۇنۇن جووپتۇسۇ مىنداي تاانىشتىردى: بۇل مەزگىلدە كالىيلۉۉ جەر سەمىرتكىچتىن ساتىلۇۇسۇ قىزۇۇ مەزگىلگە كىردى، ار كۉنۉ 40 دان 60 ۋاگونعو چەيىن تۇرۇقتۇۇ جۉكتۅلۅت. بىيىل بۉت ماملەكەت ىچىنە تاشىلعان كالىيلۉۉ جەر سەمىرتكىچ 190 مئڭ توننا، جالپى 3068 ۋاگون. جاقىندا، قومۇل جۉك تاشىمال بوربورۇ كالىيلۉۉ جەر سەمىرتكىچ، كۅمۉر سىياقتۇۇ ورچۇندۇۇ زاتتىق ماتەرىيالداردىن تاشىلۇۇسۇن بەكەم قاراپ، تاشىمال تەيلۅۅسۉن قىلداشتىرىپ، كەرقانانىن جۇمۇشتۇ، ۅندۉرۉشتۉ قالبىنا كەلتىرۉۉسۉن قامتاماسىزداندىرۇۇ مەنەن قامدادى. 2- ايدىن 25- كۉنۉنۅ چەيىن، قومۇل جۉك تاشىمال بوربورۇ بىيىل جالپى 60 مئڭ ۋاگوندون اشۇۇنعا جۉكتۅپ، جۉك تاشىلۇۇسۇ 3 مئلليون 945 مئڭ توننانى بۉتۉرۉپ، الدىنقى وقشوش مەزگىل مەنەن سالىشتىرعاندا ارتۇۇ تەمپى 25 پايىزدان اشىپ كەتتى. 

〖2020.02.27-11:27〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز