جەر- جەرلەردەگى كەرقانالار قورعونۇۇ بۇيۇمدارىن باچىم ۅندۉرۉپ، جۇعۇشتۇۇ وورۇنۇن الدىن الىپ تىزگىندۅۅگۅ دەمۅۅر بولدۇ

2020-02-12 12:58

جاڭىچا تااجى سىمال ۋئرۇس ۅپكۅ سەزگەنچى جۇعۇشتۇۇ وورۇ ابالى كۅرۉلگۅندۅن بەرى، ماسكە، قورعونۇۇ كىيمى سىياقتۇۇ زاتتىق ماتىرىيالدارعا بولعون اجات مۅلچۅرۉ تەز ارتىپ، اپتونوم رايونۇبۇزداعى كۅپتۅگۅن قاتىشتۇۇ كەرقانالار ۅندۉرۉشتۉ ۅزگۅرتۉپ قۇرباتىن كەڭىرتىپ، جۇعۇشتۇۇ وورۇنۇن الدىن الىپ تىزگىندۅۅگۅ كەرەكتۉۉ زاتتىق ماتىرىيالداردى باچىم ۅندۉرۉپ، جۇعۇشتۇۇ وورۇنۇن الدىن الۇۇ بئرىنچى چەبىندەگىلەردى قامدادى، ەمى ىستانسىيابىزدىن بۇل جۅنۉندۅكۉ ۇنىۋەرسال قابارى. 

2- ايدىن 9- كۉنۉ قابارچى جەركەن وودانى توقۇماچىلىق كەسىپ باقچاسى جوڭشا ياڭگۇاڭ ۅنۅر جاي چەكتۉۉ شەرىكتىگى ماسكە زاۋوتۇندا دەنە تەمپەراتۇراسىن ۅلچۅگۅندۅن كىيىن ماسكە تاعىنىپ، بۇت كىيىمى قابى، مەلەي كىيىپ، قورعونۇۇ كىيىمىن كىيىپ جۇمۇشچۇلاردىن دىزەنفەكسىيالانعان ۅندۉرۉش سەحىنە كىرىپ، چۇقۇل ىشتەپ جاتقانىن، ماسكەلەر تىگىلىپ بۉتكۅندۅ ولتۇرا قىزىل نۇرلۇۇ دىزەنفەكسىيالوو ىشكابىندا دىزەنفەكسىيالانعاندان كىيىن جاشىككە سالىنىپ جابىق ابالدا سىرتقا تاشىلىپ جاتقانىن كۅردۉ. 

جۇعۇشتۇۇ وورۇ ابالى كۅرۉلگۅندۅن كىيىن، جەركەن وودانى تەز ۉن قاتىپ، توقۇماچىلىق باقچاسىنىن ارتىقچىلىعىنان پايدالانىپ، شئنجاڭ جوڭشا ياڭگۇاڭ ۅنۅر جاي چەكتۉۉ شەرىكتىگىن ىشتىكتۉۉلۉك مەنەن ماسكە ۅندۉرۉش سەحىن داياردووعو قوزعوتقون، وشوندوي ەلە كەرقانالاردىن جابدۇۇلاردى تاشمالدوو، ۅندۉرۉش چىيكى ماتىرىيالىن ساتىپ الۇۇ، تاشمالدوو جانا قارجىنى قوزعووتۇ سىياقتۇۇ قىيىنچىلىعىن شايكەشتىرىپ چەچىپ بەرىپ، كەرقانانى 2- ايدىن 7- كۉنۉ ىراسئمىي ۅندۉرۉشكۅ كىرىشتىرگەن. شەرىكتىكتىن مۇدۇرىيات باشچىسى سۉن شۉبئن قابارچىعا، ۇچۇردا جۇمۇشچۇلار ۉچ كەزەك بويۇنچا 24 ساات توقتوبوي ماسكە ۅندۉرۉپ جاتقانىن ايتىپ مىنداي دەدى: «بئر گۇرۇپپا 15 مىڭدەن 17 مىڭگەچە ماسكە ۅندۉرۅ الات، مۇردا كىيىم- كەچە ۅندۉرۉشۉن نەگىز قىلچۇبۇز، جۇعۇشتۇۇ وورۇ ابالى كۅرۉلگۅن مەزگىلدە داراجانى ۅستۉرۉپ ماسكە ۅندۉرۉۉگۅ الماشتىردىق، ازىرقى ۅندۉرۉشكۅ كەپەلەتتىك قىلعان شارت استىنداعى ۉچتۅن بئر ۅندۉرۉش مۅلچۅرۉن جوعورۇلاتىپ، 70 مئڭ ماسكە ۅندۉرۉۉنۉ قولعو كەلتىرۉۉگۅ اراكەت قىلدىق، ارتىنان داعى ايرۇۇ كىيىمىن ۅندۉرۉپ، ار كۉنۉ 3500 دۅن 5000 گەچە ۅندۉرۉۉنۉ قولعو كەلتىرەبىز». 

شئنجاڭ رۇيئى توقۇماچىلىق كىيىم- كەچە چەكتۉۉ شەرىكتىگى دەمەيدەگى ايرۇۇ كىيىم ۅندۉرۉۉ سالاقاتىنا ەە بولۇپ، ۇچۇرداعى جۇعۇشتۇۇ وورۇنۇن الدىن الىپ تىزگىندۅۅ تالابى بويۇنچا، بىڭتۇان ۅنۅر جاي جانا ماالىماتتاشتىرۇۇ مەكەمەسى سىياقتۇۇ تارماقتاردىن تااستىقتووسۇ بويۇنچا، بۇل شەرىكتىك كىيىم- كەچە تارماق زاۋوتۇن 2- ايدىن 6- كۉنۉ تۉشتۅن كىيىن چۇقۇل قايرا جۇمۇشقا كىرىشتىرىپ، تەحنىكالىق تاپقىرلوو قىزماتكەرلەرى تۉن قاتىپ ۉستۅك قوشۇپ ىشتەپ، مەدىسىنادا ىشتەتىلۉۉچۉ ايرۇۇ كىيىمىن ۅندۉرۉۉ تەحنىكا ۅلچۅمۉ جانا ۅنۅر تالابى بويۇنچا تۉن قاتىپ ۉلگۉ كىيىمىن جاساپ، 2- ايدىن 7- كۉنۉنۅن باشتاپ ئرى تۉركۉمدۅ ۅندۉرۉشكۅ كىرىشىپ، 4 كۉندۅ ايرۇۇ كىيىمىنەن 3450 نۉ ۅندۉردۉ، شەرىكتىكتىن پارتئيا باش ياچايكا شۇجئسى جاۋ فۇروڭ، ۅندۉرۉشتۉ جاقشى ۇيۇمدوو مەنەن بىرگە شەرىكتىك كىرىپ- چىققانداردىن دەنە تەمپەراتۇراسىن ۅلچۅۅ، قاتااڭ دىزەنفەكسىيالوو، قورعونۇۇ ماسكەسىن تاعىنۇۇ سىياقتۇۇ ىڭعايلاردى قولدونۇپ جۇعۇشتۇۇ وورۇنۇن الدىن الۇۇ قىزماتىن مىقتۇۇ ىشتەگەنىن، وشوندوي ەلە بۉتكۉل قىزماتقا چىققانداردىن شەرىكتىكتە قونۇپ، شەرىكتىكتە تاماق جەەشىن تالاپ قىلىپ، جابىق ىڭعايدا باشقارۇۇ الىپ بارعانىن تاانىشتىرىپ مىنداي دەدى: «ۉستۅك قوشۇپ جاپالۇۇ ىشتەگەن بولسوق داعى جۇمۇشچۇلار بۇل ادام قۇتقارا تۇرعان ئش، بئز بۉت زەەنىبىز مەنەن بۇل ئشتى جاقشى ىشتەيبىز دەشتى». 

شئنجاڭ ۋاڭيە نئياڭزاۋ چەكتۉۉ جووپتۇۇلۇق شەرىكتىگى تازا سۇۇ، سۇۇسۇندۇق، اراق تۉرۉندۅكۉ تۉشۉمدۅردۉ ۅندۉرۉۉنۉ نەگىز قىلعان كەرقانا بولۇپ، وروپ- سالۇۇ ۅنۅرۉ جانا مەدىسىنادا ىشتەتىلۉۉچۉ ىسپىرت ۅندۉرۉۉ، قامدووسۇنا جاقىن بولعوندۇقتان قومۇل شااردىق ۅنۉكتۉرۉۉ جانا ىسلاات كومىتەتىنىن شايكەشتىرۉۉسۉندۅ كارقانا ۅز بىلگى تەحنىكا جانا ۅندۉرۉش قۇرباتى ارتىقچىلىعىنان پايدالانىپ، بئرىنچى بولۇپ ۅندۉرۉش پئلانىن تەسكەپ، چۇقۇل كەرەكتۉۉ زاتتىق ماتىرىيالداردى ۅندۉرۉۉگۅ ۅزگۅرتۉۉنۉ چەچىم قىلدى، كەرقانانىن ەمگەك كۉچۉ كەمچىل بولۇۇ ماسەلەسىنە قاراتا قومۇل جوعورۇ داراجالۇۇ جاڭى تەحنىكالىق كەسىپتى اچىپ ۅنۉكتۉرۉۉ رايونۇ كەرقانانىن ۇباقتىلۇۇ جۇمۇشچۇ قابىلدووسۇنا جاردام بەرىپ، ۅندۉرۉشتۉ تەز الىپ بارۇۇسۇنا كەپەلەتتىك قىلدى، شەرىكتىكتىن مۇدۇرىيات باشچىسى لو شىياۋجۉن، شەرىكتىك جۇعۇشتۇۇ وورۇنۇن الدىن الىپ تىزگىندۅۅ قىزماتىن مىقتۇۇ ىشتۅۅ شارت استىندا، بۉت كۉچۉ مەنەن ۅندۉرۉش الىپ بارا تۇرعانىن ايتىپ مىنداي دەدى: «بئز شەرىكتىكتىن مۇرداعى تازا سۇۇ ۅندۉرۉۉ لئنىياسىن توقتوتۇپ، 75 پايىزدۇۇ مەدىتسىنادا ىشتەتىلۉۉچۉ ىسپىرىت ۅندۉرۉۉنۉ باشتاپ، ازىرعا چەيىن شەرىكتىگىبىز 11 مئڭ 500 داانا ىسپىرىت ۅندۉردۉك، بئز داعى ارعانىن باارىنچا ازىرااق كۉچۉبۉزدۉ چىعارىپ، كۅبۉرۅۅك سالىم قوشوولۇ دەپ جاتابىز». 

〖2020.02.12-12:58〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز