شئنجاڭدا تۇنعۇچ تۉركۉمدۅكۉ جاڭىچا تااجى سىمال ۋئرۇس ۅپكۅ سەزگەنچى دەپ مۉنۅزدۅپ بەكىتىلگەن 3 نووقاس ايىعىپ دوقتۇرقانادان چىقتى

2020-02-12 12:44

 شئنجاڭدا تۇنعۇچ تۉركۉمدۅكۉ جاڭىچا تااجى سىمال ۋئرۇس ۅپكۅ سەزگەنچى دەپ مۉنۅزدۅپ بەكىتىلگەن 3 نووقاس ايىعىپ دوقتۇرقانادان چىقتى 

   2- ايدىن 11- كۉنۉ تۉشتۅن مۇردا، شئنجاڭدا تۇنعۇچ تۉركۉمدۅكۉ جاڭىچا تااجى سىمال ۋئرۇس ۅپكۅ سەزگەنچى دەپ مۉنۅزدۅلگەن 3 نووقاس، اپتونوم رايوندۇق دارىلوو قۇتقارۇۇ ادىستەر گۇرۇپپاسىنىن ئلىمىي جەتەكتۅۅ جانا بەلگىلەنگەن تۉيۉندۅكۉ دوقتۇرقانانىن زەەن قويۇپ ۇنۇۋەرسال مۉنۅزدۅپ دارىلووسۇ ارقىلۇۇ، ماملەكەتتىك سالاماتتىقتى ساقتوو دەن سوولۇق كومىتەتىنىن جاڭىچا تااجى سىمال ۋئرۇس ۅپكۅ سەزگەنچى دەپ مۉنۅزدۅپ بەكىتكەن نووقاستاردى دارىلوو ۅلچۅمۉنۅ ىلايىق كەلىپ، وشول كۉنۉ ىراسمئي دوقتۇرقانادان چىقتى. 

   بۇل 3 نووقاستىن بىرۅۅ ۉرۉمچۉ شاارىنداعى 47 جاشتۇۇ ەر نووقاس بولۇپ، 1- ايدىن 20- كۉنۉ ۋۇحاندا ۉيرۅنۉۉدۅن شئنجاڭعا قايتىپ كەلگەندەن كىيىن، ەتى ىسۇۇ، شايى كەتۉۉ، بۇلچۇڭ ەتتەرى سايعىلاشىپ وورۇۇ قاتارلۇۇ جايسىزدانۇۇ ابالدارى كۅرۉلۉپ، 1- ايدىن 22- كۉنۉ اپتونوم رايوندۇق جۇعۇشتۇۇ وورۇلار دوقتۇرقاناسىندا ايرىپ دارىلانىپ، 1- ايدىن 23- كۉنۉ مۉنۅزدۅپ بەكىتكەن. داعى بىرۅۅ ۉرۉمچۉ شاارىنداعى 52 جاشتۇۇ ەر نووقاس بولۇپ، ۇزۇن مەزگىل ۋۇحاندا قىزمات قىلىپ، 1- ايدىن 19- كۉنۉ ۋۇحاندان شئنجاڭعا قايتقاندان كىيىن ەتى ىسۇۇ، شايى كەتۉۉ، بۇلچۇڭ ەتى سايعىلاشىپ وورۇۇ قاتارلۇۇ جايسىزدانۇۇ ابالدارى كۅرۉلگۅن، 1- ايدىن 21- كۉنۉ اپتونوم رايوندۇق جۇعۇشتۇۇ وورۇلار دوقتۇرقاناسىندا ايرىپ دارىلانىپ، 1- ايدىن 23- كۉنۉ مۉنۅزدۅپ بەكىتكەن. داعى بىرۅۅ تۇرپان شاارىنداعى 25 جاشتۇۇ ايال نووقاس بولۇپ، 1- ايدىن 24- كۉنۉ ۋۇحاندان شئنجاڭعا قايتىپ كەلگەندەن كىيىن، كۅۅنۉ ايلانۇۇ، ئچى كۅبۉۉ، ەتى ىسۇۇ قاتارلۇۇ ابالدار كۅرۉلۉپ، تۇرپان شاارى ەدىقۇت رايوندۇق ەل دوقتۇرقاناسىنا بارىپ مۉنۅزدۅتكۅن، 1- ايدىن 27- كۉنۉ مۉنۅزدۅپ بەكىتۉۉ ارقىلۇۇ، 1- ايدىن 28- كۉنۉ اپتونوم رايوندۇق جۇعۇشتۇۇ وورۇلار دوقتۇرقاناسىنا قوتورۇپ ايرىپ دارىلاعان. 

   تاانىشتىرۇۇعا قاراعاندا، جوعورۇدا ايتىلعان نووقاستار دوقتۇرقاناعا كىرگەندەن كىيىن، اپتونوم رايوندۇق دارىلوو قۇتقارۇۇ ادىستەر گۇرۇپپاسى دارىلوو دولبوورۇن زەەن قويۇپ تۉزۉپ چىعىپ، جۇڭگوچو، باتىشچا دارىلوونۇ تەڭ قولدونۇۇدا بەكەم تۇرۇپ، ۇنىۋەرسال دارىلاپ، نووقاستىن دەن سوولۇعۇنۇن قالىبىنا كەلۉۉسۉن ۅنۉمدۉۉ ىلگەرى سۉرگۅن. 3 نووقاس ادىستەر گۇرۇپپاسى جانا ايرۇۇ بۅلمۅسۉندۅكۉ دوقتۇر، سەستىرالار توبۇنۇن باار كۉچ مەنەن قۇتقارۇۇسۇ، زەەن قويۇپ كۉتۉۉسۉندۅ، وورۇ ابالى سىزىل جاقشىلانىپ، تىنىق الۇۇ جولۇنداعى وورۇ ابالى جاقشىلانىپ، ۅپكۅ رەنتىگىندە وورۇعان جەردىن قارتتانىپ شىمىرىلگەنى كۅرسۅتۉلۉپ، ۇداا قىيلا كۉن دەنە تەمپىراتۇراسى نورمال بولۇپ، ۇداا ەكى ىرەتتەن اشۇۇن تىنىق الۇۇ جولۇنداعى وورۇ قاينارىنىن ۅزۅك كىسلاتاسىن ۅلچۅۅ مئنۇس بولۇپ چىعىپ، ار قايسى لابوراتىيالىق كۅرسۅتكۉچۉ نورمال بولعون. اپتونوم رايوندۇق دارىلوو قۇتقارۇۇ ادىستەر گۇرۇپپاسى داعى بئر دەمجىي كۉزۅتكۅندۅن كىيىن باالوو ارقىلۇۇ، ماملەكەتتىك سالاماتتىقتى ساقتوو دەن سوولۇق كومىتەتىنىن «جاڭىچا تاجى سىمال ۋىروس ۅپكۅ سەزگەنچىن مۉنۅزدۅپ دارىلوو دولبوورۇ (سىناق ىرەتىندە جولعو قويۇلعان 5- تۉزۅتۉلگۅن نۇسقاسى)»نداعى مۉنۅزدۅپ بەكىتكەن نووقاستاردى ايرۇۇنۇ كۉچۉنۅن قالتىرۇۇ جانا دوقتۇرقانادان چىعۇۇ ۅلچۅمۉنۅ ىلايىق كەلىپ، تولۇق ايىعىپ دوقتۇرقانادان چىققان. 

〖2020.02.12-12:44〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز