ۋئرۇس مەنەن ۇچۇراشۇۇچۇ كىشىلەر

2020-02-11 12:07

ىستانسىيابىز قابارچىسى لئياڭ شۅلىيدىن «ۋئرۇس مەنەن ۇچۇراشۇۇچۇ كىشىلەر» دەگەن قابارى

اپتونوم رايوندۇق وورۇلاردى تىزگىندۅۅ بوربورۇ «جاڭىچا تااجى سىمال ۋئرۇس» تەكشەرۉۉ گۇرۇپپاسىنىن ئشقاناسىندا، گۇرۇپپا باشچىسى جاۋ جۉن ەمى ەلە سۉرۅتكۅ العان ۋئرۇس تەكشەرۉۉ تارتئبى ۋئدىيوسۇنۇن ەڭ سوڭقۇ تەكشەرۉۉسۉ مەنەن شاشىلىش بولۇپ جاتتى. بۇل جۉرۉش ماشقۇلات تارتئبى ۇشۇل ورۇندۇن ار قايسى ايماق- وبلاستىن وورۇلاردى تىزگىندۅۅ بوربورۇنۇن تەكشەرۉۉ قىزماتىن قۇلاچ جايدىرۇۇسۇن جەتەكتەيت. جاۋ جۉن مىنداي دەدى: «3~4 كۉن تالقۇۇ قىلعاندان كىيىن، ار قايسى بۅلۉم- ئشقانانىن مۇعالىمدەرى سەكىن بئر بىردىككە كەلگەن ورتوق تاانىمعا جەتىشتى، اندان كىيىن بئر جاعىنان تارتئبىن جازىپ، بئر جاعىنان ۋئدىيوعو الدى، باردىق تارتئبىن سۉرۅتكۅ الىپ، بئزدىن جەر- جەرلەردەگى وورۇلاردى تىزگىندۅۅ بوربورۇنۇن ىچكى الماشتىرۇۇ توبۇنا جۉكتۅپ قويوبۇز، ار بئر مۇعالئم ۅزدۅرۉ تۉشۉرسۅ جانا ۉيرۅنسۅ بولوت». 

ۋئرۇس «كۅز الدىندا» جاقىن، ۋئرۇستۇ قولۇنا «قارماپ»، ۋئرۇستۇن «ايلاناسى»ندا جۉرۅت، بۇل جەر تاق اپتونوم رايوندۇق وورۇلاردى تىزگىندۅۅ بوربورۇنۇن جاڭىچا تااجى سىمال ۋئرۇس تەكشەرۉۉ تاجرىيباقاناسىنىن چىنىعى ابالى. 

1- ايدىن 22- كۉنۉ تاڭ سااردا، اپتونوم رايوندۇق وورۇلاردى تىزگىندۅۅ بوربورۇ ۉرۉمچۉ شاارىندا 2 نووقاستىن 4 جۉرۉش نۇسقاسىن تاپشىرىپ الىپ بەكىتۉۉنۉ كۉتۉپ تۇرعان ەلە. ساار ساات 4تۅ، نۇسقا كۉچۅتۉۉ تىبىندەگى بىيولوگىيا قووپسۇزدۇق 2- داراجالۇۇ تاجرىيباقاناسىنا جەتكىرىلىپ بەكىتۉۉ الىپ بارىلات. گۇرۇپپا باشچىسى جاۋ جۉن جانا گۇرۇپپا مۉچۅسۉ گاۋ جىنگو تەزدىك مەنەن قورعونۇۇ كىيىمىن كىيىپ تاجرىيباقاناعا كىرىپ قايتالاپ تاقتاپ تەكشەرۉۉسۉن قۇلاچ جايدىرات. جاۋ جۉن مىنداي دەيت: «اندان كىيىن تاجرىيبانى ىشتەپ بولعوندو ساارقى ساات 7لەر ايلاناسىندا ناتىيجاسى چىعات، اندان كىيىن ناتىيجاسى پئلۇس چىققان نووقاس بولۇپ بەكىتىلەت، وشوندۇقتان دوكلات قىلۇۇ تارتئبى باشتالدى». 

ماملەكەتتىك وورۇلاردى تىزگىندۅۅ بوربورۇ قايتالاپ تاقتاپ تەكشەرىپ بەكىتىپ شئنجاڭداعى تۇنعۇچ «جاڭىچا تااجى سىمال ۋئرۇس» نووقاسى دەپ قاراعاندان كىيىن، 1- ايدىن 24- كۉنۉ، اپتونوم رايوندۇق وورۇلاردى تىزگىندۅۅ بوربورۇ بەلدۉۉ كۉچتۅن تانداپ 24 كىشىلىك جاڭىچا تااجى سىمال ۋئرۇستۇ تەكشەرۉۉ گۇرۇپپاسىن قۇرۇپ، 24 سااتتا ۉچ كەزەك الماشىپ ار قايسى ايماق، وبلاس، شاار تاپشىرعان كۉمۅندۉۉ نووقاستاردى قايتالاپ تاقتاپ تەكشەرەت، وشونۇ مەنەن قاتار 24 ساات ىنتەرنەتتە ار قايسى ايماق، وبلاس، شااردىق وورۇلاردى تىزگىندۅۅ بوربورۇنۇن تەكشەرۉۉ قىزماتىن جەتەكتەيت. 

جاڭىچا تااجى سىمال ۋئرۇستۇ تەكشەرۉۉ ۅلچۅۅ قىزماتىن بىيولوگىيا قووپسۇزدۇق 2- داراجالۇۇ تاجرىيباقانادا الىپ بارىلۇۇسۇ كەرەك، وشونۇ مەنەن قاتار بىيولوگىيا قووپسۇزدۇق 3- داراجالۇۇ تاجرىيباقانانىن جەكەلىك قورعونۇۇسۇن قولدونۇۇ كەرەك. تەكشەرۉۉ گۇرۇپپاسىنىن مۉچۅلۅرۉ قورعونۇۇ كىيىمىن كىيىپ، N95 ماسكەسىن، كۅز قورعوو كۅز اينەگىن، وڭ باسىمدۇۇ قورعونۇۇ بەت قابىن تاعىنىپ، قوش قاباتتۇۇ ئمۇلسىيا مەەلەيىن كىيىپ، سۇۇدان قورعونۇۇ ۅتۉگۉن كىيىپ، ۇدا بئر قانچا ساات ىشتەپ، ۅنۅ بويۇ تەرگە چۅمۉلۅت. نۇسقانى بئر جاڭسىل قىلۇۇ، ۅزۅك كىسلوتاسىن ايرىپ چىعۇۇ، سىستەماسىن داياردوو، كەڭىرتىپ تەكشەرۉۉ ...... ار بئر القاقتا قاتما- قات وپۇرتالدار ساقتالعان، تەك باردىق القاق تارتىپتۉۉ جىلچىقسىز ۇلانعاندا انان تاجرىيبا ناتىيجاسىنىن تۅپ تۇۇرا بولۇۇسۇنا كەپەلەتتىك قىلۇۇعا بولوت، ار بئر بارچا تەكشەرۉۉ ناتىيجاسى مۉنۅزدۅپ ۅكۉم چىعارۇۇعا زارىل نەگىز قامدايت. گۇرۇپپا مۉچۅسۉ گاۋ جىنگو مىنداي دەيت: «بئزدىن مىلدەت جووپتۇۇلۇعۇبۇز، بئز باشتان بويعو ۇشۇنداي كۉتۉۉسۉز كۅرۉلچۉ جۇعۇشتۇۇ وورۇ ۉچۉن دايىندىق قىلابىز. اسكەردى مئڭ كۉن ماشىقتاندىرىپ دايىنداپ بئر كۉن ىشتەتكەنگە وقشوش، ئش جۉزۉندۅ بۇل ەڭ جاقشى مئسال». 

تۉن جارىمى بولدۇ، وورۇلاردى تىزگىندۅۅ بوربورۇنۇن ئماراتىندا چىراقتار الئى جارىپ تۇرات، تەكشەرۉۉ گۇرۇپپاسى دالە جۇعۇشتۇۇ وورۇنۇن الدىن الىپ تىزگىندۅۅنۉن ەڭ الدىنقى چەبىندە كۉرۅشۉپ جاتات. گاۋ جىنگو مىنداي دەيت: «ازىرقى باردىق چاعىلدىرعان ابالداردان قاراعاندا، داعى بئزدىن شئنجاڭ بئرىنچى داراجالۇۇ ۉن قاتۇۇنۇ قوزعوتتۇ، اندان كىيىن كۅپچۉلۉك بەل قويو بەربەي چىمىرقانىپ جانا ورتوق چىمىرقانۇۇسۇن قوشقوندو، بئز بۇل جۇعۇشتۇۇ وورۇنۇ سۅزسۉز جەڭە الارىبىزعا ىشەنەم». 

〖2020.02.11-12:07〗    جووپتۇ رەداكتور:Namysbek
0

شئنجاڭ جاڭىلىقتارىنان تۉز بايان  باسما ۇقۇق مەنچىگى

تەلەفون:(0991)2508509  9  (0991)2578492

دارەگى: شئنجاڭ ۉرۉمچۉ شاارى 830- نومۇر شئنجاڭ رادىيو تەلە ىستانسىياسى تارتۇۇ، تىزگىندۅۅ ئماراتى 17- قابات

بەرۉۉلۅردۉ توردون تارتۇۇ، كۅرۉۉ، تىڭشوو ماقۇلدۇق نومۇرۇ:3105103

新ICP备10200192号-4  新B2-20040027

新公网安备 65010202000379号

شئنجاڭ رادىيو تەلە ىستانسىياسىنىن شىبىر سۅز جايىتىنا نازار وودارىڭىز